بورميه الوحيد الذي يناضل من اجل اسقاط الفوائد الربويه!

[القومي]

اولا نشكر النائب الفاضل الدكتور ضيف الله بو رميه

على تمسكه بالمطلب الشعبي في دور الانعقاد الحالي والسابق بشأن اسقاط الفوائد الربويه

نسمع صوت بو رميه فقط فأين البقيه من هذا المطلب الشعبي هل نسوا انهم توعدوا الشعب

بأنهم سوف يبذلون الجهد للاطاحه بالفوائد الربويه اين هم والبنك المركزي يزيد الفوائد ويقولون

بأن الفوائد 6 % !

هذا كلام غير صحيح وارجو ان يكونو مخلصين للشعب الكويت

 

[@الناصر@]

الله يعينك عسى القرض مو جايد

 

[الشبكشي]

صارله 6 سنوات يدندن على القروض يمديها خلصت

واخرتها ضيقوا علينا حتى الفيزا ضيقوها

للاسف بورميه ضرنا بهالسالفه انا اعتقد ان النائب

اللي يطرح موضوع شعبي ويدري باستحاله تنفيذه نائب سئ

وللاسف في مقابلته مع الحميضي كانت حجته ضعيفه

 

[bujassim]

يبون الديره طبقتين

وعشان يصير المواطن تحت رحمه التجار والنواب والكباريه

 

[SK2SK]

كلمة مناضل كبيرة علية شوف الجاسم وين وصل الى السجن والحبيب يشرشح فية الجويهل

احترامى للحرامى

 

[كـويتي غيور]

بصراحة اشكر النائب الفاضل ضيف الله ابو رميه على مجهوداته لرفع العبئ الكبير على غالبية ابناء الشعب

وذلك من خلال مطالبته لاسقاط الفوائد الربوية والله حرام كشعب مو متهنين بأموالهم بس فالحين بمساعدة

دول لا تهش ولا تنش يبه بتساعدونهم ساعدوهم بس اهم شي المواطن الكويتي خلوه يرجع مثل اول

نفسيته حلوه ومرتاحه بسكم ضغط على المواطن محدود الدخل بسكم مو كافي بوق وسرقات بمليارات

الدنانير بصراحة اتمنى فعلا اسقاط الفوائد الربوية وتالي بتشوفون الكويت ترجع مثل ماكانت حلوة ​

 

[صقر قريش]

من استقرض كان على علم بالفائدة ..!

ولا داعي زج الربا بكوكتيل أسمه ( حامي الدين والشريعة )
​

 

[الكويت بلاد العرب]

صارله 6 سنوات يدندن على القروض يمديها خلصت

وللاسف في مقابلته مع الحميضي كانت حجته ضعيفه

اخ الشبكشي المحترم
لو مو بورميه مكان الحكومه اقرت قانون المعسرين او المتعثرين
والزمة البنوك في تحديد الفائده

 

[العثماني]

سبق وحذرنا كثيرا

من هذا الاسلوب

وهو كما قال الزملاء

الاستعباط السياسي

 

[بورصاوي]

اسقاط القروض ضحك على الذقون ... (تسلق سياسي)

 

[طموح]

اسقاط القروض حلم ووهم

 

[عبدالله الثامن]

والله ضعنا واقساطى واحد خلص وواحد بعد سنه وواحد ريض وحنا فى رجا اسقاط الفوائد :باكي:​

 

[bujassim]

رفضوا اسقاط القروض وفوائدها لان قالوا ماكو عداله

بس وين العداله عن اقرار الكوادر ؟
ادارات مالها داعي في البلد تزيدونهم مثل الفتوى والشؤون وغيره
اما الفنيين اللي بالمحطات ماتقرون اعمال شاقه لهم ولا جنه شغلهم نفس النفط ولا لهم بدل خطر بما انكم بمكان حساس وحيوي وشغلهم حيل خطر
هذول مايستاهلون كادر ولا بدلات ولا اعمال شاقه ولا تأمين صحي ولا مستشفى لهم خاص صح ؟

وين العداله لمن زادوا اول 50 دينار حق الموظفين واللي فني ماعطوه ؟
وين العداله لامن زادوا ال50 الثانيه وقالوا سقف الاعلى 1000 ديناار ؟

يعني ماكو عداله موكل الناس خذتها صح ؟

قلنا ميخالف

بس الحين ايي بنك المركزي عقب ماقزرها فوائد على الناس ولعبت فيهم اييووون ويصكرون اعادة الجدولة ولا يقدر يحول من بنك لي بنك ؟

هم ماكو عداله
لان المقترضين القدم جددوا قروضهم كل ماتنزل الفايده تدرون الواحد كل سنه تطلع له شغله ف يضطر يقترض

وحتى الحين المقترضين الجدد مايشملهم القرار يعني لي خذا قرض مايقدر يجدد بعدين يمكن بعد سنين تطلعله شغله ومايقدر يجدد شلون ؟


ف وين العداله قولولي ؟

لا اسقاط فوائد ولا اعاده جدوله ولا يقدر يحول بنك ربوي لي اسلامي

والناس محتاجه ترمم ولا تشتري سياره او يتعالج او يتعلم او تتزوج موقادره تجدد

منو يقولي شلحل ؟

 

[تأبط خيرا]

تحياتي

​

 

[قبل السقوط]

ابورمية شكله بيجيب العيد بالناس

 

[القومي]

لا تخلطون الاوراق السالفه مو اسقاط قرووووووووووض

بل اسقاط فوائد ربويه محرمه شرعا بالدين الاسلامي

الكلام موجهه للذين يؤمنون بالدين الاسلامي ويحترمون كلام الله عز وجل

اما من يقول اسقاط القروض فليس فيها عداله حقيقه وليس من وحي الخيال


اسقاط الفوائد المتراكمه لا بد منها والنواب المساندين يفوق عددهم 37 نائب بأذن الله سوف تسقط الفوائد الربوويه ومن يساند اهل الربه

فنقول المجلس سيد القرارات والى الامام يابو رميه في انتظار الحدث الاكبر

 

[قبل السقوط]

بورمية ضيع الممساكين

 

[الجليد]

اتق الله يابورمية في هالمساكين لعنت والديهم بسالفة اسقاط القروض، ودمرتهم تدمير

 

[بو_علي]

اولا نشكر النائب الفاضل الدكتور ضيف الله بو رميه

على تمسكه بالمطلب الشعبي في دور الانعقاد الحالي والسابق بشأن اسقاط الفوائد الربويه

نسمع صوت بو رميه فقط فأين البقيه من هذا المطلب الشعبي هل نسوا انهم توعدوا الشعب

بأنهم سوف يبذلون الجهد للاطاحه بالفوائد الربويه اين هم والبنك المركزي يزيد الفوائد ويقولون

بأن الفوائد 6 % !

هذا كلام غير صحيح وارجو ان يكونو مخلصين للشعب الكويت

و اذا انت تدري انها ربويه ...شلون تبي الحكومه تسدد عن الناس فوائد ربويه ..اذا انت وكلت عيالك من الحرام ليش تبي الحكومه توكنا كلنا من حرام ​

 

[الجليد]

أي مناضلة الله يخليك وهق العالم وجطهم بزاوية