والتي كانت ولا زالت رحلة العمر بالنسبة لي كوني ولأول مره أستأجر سياره وتكون هي وسيلة النقل بين الدول الأوروبية والعاده يكون إما القطار أو الطيران الداخلي
تجى بالسلامة
احمداني ترد بالسلامة إن شاء الله
دير بالك من فندق رويال مونيتال بجنيف
باقوني بس ربك حميد ردت فلوسي الحمدلله
انسي لاتطوفك واتوقع رحت لها
صج لما رحت لها تحسرت اني ساكن بجنيف قلت لو ساكن بانسي وازرق لجنيف تصير العكس افضل
جنيف فعلاً ماعجبني المهايط اللي فيها
صرت انحاش واروح لمجمع بلكسير
السيارة متعتها غيرررررر ثاني سنة اجرب السيارة وطبعاً هالسنة احسن اكتسبت خبرة والقارمن ضبط وضعه معانا
المرة اللي طافت مثلك والله ضعنا ضيعات قشرة 14 ساعة نحوس
هالسنة اخذت اودي النفيغيشن مالها 100% مضبوط ومايضيع
لاتنسى تروح لوزيرن ترا حيل روووووعة ومنها تروح لأنترلاكن او العكس وزيورخ رحت لها وماعجبتني سنترها حلو بس المدينة كئيبة حيل
واشلون تحملت حر ميلان إيطاليا مشكلتها حر بالصيف
حتى فيينا كانت لاتطاق من الحر بس بعدين تعدل الجو
يالله ناطر باجي الصور لاتطول علينا
واااااو عجبتني وايد الصور الله يهنيك احمداني..
انترلاكن حييل هاديه للاستجمام فقط حدها يومين ثلاثه بس
جنيف رائعه لكن سويسرا أغلى دول أوربا وآنا وحده احب في السفر أتجول في أكثر من دوله
انسي وشامونيه بفرنسا قمة في الروعه .. لكن شامونيه للأسف باقوني فيها فكرهتها مع اني شديدة الحرص لكن انسرقت بحرفنة للاسف على العموم الحرص واجب بكل مكان..
واحب أضيف لكم مدينة بروج في بلجيكا أيضا قمة في الروعـــــه لكن بروكسل بصراحه دوله بسيييطه حيل واستغربت محلات السوبر ماركت عندهم منتجات مكتوبه عليها بالعربي والباكستان وجوها عربي مادري ليش،،
ياليت أشوف رايكم بايطاليا بعض اللي راحولها يذمون وبعضهم يمدحون ياليت نشوف صورها احمداني
ويسلموووو
فندق كومبومسكي وجلستها الرومنسية
مع أغاني محمد عبدو وعبادي الجوهر التي يوفرها الفندق لزبائن في المقهي الخاص به المطل على البحيرا وأتذكر إني لقيت فيها سلطان بن فهد وهو صاحب المقوله الشهيره عطني أبو إثنين
أيام كأس الخليج الأخيره وكذلك رأيت هناك منصور بن زايد رئيس نادي مانشستر سيتي وبعض الشيوخ والأمراء السعوديين والإماراتيين علي حداً سواء أما شيوخك ماسكين الدينار ومجلبين فيه
لذلك لا تجد لهم أي أثر هناك..:وردة:
كم هي جميلة بلاد ..... الفرنجة
ولكم باك
أحمداني ليش كاتب كرهتج يا كويت ! حرام عليك
بعدين هالسيارة اللي قدامك معاكم ؟ لأنه ما أحد يحط فليشر غير الخليجيين
حمد الله على السلامه .. :وردة:
والله إني ما ألومك بسويسرا..
هذي الديرة أعشقها عشق مو طبيعي
ماشاءالله
رحلة حلوة
وسويسرا فعلا جنة
تسلم الايادي خيو ع التصوير الحلو
يعافيك الرحمن
أهلا بالزميل أحمداني .. وحمد لله على السلامه ..
أنا أيضا .. كانت المرة الأولى التي أستأجر بها سيارة .. والرحلة كانت مدريد .. قرطبة .. غرناطة .. ملقا .. ماربيا .. وبالعكس ..
مشكلة السيارة الوحيدة هي المواقف .. هناك مواقفهم غالية جدا .. وطبعا إذا حصلت موقف قريب من سكنك ..
لكن التنقل بالسيارة تجربة ممتعة (بالطبع ليس كتجربة السفر للبحرين أو العمرة) .. فالمناظر الطبيعية تلعب دور في إنك لا تحس بالوقت ..
الجميل في الموضوع هو أنك تمر بين المزارع .. تشرتي إنتاجهم الـ Fresh .. ويكونون مصطفين على جوانب الطريق .. مطاعم ومقاهى القرى البسيطه أيضا لها طبيعة مميزة
يخرب بيتك .. الاغنيه والجو .. حكايه ..
ماتنلام في كره الكويت ..
أكرها معاك وحياتك
:وردة: الحمدالله على السلامه
الدول الكافره لا تستحق ان اسافر لها
فيها المناظر التي تحارب العقائد والاخلاق قد يتأثر بها اصحاب القلوب الضعيفه
اشكر صاحب الموضوع وانا اتكلم بشكل عام ولا اقصد اي احد بعينه
رحلتك تقريبا شبيه في رحلتي
انا راجع قبل 5 ايام
وكانت
ميلانو-فينيسا-كومو-لوقانو-لوسيرن-زيورخ-كابرن-زلمسي-سالزبورغ-ميونخ-ميلانو
وكان معاي قارمن من الكويت مظبط كل شغلي فيه والحمدالله ماضيعت
حمدالله على سلامتك التقرير واااايد حلو اخوي احمداني
والله انك ذوق..الاغنيه
الحمدلله عالسلامه العزيز احمداني متى الوصول
الصوره اللي داش فيها القريه مو طبيعيه يا حلاة المشي هناك
ضبطنا بالصور ترا اخوك بالعيد رايح واذا فيه سوالف تحذيريه علمنا مو تنسى
احمداني انت مامريت وينقن في سويسرا قريبه من انتر لاكن