Freaks Allowed
عضو مميز
السلام عليكم ورحمة الله وبركاته
الكثير منا سمع بالشراء عن طريق الانترنت وكيفية عمل ذلك , لكن القليل حاولوا .. أنا من اللذين اصابهم الفضول للمحاولة ..
شارك معنا بما تعرفه عن الشراء من الانترنت والمواقع الموثوق بها
مثل ما تعرفون أن اغلب مواقع التسوق ما توصل الطلبات للكويت ..
لكن دائماً الحل موجود ... موجودة عندنا شركة الارامكس في الكويت
تتصل عليهم أو عن طريق موقعهم يفتحون لك صندوقين بريد في امريكا وبريطانيا
بقيمة 9 دنانير فقط صندوق بريد دائم ...
طبعا عندما تشتري السلعة المطلوبة ترسلها لأحد البريدين بعدها تلقائياً تصل إلى الكويت
عن طريق الأرامكس .. ما أخفي عليكم ان الشحن غالي شوي عن طريق الارامكس
هم ياخذون على أول نص كيلو مبلغ 3 دنانير وبعدها كل نص كيلو زيادة دينارين ونص
يعني اللي يبي يشتري ملابس عطور أو أشياء خفيفة ما راح يدفع شحن كثير ...
*****
سأبدأ معكم أول مرة أشتريت سلعة (على سبيل التجربة فقط ) من الانترنت وكانت عن طريق
موقع الأمازون عبارة عن بدلة لولد اخوي توه صغير سعرها كان 7 دولار
طبعا الامازون ما يوصلون للكويت بعثتها على صندوق البريد في امريكا خلال اسبوع من الشراء
وصلت للكويت ..
راح أقولك أبسط طريقة للشراء عن طريق الفيزا
خصوصا اللي يخافون انهم يستخدمون الفيزا الخاصة بهم خوفا من السرقة
هذي طريقة أنا سويتها رحت لبنك بوبيان وفتحت عندهم بطاقة أسمها prepaid card
وهي بطاقة فيزا للشراء عن طريق الانترنت وتستخدم ايضا للكي نت في الكويت
طبعا الحين مسوين تخفيضات عليها برمضان سعر البطاقة 5 دنانير وتقدر تعبيها كل فترة عن
طريق موقع بنك بوبيان او تروحلهم وتعبيها عندهم
البطاقه مريحة جداً بحيث أنك تقدر تعبيها المبلغ اللي تبيه من دون خوف
واللي يبي مواقع مشهورة وموثوقة للشراء راح تلقونها بهالموضوع
المواقع اللي اشتريت منها انا شخصياً
www.amazon.com
www.ebay.com (هالموقع الشراء منه يحتاج تفتح حساب بالـPayPal)
واللي يبي طريقة فتح حساب بالـPayPal
أنا حاضر
وتحياتي لكم