سؤال وجواب iphone 4

[مايصح الا الصحيح]

السلام عليكم ورحمة الله وبركاته ,,

ابي اشتري ايفون 4 ومتردد ..
صج سالفة مشكلة السيرفس ؟
وسمعت مشكله ثانيه .. ان الجهاز ضعيف .. يعني بسررعه ينكسر ..
ماتسوى شاريه بمبلغ وقدره وينكسر بسرعه ..


شرايكم اشتري الجهاز ؟

ياليت اللي عنده خبره .. او شرى الجهاز يعطينا رايه ..



ودمتم ,,

 

[بو اسماعيل]

وعليكم السلام و رحمة الله و بركاته​

بالعكس 4 iphone من أفضل الاجهزة​

مكتسح السوق و مطلوب بشكل جنوني​

و سالفه السيرفس اشاعه و كلام فاضي​

أكلمك من واقع تجربه​

و اذا تبي تطمن أكثر​

عندك الالكترونيات الغانم اللي بالافنيوز ​

حاطين واحد لتجربه طقطق في جربه​

اذا عزمت تشتريه​

عندك ثلاث اماكن يوريكا و الكترونيات الغانم و الكتروزان​

300 دينار [ 16 قيقا ]​

 

[« غ ـريب الأطوآر »]

بالعكس .. تراه افضل من اللي قبله 3 من ناحية السيرفس والبطارية ووضوح الشاشة

موفق خير :وردة:

 

[دسمان]

سعره غالي عالفاضي شوفلك سمارت فون ثاني ابرك

 

[Normal]

لا يوجد فرق بين ايفون 4 وايفون 3

غير الشكل طبعا والفلاش .. وبالنسبه للسستم 4 تقدر تركبه على 3


اشوف ان السعر مبالغ فيه حيل ..

 

[مايصح الا الصحيح]

حددده السعر مبالغ فيه ,,

عشان جذيه اذا بشتريه .. اشتريه ان شالله من النت ..

 

[bant-failaJa]

اشتر وانت مغمض والكتروزان اليوم مسوين عروووض
وعليه كفاله سنه ومفتوح رسمي وسالفه الجهاز ماكو سيرفس وبسرعه يتكسر مو صــــــــــــــج كانت بالاول مشكله سيرفس وحلوهااا بسرعه​

وبالنسبه للى قال ماكو فرق بينه وبين 3Gs لافيه فرق بحجم الشاشه والوضوح
شوف الفرق بنفسكـ من خلال استعراضه من احد الاخوان
http://www.youtube.com/watch?v=kvkXcEU1nPc&feature=related​

http://www.youtube.com/watch?v=LQXWoVdo_Z8&feature=related

وموووفق خير ان شااء الله:وردة:​

 

[الميان123]

والله النصيحه اخي الكريم انك تصبر لي شهر 10 لاني سمعت انهم بينزلون الابديت الثاني وراح يعالجون العيوب مثل الاي الفون وراها نزلوها i phone 3GS