تكملة قصيدة الشبرمي"
لانــه عـديـم ونــارد وفــارق بليـهـان
ويستاهـلـون الـمـدح كـــل السنـافـيـه
مـار المصيبـه فيـك يالـذيـب يالسـرحـان
قصـيـدك خثـاريـق وسوالـيـف لـوقـيـه
ومـا دامنـا فالمـدح والـمـدح لــه بيـبـان
وشلـون مـا امـدح سيـدي وانجـض الكيـه
واجيـب المعانـي وافيـه والبـيـوت سـمـان
مـن غيـر قاصـر فـي جمـيـع الشقـرديـه
وانـا سيـدي بينـه وبيـن الـعـرب شـتـان
لحـالـه ولا هــم حـولــه ولا حـولـيـه
هـذا تميـم المـجـد والـجـود والصفـطـان
حــر صفـاتـه كــل ابـوهـا خيـالـيـه
قلـب وقـبـالٍ ذرب مــع قبـلـه وقـبـلان
وبـاس وطناخـت راس مـا هــي بعـاديـه
مـدات شيخـان العـرب فـي دهـر وازمـان
اقــل مــن مــدات يمـنـاه عـصـريـه
وكفـه تلاطـم طيـب واسـطـوره وطـوفـان
مجـرم كــرم واركــان فـزعـه وعانـيـه
وكـان النشامـا تفنـي الحـيـل والحـشـوان
كــف التميـمـي تفـنـي آبــار نفـطـيـه
يعيـش العـرب ويعينهـم والكـريـم مـعـان
مـن طيـب فالـه حـي فالـه ويــا حـيـه
ولـد راعـي الوجبـه حمـد مدهـل الضيفـان
بـحـر الـنـدى والـديـن والدبلومـاسـيـه
حمـد خيـل العليـا حمـد وانـشـدو لبـنـان
وغـزه عـن الـزيـزوم زبــن الجـلاويـه
حمـد خيـل العليـا حمـد وانشـد الـسـودان
مـن وقـف الـحـرب وتبـنـى الحـواريـه
ورسـم صلـح جيبوتـي مـع ارتيريـا باتقـان
وانـهــى الـتـوتـر بيـنـهـم باتفـاقـيـه
مـن اللـي يثـور لامتـه ثــورة البـركـان
مـن اللـي عقـد جلسـات غـيـر اعتيـاديـه
وحـارب صراعـات الحضـارات والاديــان
وهـزم بالنقـا والـنـور جـيـش الظلامـيـه
حمـد خيـل العليـا حمـد وانشـد الـديـوان
كـم صــدَّرت بـامـره مـكـارم اميـريـه
حمـد خيـل العليـا حمـد وانشـد السـجـان
مـن اللـي عفـا واطلـق ســراح انقلابـيـه
حمـد خيـل العليـا حمـد وانشـد الشيـبـان
مــن دبــل لشعـبـه معـاشـات شهـريـه
حمـد خيـل العليـا حمـد وانشـد الاوطــان
مـن اللـي بـنـى بنـيـه متيـنـه وتحتـيـه
وان رحت صوب الخور وان رحت صوب دخان
ادركــت معـنـى الـثـوره الاقتـصـاديـه
وفي سـوق واقـف وقـف ولـف فـي لفـان
ومــرَّ سبـيـر والمنـشـاءات الريـاضـيـه
وبالدفنـه ليـا شفـت مـا يسـحـر الاعـيـان
تـرى اللـي تـرى بغضـون فتـره قياسـيـه
حمـد خيـل العليـا حمـد اذهــل الاذهــان
بنهـضـه شمولـيـه فـريــده ونـوعـيـه
ابـو مشعـل وجاسـم وابـو خالـد وجوعـان
اسُــد تميمـيـه مــن اسُـــد تميـمـيـه
ومـع وافـر التقديـر والشـكـر والعـرفـان
لاهــل الحمـيّـه والـوفــا والشهـامـيـه
لا جـيـت نــادر قـلـه يـقـول لقهـيـدان
هــذي مقـاسـيـم ومـقـاديـر مقـضـيـه
يـدور ويلقـى غيـر بنـت الفحـل صوغـان
مـا الله كـتـب يقـبـض خـطـام العمانـيـه
والصاعقـه فالجيـش مـا تطـفـي النـيـران
لــو جـابـت سـيـوف وبـنـادق هوائـيـه
والجنـد فالهيـئـات لا يـزرعـون اضـغـان
ولا يقحـمـون غلـيـص فـازمـه حـدوديـه
وبيـن العـرب والـروم والرافضـه بـايـران
بويضـات اباضـيـه وصيـصـان صوفـيـه
ومعيـط جـاك معيـط ينحـط وزقمـه بــان
تقـل ذيـب بـس انيـابـه انـيـاب نجـديـه
يزبـد وعـض لسـانـه وفـسـر الـدرعـان
مجـهـد بنـظـم معلـقـه مــدح حولـيـه
وبعـد النحيـط وطلعـة الـروح مـن شعبـان
لصمقـلـه بويـتـيـن تـرقــل وقـطـيـه
بزعمـه رمـى لا شـك رميـه رمـي عميـان
برشـاش مشطـه فــول طلـقـات صوتـيـه
ويـن انـت رايـح ويـن يـا لاح يـا ليحـان
مـن بـعـد مــا سلـمـت تسلـيـم رديــه
يا غليـم افلـح وامـس واشبـع مـن الشعـلان
واحـذر وحـاذر تـقـرب ايــات محمـيـه
وسيمـون حيـه بـس حـيـه بــلا نيـبـان
صـارت بعـد تكسـيـر الانـيـاب سحلـيـه
وان كانهـا عقديـن فــي فسـقـه وطغـيـان
تقـدر تقـول مـن اربـع سنيـن مـا طـيـه
ولزبـالـه التـاريـخ ولـعـالـم النـسـيـان
نـفـيـت نـفــي ومغـادرتـهـا نهـائـيـه
واللـي نبـح يالذيـب ذيـخ وطلـع سـكـران
ومدمـن خــزى ينـقـل خــزاه بمخابـيـه
ومـا هـي بلحيـة مـس ولا سوالـف جــان
مـا دمـره غـيـر الصـواريـخ الارضـيـه
يلـوي شدوقـه ويتـهـرش مــن الادمــان
يالله دخيـلـك ويتـقـلـب تـقــل حـيــه
ولا هـو بعيـد مـن هجـن فايـز الـفـوزان
يــوم فحصـوهـا بــان ســر الثلاثـيـه
ووجهه وسيـع وبطنـه اوسـع مـن الصمـان
ويطـوف فــي كــل الـبـلاد الخليجـيـه
ومـن الحيـاء والديـن والمرجـلـه عـريـان
وشبـعـان خـبـث ونرجـسـيـه وانـانـيـه
ومـن النجاسـه والـردىء والخـنـا ريــان
واخـبـث مسـاعـي فالبسطـيـه مساعـيـه
لـو كثـر المـيـك اب والـبـودره كـوبـان
وجـه الثعـل مفـضـوح والعـيـن مقـريـه
ولا لـه امـل غـيـر الامــل يالله العـقـلان
وعـل وعسـى قـبـل انتـهـاء الصلاحـيـه
مـا قلتـه اشـمـت يالله العـفـو والغـفـران
ولا اتشـمـت فـــي مخـالـيـق مبـلـيـه
لكنـهـا خـمـت سـرابـيـت ومـــن الان
لابــد مــن كـشـف الامــور بشفافـيـه
مـا عـاد فيهـا خابريـنـه وسـيـع بـطـان
ولا عــاد فــي بــدع المثـايـل مثالـيـه
هميـت ميسـم راس فـي الكبـد لـه دخــان
وسنـيـت لام جنـيـب وذنـيــب جنـبـيـه
هـذي دشيـر دعمـت ووجـهـت يـاخـوان
وتركـت تخـبـط خـبـط عـشـوٍ بحـريـه
وقامـت تمغمـغ فالحكـى مغمغـت نـسـوان
وتمـادت غــرور وغطـرسـه واندفاعـيـه
وكـثـرت هرابـيـد الوراعـيـن والـبـزران
تنفـخـت والـذيــخ كـبــرت عـلابـيـه
والشـاعـر المجـنـون طبـلـه الـوجـعـان
وفتحـي فـتـح جبـهـات لعـيـون فتحـيـه
وثـور يثـور ثـور فــي ثــورة الثـيـران
لا مـا غــدت قطـعـان ثـيـران ثـوريـه
وصـار الادب قلـة ادب لـلاسـف وانـهـان
واصـبـح وبــاء وكـارثــه اجتمـاعـيـه
سلعـة تبـاع وتشـتـرى بابـخـس الاثـمـان
والشـاعـر بقرشـيـن تـشــرى مـبـاديـه
حـب الظهـور شعـور بالنقـص والـخـذلان
وحـب المظاهـر ديــن وقــروض بنكـيـه
مـرت وعـدت وانتـهـت ازمــة اليـونـان
ولا زالـت ازمـة حـادي العـيـس فكـريـه
وحن فـي رجـا الله والله انـه عظيـم الشـان
يلـطـف بـنـا وبـقـدرة مـنــه الـهـيـه
وانـا طالبـه يلهمنـي الصـبـر والسـلـوان
ويكفيـنـي شــرور الـزمـان وبـلاويــه
ولا لـي جـدا غيـر اتوجـد علـى راكــان
وخضيـر وعبيـد العـلـي وابــن فضلـيـه
والغيهـبـان وراشــد ومـرشـد ومشـعـان
وعلـى القاضـي محمـد وراعـي الربيعـيـه
وعلى ابن سبيـل وابـن ريفـه وابـن هـدلان
وابـن قرملـه والــدرم راعــي القويعـيـه
وابـو زيـد وابـن حميـد وفهيـد والـدنـدان
وبـديـوي الـلــي نـــادراتٍ معـانـيـه
وعلى ابـن غيـام وساتـر ومقحـم وفجحـان
والاشـقـر الـلــي شيبـتـنـي قـوافـيـه
وصقـر النصافـي والعطـاوي وابـن دهمـان
الـنـادر الـلــي رد ابـاعــر بنـاخـيـه
وشلـعـان ودبـيـان والـلـوح وسلـيـمـان
واحمـد وابـو ماجـد وراعــي الشرلفـيـه
وعلى ابن سند والذيـب راشـد وابـن حوبـان
وعلى ابـن صنـت وعميـر راعـي الجميليـه
وبابيـات ابـن ثانـي حمـد يرجـح المـيـزان
شـيـخٍ تـفــرد بـالـطـروق الهـلالـيـه
وبابن عـون والخـس وخلـف تفتخـر بلـدان
وبـدر ورشيـد وعيـد مـن غيـر حصـريـه
ومن شعـراء عدنـان ومـن شعـراء قحطـان
كـم مـن حشـيـم فـيـه شيـمـه وغـاريـه
هـذي رسالـة والرسـالـة بـلـى عـنـوان
وفحـوى الرسالـة مـزحٍ بــرزح جهـريـه
ومانـي علـى مـا قيـل هايـب ولا شفـقـان
وعلـى اتـم الاستعـداد لاشــواط اضافـيـه
وعقـب صبـي جـاب علـم بــلا بـرهـان
ومـن لا مـعـه بـرهـان دعــواه كيـديـه
وحيـض الرجـال الكـذب والـزور والبهتـان
ومـن الحكـى يحكـم علـى كــل عقلـيـه
وكثـر الحكـى والهمـز واللمـز مهمـا كـان
محـرم ولا هـو مــن شيمـنـا العروبـيـه
هـذي قصيـده وانقـل الهـرج يـا سحيـمـان
يمكـن طويـل العـمـر يعطـيـك خرجـيـه
وافـي وانـا اوفـى منـك فالسـر والاعـلان
قريب وانـا اقـرب منـك مـن غيـر جنسيـه
لا شـك مومـن بـان رزقـي علـى المـنـان
ولا يمـكـن ازود بـالاسـعـار الاصـلـيـه
ومن فضل والـي العـرش ومكـون الاكـوان
وقفـة هـل الوقفـات مــا هــي بمنسـيـه
تكـرم كريـم كفـه اكــرم مــن الهـتـان
براتـب مديـر وشيـك مـع صــك ملكـيـه
واسلـم وسلـم لـي علـى رافــة الهـجـان
وقــل لــه ينـظـم مهرجـانـات صيفـيـه
عـزازي يـدق الـعـود باستـديـو الـريـان
وادهــم عـلـي جنـبـه يـجـر الهجينـيـه
وانشـد صـلاح الديـن وانشـد مشـي ديـان
وقـل لـي وش اسبـاب الحـروب الصليبيـه
مــن غـرتـه دنـيـاه متـوهـم وهيـمـان
بدنـيـا كـفــى الله شـرهــا شقلبـانـيـه
واللـي تجبـر قـل لــه نهايـتـك جثـمـان
ونهـايـة الـظـالـم شنـيـعـه وحتـمـيـه
واللـي يعـبـد انـسـان ولا يعـبـد اوثــان
حياتـه هــوان وتـحـت خــط البهيمـيـه
لان القناعـة كـنـز تنـبـع مــن الايـمـان
بـفـرد صـمــد مـتـفـرد بالاولـوهـيـه
يا محمـد ابـن الذيـب كـل مـن عليهـا فـان
حكـامـهـا وشـيـوخـهـا والـشـواويــه
وعلـى ذمـة الغسـلان ومحـمـد الشـرهـان
رجـال تجـيـب ابـيـات وامـثـال شعبـيـه
يقولـون نجـد حزومهـا ترضـي الـزعـلان
وللممتـغـث مــا مـثـل بــر النعيـريـه
واقبـل سلامـي يـا امبراطـور يـا بـطـران
وازكـى السـلام ختـام يـا طــاق طاقـيـه