ابشركم الموضوع انتهى مع الهندي بالفحيحيل بفضل الله

الحالة
مغلق و غير مفتوح للمزيد من الردود.
E

eezee

عضو مميز
السلام عليكم اخواني واخواتي .....:):):D

اولا اشكر الجميييع اللي وقف معاي بمشكلتي ...(اللي كتبتها قبل 3ايام )

وهم اشكر بعض الناس اللي تطنزت واعتبرت الموضوع فاضي :(....واقولهم الله يسامحكم واحنا برمضان :eek:

وثانياااا / في واحد قال اني قلت راعي المحل موجووود ,.....وهذا الكلام غير صحيح لان راعي المحل غير موجود....ولوراعي المحل موجوود جان الهندي احترم نفسه ...:cool:


وابشركم :D:D

زوج اختي الكريم حل الموضوع وكلم ناس يقول من اعيال (....) وقالوا الموضوع خااالص وثاني يوم رد عليه رفيجه.... وقاله خل البنت تآخذ فلوسها واحنا نتصرف مع الهندي لان راعي مشاكل وانا مو اول وحده يطول معاهااا ..... وفي نفس اليوم صارت هوشه مع كويتي ومعاه بسبب تأخير فستان بنتهم لمدة يومين ويقولون الكويتي بغى يطقه ...لانه رادده وطول صوته

المهم ريل اختي تصرف معاه قال حق اختي انا بس دقيت على ناس وما تصرفت شخصيااا

اليوم الثلاثاء المغرب عقب الفطوور دق علي واحد كويتي يقول انه صايره مشكله معاي ومع الموظف الهندي اللي بالمحل عنده.....؟؟؟ جواوبته على طوووول وقلت السالفه حقه كلهاا
والحمدلله كان خوش ريال وكلامه محترم وريال عود ...قالي انتي الصاجه ....واهو تصرفنا معاه واللي اشهدوا عليه اللي بالمحل معاه ,,,,, وقالي يابنيتي آمري وتدللي شنو تبين ؟؟؟؟تدرون شنو قلتله .....قلتله حلال عليك الفلوووس ,,,,,وصراحه توبه ادش محلكم ابدااا وسامحني لاني قلت موضوعي بالنت وفضحته حق منتدى الشبكه الكويتيه الوطنيه ....وانا عند الله شاهده ...
وصراحه هذا من حقي ...كبنت لاني ما احب المخافر ومو متعودين ندشها والحمدلله ....
رد على الريال ...خلاص الموضوع انتهى ...واحنا برمضان وبعشر الاواخر والنفنوف (البدله) تعالي استلميها هديه مني بدون فلوس رضاوه حقج.......... قلتله يزااك الله الف خير ....ما ابي شي من محلكم وقلت توبه ....قال تكفين يابنيتي لاترديني انا مثل ابوج ومستعد اوصلج البدله لي البيت ....وكسر خاطري حيل بما اني يتيمه حسيته مثل ابوي وكان يتكلم بكل حنان وابويه
بصراحه قلتله انا مار اح اروح مره ثانيه حق محلكم ...لان الهندي مو محترم
قال خلاص الهندي ...وديناه للمشغل يخيط لانه مو كفو ...يكلم الناس
وقالي حياج الله بالمحل ناطرينج اليوم وتشرفينا.....قلتله لا لا ما راح ادش فحيحيل خلاص انا توبه ادشهااا ....قال آفا عليج ...... اوصلها ... البدله عندج عطيني العنوان ....وصراحه عطيته ...وسكرت التليفون
.وقلت بيني وبين نفسي اذا ياب البدله البيت راح اعطيه الباجي ...لاني ما ابي شي ببلاش ....الله مغنينا والحمدلله


وهذي سالفتي ;)

ومره ثانيه اشكر اللي وقف معاااي :إستحسان: واقولهم الله يوفقكم بأذن الله ...:ملائكية::ملائكية::ملائكية:.ويزاكم الله خير




ومشكورين يا اخواني:رجل: :وردة:وبالذات اخواتي العزيزات :امرأة::وردة::قلب:
 
ي

يزيد من الكويت

عضو ذهبي
واحنا شكو بهالسوالف التافهه والقصص الخياليه؟؟ يبا هذا منتدي سياسي محترم وكل الناس اللي بالخليح تقريبا يطالعونه وانتي قاعده تشوهينه بهالخرابيط :confused:
 
E

eezee

عضو مميز
يزيد من الكويت قال:
واحنا شكو بهالسوالف التافهه والقصص الخياليه؟؟ يبا هذا منتدي سياسي محترم وكل الناس اللي بالخليح تقريبا يطالعونه وانتي قاعده تشوهينه بهالخرابيط :confused:
أنقر للتوسيع...

لوسمحت احترم نفسك
وانت شكلك ماتقرئ عربي :cool:؟؟؟؟
هذا قسم الشبكه الاجتماعيه ...؟؟؟ انت شكوا داش ؟؟؟؟
اطلع اطلع وخلصنا....ما ابي مشاركتك بموضوعي:إستنكار::إستنكار: ....
 
E

eezee

عضو مميز
لو سمحتوا .....انا قاعده ابشر..... اللي شاركوني في موضوعي فقط .....والدخلاء الحقودين لايدشون ....
 
ي

يزيد من الكويت

عضو ذهبي
eezee قال:
لوسمحت احترم نفسك
وانت شكلك ماتقرئ عربي :cool:؟؟؟؟
هذا قسم الشبكه الاجتماعيه ...؟؟؟ انت شكوا داش ؟؟؟؟
اطلع اطلع وخلصنا....ما ابي مشاركتك بموضوعي:إستنكار::إستنكار: ....
أنقر للتوسيع...
موضوع مشوه المنتدي ويفشل واتمني اغلاقه وشنو اطلع اطلع؟؟قاعد بحوشكم انا :confused:
 
و

ولد وايل

عضو مخضرم
هههههههههههههههههههههههههههههههه


لووووووووووووووووووووووووول

يا ايزي

ألف ألف مبرووووك

يهنيج العقلاااان ههههههههه

يبا مرة ثانية نزلي موضوووعج بالشبكة السياسية

لأن كل أعضاء السياسية أهني تولجووونا ولجه

أهني أنقاش المواضيع الاجتماعية وبس

أنتي موضوعج سياااسي

الناس صنفوووه سياااسي

تفهميييين


هههههههههه

حسبي الله على ابليسج

تدرين بسبب موضوعج

تم إيقاف 2 من الاعضاااء

الله يسامحج بهالرمضانية






والوايلي يحيييكم




​
 
X

x_Maqhoor_x

عضو
ولد وايل قال:
هههههههههههههههههههههههههههههههه


لووووووووووووووووووووووووول

يا ايزي

ألف ألف مبرووووك

يهنيج العقلاااان ههههههههه

يبا مرة ثانية نزلي موضوووعج بالشبكة السياسية

لأن كل أعضاء السياسية أهني تولجووونا ولجه

أهني أنقاش المواضيع الاجتماعية وبس

أنتي موضوعج سياااسي

الناس صنفوووه سياااسي

تفهميييين


هههههههههه

حسبي الله على ابليسج

تدرين بسبب موضوعج

تم إيقاف 2 من الاعضاااء

الله يسامحج بهالرمضانية






والوايلي يحيييكم




​
أنقر للتوسيع...




يباا موضوعها سياسي بحت من عنوانه مبين

نفنوفها سبب مشكله بين الكويت والهند وتم استدعاء السفير الهندي بالكويت وتوجيه له انذار شديد اللهجه بسبه هالموضوع :p:p:p:p
 
B

BRiGHT_Q8

Guest
يزيد من الكويت قال:
:D:إستحسان::D:إستحسان::D:إستحسان:
أنقر للتوسيع...




x_Maqhoor_x قال:
ههههههههههههههههههههههههههه :إستحسان::إستحسان::إستحسان::إستحسان: يسلم كيبوردك
أنقر للتوسيع...





أشكركم أخواني على التأيد ,, :cool:


أيززي
أختي الله يهداج ,, مو تزعلين مني

بس هذا الصج ,, موضوعج كلش ماله معنى :إستنكار: ​
 
و

ولد وايل

عضو مخضرم
x_Maqhoor_x قال:
يباا موضوعها سياسي بحت من عنوانه مبين

نفنوفها سبب مشكله بين الكويت والهند وتم استدعاء السفير الهندي بالكويت وتوجيه له انذار شديد اللهجه بسبه هالموضوع :p:p:p:p
أنقر للتوسيع...



ههههههههههههههههههههههههههههههههه

لووووووووووووووووووووووووووول

:إستحسان::إستحسان::إستحسان::p:إستحسان::إستحسان::إستحسان:





​
 
E

eezee

عضو مميز
الله يسامحكم.............

بس لاتزعلون لاني اشتكيت لمدير المنتدى عليكم.....
 
X

x_Maqhoor_x

عضو
اختي العزيزه ايزي

ابلغ حالات الحنيه هي القسوه سامحينا او بالاحرى سامحيني اذا كنت قاسي بردودي

لاني ابيج تستفيدين بالمستقبل وراج حياه في الكثير من المصاعب والمتاعب والتضحيات تحتاج منج للجديه والقوه وبموضوعج هذا ما اضن تقدرين تواجيهين هالامور

فهذا ما دعانا كأخوه لج ان نكون قاسين شوي ( وكل طراق بتعلومه )


دمتي بود:وردة:
 
الحالة
مغلق و غير مفتوح للمزيد من الردود.
أعلى