كويتي منتف
عضو مخضرم
لم أكن أتوقع أن أصادف ماصادفت ولا أن أرى ما شاهدت
ترقبوا خلال الساعات القادمــة وبالصور تفاصيل هذه الرحلة التعيسة..!!
يعطيك العافية ياكويتي منتف عالتقرير
بس حبيت اسألك بجم اخذت الليلة للشاليه الواحد !
الاهل قبل مجربينه ايام ماكان اسمه كمبنسكي اول ما فتح والناس ماهبت فيه
كان حيل غالي بس مقابل السعر كان يسوا من قلب
الاثاث غير عن هالاثاث
المطاعم كانت راقية كان بوفيه والاكل فرش والغدا والعشا كان شغله راقي مو معلبات وشورما
بس من نزلوا سعره وصار المستوى ردي .. وكل مرة يحجزون فيها تطلع سلبيات اكثر من قبل
مستوى النظافة انخفض جدا والاكل من سيئ الى اسوء والجو العام صار خرطي
ومن عرفوا انه الادارة بكبرها تغيرت وصار اسمه سيشل طلقوه بالثلاث .. يعني بآخر ايام كمبنسكي كان خوارة شلون بعد لما صار سيشل ! الحمد الله انه تجربتك كانت خير برهان على تدهور مستوى المكان
يعني احياناً الغلا نعمة مو نقمة علشان تحصل خدمة زينة
هلا عبدالله
طلع علي الشاليه الواحد ب150 عن طريق أحد الأصدقاء بالبنك الوطني لأن لهم خصم خاص.
طبعاً 150 من الخميس للسبت مو سعر الليلة .
بخصوص الجو العام فكلمة "خرطي" شويه بصراحه ..
يارجل ماكو شي يسوى والله.
رجال شكبره يوقف دور على العشا وآخر شي بطاط كتكو وخبزة شاورما..!!
تطلب خدمة تنظيف الغرف يجونك بعد ساعه ونص..!
أسلوب التعامل مع النزلاء من أسوأ مالاحظت بحياتي..!
المقهى المحاذي للبحر مامر عليه أغاني كويتية..24 ساعه ردح عراقي..!
يوم صار جزر أنصدمت صخور ضخمه تملاء الشاطىء بدون أي إشارات تحذير..!
بصراحة.. وأرجو المعذرة على هالكلمة ..المكان زباله .
إحترامي