وعيونك .. .. أبغير عيونها .. ..أتهنت
وجفوفك .. أبغير إجروحها .. ..أتحنت
يا تل الورد . . تل آخر الصباح
حتى أطفى . . من أشوف أرويحتي .. إنتلت
قلت إنجفا الماي . .
وذبل عود الياس
والأوادم نست وبغيرنا .. .. اتسلت
وأول ما شفت طولك نسيت الصوت
وروحي بلا سبب بجفوفك .. .. إفتلت
يا قمرة حياتي البعد ما هلت . .
يا إنت . . وكفاني إتوهدنّت وياك
تحسبني . . وحسبتي وياك .. .. ما فلت
كلمّن عرف خيره وشره . . وشال منها الشال
وتعدا العمر والأوادم .. .. إندلت
هسّا الراح راح .. .. وبين إيديك الروح
بس ذمه أبرقبتك يوم .. .. لو سَلَت !!
عريان السيد خلف
