مسلم البراك...علم جعفر...العدال قدره..شوفو هالحوار!!!!!!!!!!!
السلام عليكم ورحمة الله وبركاته
أثناء خروج جعفر محمد من مكتب الرئيس تصادف وجود النائب مسلم البراك وأمام الصحفيين دار هذا الحديث .
-البراك : ليش يابو أنور اللي قاعدين تسوونه
-جعفر : أحنا ماقاعد نسوي شئ
-البراك : ماتسوون شئ ؟ وأنتوا شوهتوا الصور وتقلبون الحقائق
-جعفر : بالعكس نحن ننقل الصورة الصحيحة
-البراك : وين يتنقلون الصوره الحقيقة وأنتو رضيتوا باللي صار للدكتور عبيد الوسمي اللي انداس بالأقدام
-جعفر : نحن رفضنا الحدث والوسمي تربطني به علاقه شخصية
-البراك : تربطك فيه علاقه شخصيه وتسوي فيه جذيه. عيل لو ماتربطك فيه علاقه شخصية جان فصخته ملابسة . وأنت إنسان غير حيادي في طرحك وتقصي كل من يخالفك بالراي وبأمر منك طردوا عايد المناع لأنه خالفك
-جعفر : لا والله يابوحمود أنت ظالمني .
-البراك : أشلون أنا ظالمك وأنا متصل فيك على اللوبي وأبي مداخله وأعقب على الموضوع اللي تتكلم وأتبعت على أنك ماتسمع مكالمتي
-جعفر : لا يابوحمود كانت مكالمتك خارج موضوع الحلقة
-البراك : أنت ياجعفر أكثر من متصل تعطيه الكلام وهو خارج الحلقة وأنت بنفسك تدش وتطلع من موضوع لآخر ؟ وبرنامجك ماله أي عنوان وأنت اختزلت الكويت في شخصيتين 'ناصر المحمد وطلال الفهد' وكأن مافي بالبلد غيرهم
-جعفر : لا.. لا... يابوحمود أنت ظالمني وايد وأنا لما تبنيت قضية الرياضة مثل ما أنت تبنيت قضية المعاقين فهل تعتقد أنك ضامن النجاح فيها . ومثل أنت نجحت في المعاقين أنا نجحتني الرياضة وكنت مستند فيها على أحكام قضائية
-البراك : شفت شلون تحورون الكلام مثل ماأنتم تبون أنت غير حيادي واللي سويته ضرك ومانفعك والا بذمتك تسفه 18000 صوت صوتوا لمسلم البراك ؟
-جعفر : أنا أدري يابوحمود الـ 18000 راح يصيرون 50000 ألف
-البراك : يعني تدري ومع ذلك سفهت فيهم وحتى ربعك باللوبي ماسلموا منك
-جعفر : ابي أصير قيادي مثلك يابو حمود
- البراك : تبي تصير قيادي بهالطريقة ؟ ياأخي حرام عليكم احترموا عقول الناس مايصير توجهون الناس على ماتبون . حط الرأي والرأي الآخر وخل الناس تحكم
-جعفر : اليوم حاطينك عندك مناظره مع وزير الاعلام . تقبل انك تحضر عندي تعمل مناظره مع نبيل الفضل .
-البراك : انت مكالمه ماأدخلتني تبي تطلعني باللوبي . أنا رافض الظهور معاك شخصيا اساسا .
*دخل عباس الشعبي على خط الجدال وقال
- أحترموا عقول الناس ليش تشوهون الحقائق ولوح الشعبي بيده ولمس بها صدر جعفر ' والا بمسلم البراك يقول :
لايالشعبي جعفر تعرف هذا منو . هذا عباس الشعبي
-جعفر مخاطبا الشعبي : لاتمد إيدك وأنا ماقاعد أكلمك خلك بعيد
وطلب الحضور من عباس الشعبي السكوت وسكت
-جعفر : أنا جاي اليوم يابوحمود أقدم شكوى على ماحصل من تصرف فيصل المسلم لإزاحته مايك قناة العدالة . ورئيس المجلس رفض شكواي . وأبيك يابوحمود تنصح زملائك النواب أنت لك تأثير عليهم بخصوص هذا التصرف
-البراك : ياأخي شوفوا القنوات الثانيه وقتدوا فيها حنا مانبي منكم إلا الرأي والرأي الآخر عايد المناع معاكم فتره وشحتوه لأنه عارضكم بالرأي .
*وفي تلك اللحظة مر النائب فيصل المسلم وسلم على الجميع وواصل سيره خارجا
-وقال البراك : هذا فيصل المسلم ياجعفر ليشم اكلمته أنت مو قلت في اللوبي إذا شفته أوريه شغل الله . هذا مو جدامك .
-جعفر : أدبيا يابوحمود مايصير أني وأنا أتكلم معاك أخليك وأروح وأكلمه .
-البراك : أجل أدبيا تقيلون عايد المناع بأمر منك .
-جعفر لا والله يابوحمود موضوع المناع مو لأنه يمثل الرأي المعارض . بعدين أقولك . إذا عندك شغل روح يابو حمود يمكن عندك لجنه
-البراك : أنا رايح بس اللي قاعد تسوونه غلط
المصدر
التعليق
شفتو ان جعفر جبان وكذاب...شاف فيصل المسلم قدامه ولا قال كلمه له...وين تهديك..يابو انور طلعت اخرطي...