العرزاله (مقتطفات شعرية )

[خيــال]

صح : تقليب المواجع ،
... بالسوالف مايفيد !
وصح !
.. ان الصمت قاسي ،
.... واقسى من صمتي الكلام .،
بس !
لاصارت حياتك سجن مظلم وانت قيد
مالك الا.. !
لا تعبت تطير آهاتك حمام ..!

 

[ام العيال]

واصمتي اللي صـار فعيونهـم عيـب
........................... واجرحي اللي لـو فضحنـي سترتـه
.,
لي صاحبٍ يملا كفوفـه تراحيـب
........................... لولا الحيا من ضحكتـه مـا اعتبرتـه

يا صاحبـي ماهـي عليـه مقاضيـب
........................... عذروبي انك ذخـري اللـي ذخرتـه

عذروبـي انـك شوهتـك الاكاذيـب
........................... عذروبي انـك جـاك طيـب ونكرتـه
.,
و ان جيتني بفـراق كثـر العذاريـب
........................... بجيك انا من زود صبـرٍ صبرتـه

للطير جنحانٍ وريـش ومخاليـب
........................... لكـن يضيـع صيدتـه فـي غبرتـه
.,
ومن جزم نفسي يوم صار الردى طيب
........................... حلمـي قبـل لا يكسرونـه كسـرتـه

ومن راح عني قلت يا علـه مصيـب
........................... دورت لـه عـذرٍ كريـم وعـذرتـه

للي يبـي بعـدي انـا مانـي قريـب
........................... هو ماربحنـي وإلا انــا ماخسـرتـه

قلبـي خويـي مالقلـبـي معـازيـب
........................... واللـي حقرني مـن رداه احتقرتـه

رغم الجروح اللـي بقلبـي معاطيـب
........................... حبيـت كفيـن الـزمـان وشكـرتـه

 

[ام العيال]

*طالت الغيبات يالغالي علينا
وان تحريتك فهذا من غلاك

لو يطول البعد ماوالله سلينا
المشاعر همها لحظة لقاك

ياكريم النفس مثلك مالقينا
لك معزه زادها عندي وفاك

 

[الهرم*]

هــاجـت فــؤادك للحبـيـبـة دار أقـوت وغيـر آيـهـا الأمـطـار
وعـفـا الـربـيع رسومها فكأنها لـم يـغـن قـبـل بـربـعـهـا ديار
لما وقفت بها القلوص تبادرت مني الدموع وهاجني استعبار

 

[أم فواز]

للحزن في عمري شيب وتجاعيد
.......................... وللفرح طفلٍ أفراحه يتيمة
شتات في قلبه و حزنه مواعيد
.......................... وتجمّل آهآته ظروفٍ كريمة

 

[ام العيال]

يآرب ترحمني ليآ قيل من رآق
.............لآصرت مآعآد آستطيع أبلع آلريق

لاجا الوعد وألتفـّت الساق بالساق
...........وأتلى الكلام الغرغره والتشاهيق

يالله عسانا يوم نشقات الأرياق
.............أنا وقارين هالابيات من المعاتيق

 

[ام العيال]

أبشرك للحين طيب وموجود
عايش .. ولا عندي مشاكـل ولا احزان

بياض قلبي كل الايام في زود
من جود ربي .. مو من كثر الإحسان

مايكفي اني رغم الايام هالسود
حولي : ذياب : وعايشٍ لوحدي انسان
​

 

[أم فواز]

أحيان من كثر الحكي تسكت وما تقول الحكي .
...... تتزاحم بـ رآسك طوابير الجُمل وتصدّها
وأحيان من كثْر الدموع ما عاد يمدّيك البكي
...... كل ماتخُونك دمعتك تشهق بها وتردّهـا

 

[ام العيال]

*ودي اكتب والقلم عيا يطيع
مدري الاشواق ولا انت السبب
كيف اعبر والحكي مني يضيع
اسعفيني ياقواميس العرب
وش ابكتب فيك يالحر الرفيع
وانت وصفك من اعاجيب العجب
هذي اقلامي بكسرها جميع
في سكوتي تصبح أشواقي ذهب

 

[ام العيال]

جـاك الـفرج يامنتـظر طلعة سهيل
ايـام ويــذعــذع نــسـيـم الـبـرادي

جهّز زهـابـك وأنـتـبـه للـمـعـامـيـل
وأختار مـن صفـر الـدلال الـجدادي

خـذ مـاتـبـيـه وزود الـبـن والـهـيـل
يكـفـيك لـيـن تـعـود صوب البلادي

أحـرص على العزبه وحط الفناجيل
زود عــددهــا لاتـصـيـر أقـتـصـادي

وأخـتـار خـوة طـيبـين الـرجـاجـيل
اللي لهـم رغـبـة بـقـطـع الـبـيـادي

 

[ام العيال]

رمتني طيـــبتي بالغــــدر وانـا بطيبــتي مبلي
اداري ضحكة اعــدائي واشيل من العنا كــله

وادور للخــوي عــذر واماشيهــم مثــل ظلي
واعطيهـــم وفـــا واخـــلاص مايلقــونه بمله

اسايسهـــم على كيفي ترى ماهـوب من هبلي
واعطيهم ضحكــة سنوني وقلبي مابرد غلــه

يحسبـــوني انا مسكين مايــدرون انا وش لي
اخــــفي داخل اعمـــاقي كم ملــيون من علــه

كوتني طعنتي بالظهر من اللي احسبـــه خلي
يرمي بدربي اشــواك يقول لي زهــره وفلـــه

يقول لي فــدوتك عيني من الاحقــاد يدفن لي
يظهــر ضحكـــة صفـــــراء يبي يبرد بها غله

يصـــب لي قهـــوة مره بالفنجـــال يقـــدم لي
يــدس الســـم في ماها يـدس الســـم بالدلـــه

اجل وين العــرب راحـــوا طبايعم توقـــد لي
اجل ماتت عوايدهم ياهوه اصحى من الغفله

انا راسي شمــخ عــــزه من اللي يـــدور ذلي
انا كلي شمــوخ وعز و راسي ينعــرف اصله

تراه فراقــكم مقـــدور واقول يانجمـــتي علي
نجومك ياسما بعيده ولمس الشمس مو سهله

حياتي ارفــعي راســـك وخـــلي حزنـــك يولي
تراي اصعـــب من مناهم ويكفي منـــك الطلــه

تراه اللي مصــــبرني حبيـــبي يابعــــــد كلي
وربي ماترك عيونـــك لو ان الناس توقف له
ــ
​

 

[أم فواز]

محتاج ضحكة فرح من كل الاعماق
ماهي بضحكة على ( شر البليّة )
احسنت ظنّي ، وحسن الظن لا فاق
جايب معه ضحكتين بــ(حزن نيّة )​

 

[أم فواز]

صورتك بالقلب عيت لاتغيب
............. حافظك ياروح روحي بالحشا
لو يطول الوقت ويطول المغيب
............ .حبك بدمي وبعروقي مشى

 

[غيث]

أنا عيوني تشتكـي مـن عيونـك
وأنت عيونك تشتكي من هدبها

سبحان من صب السحر في جفونك
واهداك عين ما روى من شربهـا

كـل النسايـم لا تبسمـت دونـك
ترقص على همس الشفاه وطربهـا

وإذا ضحكت الله يسامـح عيونـك
صارت خدودك تشتكي من هدبهـا

 

[ام العيال]

نطوي مع الأيام عـام ٍ ورا عـام
وتمر ساعات الفـرح فـي دقايـق

أيام راحت بالعمر مثـل الأحـلام
يوم ٍ بهـا زعـلان وأيـام رايـق

درست من دنياي وأتعبت الأقـدام
وبدلت عن بعض الطرايق طرايـق

وكفخت بأفكاري كما الطير لاحام
وماعاقني عن ماكـر العـز عايـق

ياصاحبي خذني معك سيف وحزام
وياك في وقت الرخـا والظوايـق

تري البشر ياخوك منقسمه أقسام
بين الردى والطيب شفت الحقايـق

لقيت من صلى وزكا ومن صـام
ولقيت منهو لأقرب النـاس بايـق

ولقيت من قلبه حقـود ٍ ونمـام
ولقيت من قلبـه يعـز الرفايـق

ولقيت من يبني الأمل فوق الأوهام
واللي يموت ولايعـرف العوايـق

ولقيت من يملك بساتيـن وأنعـام
واللي من الحاجه ينـام إمتضايـق

الله خلق هالخلق سـاده وخـدام
ذي دبـرة الرحمـن رب الخلايـق

وآخرك يابن آدم ترى قطعة الخـام
أمـر ٍ أكيـد ومايبيلـه وثايـق

يالله عسى ماكون قطاع الأرحـام
وعساي من عقب القبر في حدايـق

جاك الكلام وخذ معه بصمة إبهـام
أن العمـر كلـه مجـرد دقائق​

 

[ام العيال]

على شرفه هموم الساحل الغربي
رميت احزان خمس سنين لعيونك
خذيت اجمل حزن بالقلب متربي
نحرت للفرح في عيد مضنونك
وانا موج السنين الي تلاعبي
تعبت اقول لامواجي على هونك
هنا لك كل عرق يفز ويلبي
اناوالنبض والشريان يفدونك
عروق االدم تقول لاجت من جنبي
كرات الدم لامرت ،،،، يسؤلنك
وش تسمي الجمال الي على دربي
وانا بسألك ويش تبيهم يسمونك
بغني لك واقول الله يسبق بي
عسي الله يحفظ لك للي يحبونك ​

 

[ساهر الليل]

الفرع من عوده شرابه ومسقاه
والحنظله مره ولو تشرب مزون

 

[ساهر الليل]

الفرع من عوده شرابه ومسقاه
والحنظله مره ولو تشرب مزون

 

[أم فواز]

لـمـلـم اجـراحــك وابـتـسـم لـلـقـادم
............ امسي مضى يالله اتفـرج بكـرا
منتا وكيل ن للبشـر يابـن ادم
.............وخــلــك امقـدرمـسـتـحـق الــقـــدرا
والـبــيــر مــايـــورد اوجــالـــه رادم
............عنـه العـوارف يبعـدون المسـرا
واحْبِك قوافي حُبّك ماني نادم
...........بوح القوافي في ظهـور القمـرا

 

[أم فواز]

لاتقارن بيتك.. ببيت الوليد
.......بالنهايه كلهن نفس الشكل
من ثرى لابهن سمنت ولاحديد
...... ولا ونيس ولاشراب ولا أكل

* سالم حمدان