اقدم اعتذاري للجميع ..
اللي ينتظر واللي ما درى عن الموضوع :وردة:
انا بنفسي تعبت من الموصوع
كان موعد الوصل في تمام الساعه الخامسة مساء وكان توقيت ممتاز للذهاب الى مدينة ( كاندي ) التي تبعد عن العاصمة 120 كيلو وتستغرق الرحلة بما لا يقل عن ثلاث ساعات لسوء الطرق المؤدية لها ..
قرأت كثيرا عن سيلان وخاصة الطريق المؤدي الى كاندي من انه سيئ جدا ومرهق جدا وفوق هذا السيارة التي سوف تنقلك الى هناك سوف تجد بها عيوب كثيره وخاصة التكييف ...
هيأت نفسي لهذا الموقف خاصة اننا اتينا من جزيرة بينيغ الى كوالالمبور بسيارة بمسافة 300 كيلو ولم نحس بالتعب كثيرا ..
واكثر ما تأهيت له هو موعد الوصول اللذي كان مبكرا في تمام الساعه الخامسة مساء وقلت بأقل الاحوال سوف نصل في تمام الساعه التاسعة مساء ..
تأخرت الطائرة القادة من سنغافوره ولم نصل الى سيلان الا في الثامنة مساء ..
وما انتهيتها من المطار وحجز السيارة ( باص ) والتدقيق على التكييف لانه امر مهم جدا خاصة ممن سبقونا من ذكر هذه النقطة ..
فحصت الباص لا بأس به جيد جدا ..
التكييف وكانت السيارة متوقفه ( شي اكيد ) ايضا لا بأس به وكنت اتصور انه بيكون نفس الي عندنا من تحرك السيارة وتزيد السرعه تزيد برودة التكييف ..
توكلنا على الله وخلال خمس دقائق ولا مطبات وناس يمين ويسار وبيوت يمين ويسار طلعنا من المطار ولا بعد
عشر دقايق من الانطلاق ولا السايق بالموت يسوق حدة طول الطريق ( 40 ) :باكي: نص ساعه ولاحظة ان التكييف مثل ما سمعت مو شي ...
الله كريم هذي اولها ان شاء الله تتحسن الامور ..
طبعا طول الطريق السرعه ما تزيد عن ( 40 ) وظلمة الطريق بين كل 300 متر انارة ( شبه ) وعلى اليمين ويسار بيوت وجم رجال يمشي واللي على سيكل وباصات ( الناس نايمه فعلا )
طبعا ما تميز شنو اللي ورى البيوت ، عابات جبال بيوت ثانية !! الله اعلم ...
بعد ساعتين طفح الكيل اللي تعب نام على المكيف السيئ ( يترقع شوي ) والبعض حط حيله بالسيلاني زيد السرعه ومو فاهم شي ، اهم شي سألناه متى نوصل قال بعد ساعه
مالكم بالطويله ..
وصلنا الفندق 12 بالليل واول ما نزلنا ردت روحنا على الهواء الجميل المنعش البارد ..
وكل واحد يشوف الثاني يبتسم على الوصل وعلى الجو البارد ..
وكلن يقول يارب سترك من الديره ، والصباح رباح ...
اول ما قمت النوم انصدمت
وعلى طول صورة من البلكونه ...
واهي تعبر لكم عن الحالة النفسية بعد جهد ليلة البارحه ..
.