سؤال وجواب شنو الفرق بين البنزين الخصوصي والممتاز ؟

هدى الكويت

عضو بلاتيني
شنو الفرق بين البنزين الخصوصي والبنزين الممتاز؟
ووين موجوده كــامــرات التصويــــــــــر وجم السرعه المسموحـه
وشكـــــــــــــــــــــرا جزيـلاا :)
 

بدرالمطيور

عضو مخضرم
البنزين الخصوصي أكثر جوده من الممتاز
و يعتبر أفضل لمحرك السياره

بالنسبة للسرعه

في العجله الندامه و خليكي على 100 كيلو متر في الساعه أحسن
 

comrade

عضو فعال
شنو السياره ونحددلك البانزين

وعن السرعه لازم تجربي طقي العداد ميتين وشوفي تصورك ولا لاء ولاتنسين طلعي وجهك من الدريشه وابتسمي
 

متجدد

عضو مميز
كما قال اخي بأن الخصوصي أكثر جودة من الممتاز ..

لكن سؤالك عن الكاميرا ليش ؟ لايكون بتسوي شي .. :p

الكاميرا من عند غرفة المحاسب فوق قبل المطبة ..​
 

mr.3uidl

عضو فعال
الافضل هو الديزل ويفضل ان يكون ممزوج بماء الصرف الصحي
 

بقيييط

عضو ذهبي
السيارة البخاخ تعبيه خصوصي لانه اجود وسيارةالكبريتر ممتاز ماكو مشكله اما الكاميرات السرعه موجوده علي الخطوط السريعه كله واغلب الاشارات المرور فيها كاميرة تصور سرعه والي يطوف اشارة الحمره طبعا الاخطوط السريعه السرعه المسموحه 120 اما الخطوط الداخليه 80 وعند الاشارات 80 لمه اطوف الاشاره وهي خضره وفيها كاميرة بس السرعه في البر مفتووحه ولافيها كاميرات بتوفيق​
 

ابـوسعود

عضو مميز
اللي اعرفه كل بانزين له رقم يعني مثلا

الممتاز 91 على ما اعتقد وهو يحترق بسرعه وكفائته عادية

الخصوصي 95 كفائتة عاليه ومنتظم بالاحتراق يعني ما يحترق بسرعه يتماشى مع المحركات الجديده وما يضرها

الترا 98 وهو عالي الجوده بالآظافه الى انه على حسب ما سمعت ينظف انابيب التوصيل والبخاخ

تقريبا كل مازاد الرقم قل الاحتراق على ما اعتقد الرقم هو الاوكتون وزياده يعني كفائه اعلى

هذا اللي اعرفه عن البانزين


اما الكامرات فهمي في اغلب الطرق وهناك كامرات متنقله عن طريق سيارات يتغير مكانها من وقت الى آخر

السرعات على حسب الطريق وفي لوحات ارشاديه بيضه وعليها دائرة حمرا وبنصها مكتوب السرعه وتعنى السرعه القصوى

ومثل ما ذكر الاخ بقيط في كامرات عند الاشارات تصور الي يطوفها وهي حمرا واذا كانت خضرا ما تصور الا اللي متجاوز السرعه المحدده بهالطرق الداخليه (80)
 

whahd1

عضو بلاتيني
الفرق في نسبة الاوكتين والاوكتين اهي الماده الي تحترف

الممتاز 90 اوكتين يعني 10 % شوائب تطلع من الاقزوز وسعر اللتر 60 فلس بالكويت
الخصوصي 95 اوكتين يعني 5% شوائب وسعر اللتر 65 فلس بالكويت
الترا سوبر 98 اوكتين يعني الشوائب 2 % وسعر اللتر 90 فلس بالكويت
 

ذيب الظفير

عضو مميز
بالنسبة لسؤالج .. عن الكاميرات المرورية ..

أنا أعتقد اللي يحب الكويت يلتزم بتعليماتها وقوانينها وأنظمتها .. !!

ويكون هو مراقبا لنفسه .. !!

ويحافظ على أمن ونظام البلد .. !!

وليس حب الكويت بالشعارات الفارغة والأغاني الماجنة كما ترددين أنت دائما .. !!





 

World on Wheelz

عضو ذهبي
بالنسبة لسؤالج .. عن الكاميرات المرورية ..



أنا أعتقد اللي يحب الكويت يلتزم بتعليماتها وقوانينها وأنظمتها .. !!

ويكون هو مراقبا لنفسه .. !!

ويحافظ على أمن ونظام البلد .. !!

وليس حب الكويت بالشعارات الفارغة والأغاني الماجنة كما ترددين أنت دائما .. !!
هذا النوع من الحب يسمونه حب سكوبى ... راس ماله حمل الصور والتمنطق بالعلم و رش الرغوه بالعيد الوطنى على اصداء اغنية وطنى حبيبيى .
 
بالنسبة لسؤالج .. عن الكاميرات المرورية ..


أنا أعتقد اللي يحب الكويت يلتزم بتعليماتها وقوانينها وأنظمتها .. !!

ويكون هو مراقبا لنفسه .. !!

ويحافظ على أمن ونظام البلد .. !!

وليس حب الكويت بالشعارات الفارغة والأغاني الماجنة كما ترددين أنت دائما .. !!

اوجعتها يالخال :إستحسان:
 

kuw112

عضو ذهبي
الكاميرا تصور عند 131
 

Q8bdooon

عضو فعال
:( ياعمي في كامرا غاثتني شارع ماله سرعة معينة اول شارع 80 بعدين 100 بعدين 120

وانا اقطع من اول الشارع لا اخر الشارع 120 وهالكامرة حطتني براسها
 

مساعد الشويب

عضو بلاتيني
شوف اخوى البانزين الخصوصى اكيد خصوصى

والبانزين الممتاز ممتاز
 
أعلى