النائبه الفاضله سلوى الجسار بما أنك قررتي الأنسحاب من التكتل الوطني
وأصبحتي بدون تكتل وأكيد تبين لك تكتل تضمين له ويكون تكتل مقبول لدى
الشارع ويعرف متى يمثل على جمهوره بشكل ممتاز ويخدم مصالحك من جهه
ومن جهه أخرى يخرع فيك كم وزير لزوم الأكشن والمقابلات الصحفيه
أنصحك أنظمي للتكتل الشعبي على الأقل تزيدين عددهم وعلى فكره لا تضايقين
ترى عندهم التصويت كل نائب بروحه وحسب قناعته أو مصلحته الأنتخابيه
وأبشرك التكتل الحين مشغولين حيل كل واحد ماسك قضيه بصوب ويردح عليها
مسلم البراك قاعد يفتر بالشوارع ويدور أي واحد عنده شكوى أو تظلم على وزير
الداخليه وماحصل للحين الا الأيرانيين ومستمر ضمير الأمه بالتفتيش وانشالله يلقى
مراده ويفكنا ؟
النائب الكبير أحمد السعدون أبشرك داخل حلف مع الشيخ أحمد الفهد والمستشار
محمد ضيف الله شرار وقاعد يتابع نائبنا الكبير معاهم وين وصلة خطة التنميه وأعتقد
أنه راح يقدم نصيحه للشيخ أحمد الفهد بأنه يعين الشيخ محمد عبدالله المبارك
أمين صندوق الخطه التنمويه
لأن هالثالثه ماكانوا يوما ما ثلاثي الفساد ؟؟؟
بعدين مابقى عندك الا الطاحوس وعلى الأول مخلينه للأفتتاح المعارض والثاني
مخلينه سبير كأنه مو واياهم
أنصحك نصيحه ماراح تلقين أحسن من هالتكتل واذا أنضميتيله سموه تكتل كله ماشي .