سؤال وجواب شنو علاج فقر الدم (الانيميا)

[!...ωαнαм...!]

السلام عليكم ورحمه الله وبركاته


اخواني مرض فقر الدم معروف وانا اعاني منه


ومرات يصيبني دوار لمن اكون سواء في البيت والمحاضرات

شنو العلاج له علما اني ما تركت طبيب الا رحت له بس يروح ويرد


ومره قالو لي الزبيب علاج له مادري اذا صح او لا




​

 

[سليل الجود]

الله يشافيك ويعافيك يالغالى

عليك باللحم وخصوصا الكبد

وكذلك القلقاس وهو نوع من البطاط لونه احمر

وموجود فى مركز سلطان وهو مفيد جدا باذن الله

وتعقبّنا عليك العافيه​

 

[مطمئن]

صديقي وهم شلونك؟ ماتشوف شر إن شاء الله.....

علاج فقر الدم لازم يكون طويل المدى لتعويض نقص الحديد بجسمك..انا اخوي عنده فقر دم

اول شي روح الصيدليه واشتر حبوب حديد مع فيتامينات...أشرح للصيدلي حالتك ويقولك..


هالله هالله بالجبده ترى متروسه حديد ... الكيوي و السبانخ و الاطعمة المتضمنه حديد...

هذا العلاج ...اذا تبي نصيحة حقيقة روح لدكتور تغذية لان الدكتور العادي ماراح ينفعك...

سو تحليل دم شامل وروح ويعطيك نظام غذائي وترجع طبيعي..

وماتشووف شر

عنك

 

[!...ωαнαм...!]

الله يعافيك ويرفع قدرك اخوي الغالي سليل

وايضا الله يشافي مريضكم وراح اجربهم ان شاء الله وان شاء الله تفيدني


الف شكر لك :وردة:
​

 

[!...ωαнαм...!]

بخير يامال الخير

بيض الله وجهك اخوي عنك على هذه النصيحه الطيبه

والله يشافي اخوك ويعافيه وباذن الله راح اخذ موعد عند طبيب تغذيه

واكثر من اكل الكبد وانا سبق لي خذيت حبوب الحديد الحمراء

بس احس بس تعوض النقص بدون ما تشافي المرض بعد الله


الله يجزاك خير ومشكوووووور :وردة:
​

صديقي وهم شلونك؟ ماتشوف شر إن شاء الله.....

علاج فقر الدم لازم يكون طويل المدى لتعويض نقص الحديد بجسمك..انا اخوي عنده فقر دم

اول شي روح الصيدليه واشتر حبوب حديد مع فيتامينات...أشرح للصيدلي حالتك ويقولك..


هالله هالله بالجبده ترى متروسه حديد ... الكيوي و السبانخ و الاطعمة المتضمنه حديد...

هذا العلاج ...اذا تبي نصيحة حقيقة روح لدكتور تغذية لان الدكتور العادي ماراح ينفعك...

سو تحليل دم شامل وروح ويعطيك نظام غذائي وترجع طبيعي..

وماتشووف شر

عنك

 

[مطمئن]

تعوض النقص عن طريق الحبوب عدل
لكن مثل ما قلتلك العلاج يبيله فتره زمنيه طويله شوي

انت اخذ تحليل وشوف شيقولك الطبيب و عقبها بشهرين مثلا شوف نسبة الحديد وان شاء الله راح تلاقي تحسن

 

[!...ωαнαм...!]

الله يسمع منك اخوي

باذن الله راح اقابل دكتور تغذيه والله يكتب لي الشفاء وجميع المسلمين


الله يجزاك خير ويوفقك :وردة:

تعوض النقص عن طريق الحبوب عدل
لكن مثل ما قلتلك العلاج يبيله فتره زمنيه طويله شوي

انت اخذ تحليل وشوف شيقولك الطبيب و عقبها بشهرين مثلا شوف نسبة الحديد وان شاء الله راح تلاقي تحسن

 

[احبج يا كويت]

انا اعانى من الانيميا سويت تحليل دم وطلع فينى انيميا خذيت حبوب لمده 3اشهر وبعدين تحليل ثانى نفس الشى فاعتمدت على الاكل اولا الجبده ووالشمندر الاحمر والزبيب الاسود والبقدونس تستمر عليهم لمده شهر وبعدها اخذ تحليل دم وتشوف نسبه دمك

 

[إنطباعي]

انا اعاني من فقر الدم
في السابق ..

وفقر الدم من سلبياته تجيك دوخه فعلا مثل ماذكرت
وضعف بالعضلات
وتتعب بسرعه .. يصاحبه ضيق تنفس ..

ومثل ماذكر الاخ عنك عندك نقص بالحديد

بما انك بالسعودية

في عيادة تغذية بالخبر
والله ناسي اسمها في شخص اعرفه يعاني من فقر الدم
راجع عندهم واموره طيبه الحين
لان فقر الدم اساساً ,, مايجيك الا من نقص الغذاء
جدولك الغذائي يكون سيء
هذا اهو السبب الرئيسي

بخصوص العيادة
اذا كنت من الشرقيه
بجيب لك رقمهم باذن الله تعالى

 

[مربي أجيال]

ما تشوف شر أخوي مدري اسمع ان عصير الطماط مفيد لفقر الدم وما ادري ها المعلومه صح ولا غلط

 

[ســـــاحـــــر]

اولا : معرفة السبب


ثانيا : اذا تبي دواء غذائي


الرهش او الحلاوة الطحينية

ثالثا : اذا تبي علاج دوائي قاطع إبرة الايبو و

 

[تولين الرياض]

أنا سمعت أن الزبيب الأسود اليمني ممتاز لفقر الدم

بس كيف طريقته مدري


..
​

 

[ألب آرسلان]

اخوي ابي ارسلك بالخاص رقم صديق لي مطلع بشكل كبير على امور الاعشاب
والعسل وغيره .. وكان ينصح بقوه على الزبيب

وراح يشرح لك طريقة الاستخدام إن شاء الله

ولا تنسانا من الدعاء

 

[World on Wheelz]

ان كنت تتقن الانجليزيه فاليك هذا الرابط الذى يحتوى على وصفات منزليه خاصه بالمصابين بالانيميا لربما تلقى فيها فايده

http://www.homemademedicine.com/home-remedies-anemia.html

 

[أبوأحمد2010]

الكبده اذا اكلتها اليوم وبكره يعني وجبتين راح تحس انك مثل الغزال بس اهم شي خلها نص مستويه يعني فيها شوي ليونه وحمرا

انا كان فيني انيميا ومافيه علاج ينفع لها مثل الكبده

جرب وردلي خبر ودعيلي

 

[بدرالمطيور]

الله يشافيك

 

[فــهــد.م]

السلام عليكم...
أخي العزير علاج فقر الدم هو عــسل ســمــر أو عــسل الســدر الكويتي أو الزبيب اللي تلقاه عند الحواج وأفـضل زبيب تلقاه عند الأخوان اليمنيين أسمه زبيب صــعده..
عن تجربــه...مع تمنياتي لك بالشفـــاء العاجل.
ملاحظة: الإستمــرار يعطيك نتيجة

 

[The OMEN]

السلام عليكم

حبيت أنبهك إلى أن فقر الدم على أنواع... كل له علاج مختلف عن الآخر

فمثلا هناك فقر الدم العادي والذي تنفع معه حلول الإخوة الأعضاء من كبده وبعض الخضروات الورقية وحبوب الحديد والفيتامينات

لكن هناك أنواع أخرى تحدث نتيجة أسباب أخرى خلاف نقص الحديد مثل اختلاف شكل الكريات الحمراء (مثل التي أعاني منها) وقصر دورة حياة هذه الكريات الحمراء... وهذه الحالات لا تنفع معها العلاجات العادية كالحديد بل إنها تضر جسم المصاب حيث أنه نتيجة لموت هذه الكريات بسرعة فإن الحديد يترسب على الأعضاء الداخلية وأهمها الكبد ولا يزيد تناول الكبد بكثرة وحبوب الحديد المشكلة إلا تضخما... فلا حل نهائي لهذه المشكلة ولكن يمكن التخفيف منها بتناول حبوب حمض الفوليك (فوليك أسيد)

نصيحتي لك إفحص دمك وتبين أي الأنواع مرضك وسر بالعلاج... والله يشافيك عزيزي

 

[(المطيري)]

الفلفل الأخضر

والكبده

وطبعآ حبوب حديد






والعدس (الواسطه)


لأن فيه بعض الناس أجسامهم ما تسحب الحديد إللي بالأكل والعدس فيه فيتامين B12 وهو الوسيط الذي يساعد على أمتصاص الحديد من الطعام


ويغفل عنه كثير من الأطباء




ما تشوف شر إن شاء الله

 

[ابو عمر79]

حبوب الحديد
موجوده بالصيدليات

عصير الطماط

ماتشوف شر​