سعد السهلي
( في ذمة الله )
والله يالولا صبري وباسي
ماجامل اللي ينقل الحكي تزييف
ماجامل العالم على كسر كاسي
لوكان عنتر واقف ٍ في يده سيف
مايدرك الجاهل معاني إحساسي
تطيب فيه ولايعرف المعاريف
قضيت بعض الوقت لاجئ سياسي
مالي مع العالم علاقه وتصريف
في مركب ٍ عايم ولا له مراسي
والبحر هايج ماتفيد المجاديف
يضيق صدري ماحصلي مواسي
وعيا يصير الوقت عندي على الكيف
انا بعيد ٍ عن هوايه وناسي
وراحت حياتي في هواهم مطر صيف
كأنه على ماقالوا الناس ناسي
ماني على المقفي كثير التحاسيف
انا على ماقيل طويت ياسي
وكم فرقت سود الليالي مواليف
كلمات :
ابي رحمه الله
سعود السهلي