اسجل تقديري واحترامي لموضوعك ومبادرتك المبدعة لما لها من اثر طيب على توعية الناس لمعرفة تجار الطمع والجشع وتهاون وزير التجار المتخاذل القادم من رحم غرفة التجارة عسى ان يستفيد الناس من المشاركات الواردة في موضوعك .
من عادتي المشاركه في المواضيع الفنيه . ولكن لفت انتباهي هذا الموضوع المميز وقلت في نفسي انها فرصه لاشارك احبابي هذا الموضوع الوطني , وتجربتي بسيطه: كنت اذهب الي مطحنة الفوز لاشتري القهوه التركيه لرواد الديوانيه باستمرار وقبل يومين لفت انتباهي التغيير الواضح جدا في سعر الكيلو للبن,وعند سؤال الموظف اعطاني ابتسامه صفراء وقال لي انها تسعيره جديده . كان الكيلو الواحد ب 3,500 فلس وتغير الي 4,500 . دينار هو الفرق ( يالطمع التجار ) الفرع اللي اتكلم عنه هو فرع الجهراء اللي بجانب سابليه
والله انا اشوووف الاسعار واقرأ عنها جاانى احباط موطبيعى شالفايده اذا الحكومه تزيد رواتبنا او والد الجميع يعطى منحه والأسعار تولع بشكل جنونى ... شنو استفدنا ليش التجاره ما تقوم بدورها وتشن حملات مفاجئه عليهم ؟؟!!! ليش ساكتين عنهم !!
انا برأى قاااطعوووهم لحد يشترى هالفتره او تسوقوا من برا وعندكم السعوديه قريبه والله أحسن لكماذا سكتم ع هالوضع رااح ياكلونكم ويرفعون اكثر الاسعار:إستحسان:
والكيفيه بمحاربة الاسعار هي المقاطعه والبديل موجود منطقة الخغجي السعوديه الله يديم الرخص للزرقات القريبه وعندك الجمعة والسبت للتسوق بالدمام والله اسواق ومجمعات عالميه واذا لك خاطر البحرين من قريب ...
دائما شركه كي دي دي صاحبة السبق في ارتفاع الأسعار حليب الاطفال فراوله والموز والككاو ارتفع من 480 الي 510
السلام عليكم
أمس مريت شارع الجملة بالشويخ ( الحديدة للحلويات )
والبائع اتعامل معاه من فترة
يقول بعد المكرمة الاميرية كثير من اسعار السلع تم رفعها
مثلا : حليب كي دي دي السعر القديم 2700 والجديد 3000
وعصير اعتقد اسمه جود السعر 1900 والجديد 2250
والكثير من السلع التي تم رفع سعرها
ال 1000 دينار مرة واحدة وارتفاع الاسعار سوف يستمر على طول
ولاتوجد متابعة من وزارة التجارة
السوريين زايدين الاسعار في سوق سيتي سنتر سوق المعلم وباقي الاسواق وهم متفقين مع بعض على سعر واحد فساهموا في نشر هذا الخبر والابلاغ على رقم شكاوي 135 تكفووووووووووووووون لاحد يشتري منهم خلو بضاعتهم تطيح بجبودهم اللهم اني بلغت الرسالة فشهد على ذلك وكل احترام وتقدير ،،،،،،
ما اللة حادني اشتري اي شي مغلين سعرة شدعوة بموت اذا ماشريتة كل الي اسوية كتالي : 1- افتر على الاسواق او المحلات الثانية او باعلانات الجرايد واشوف فرق الاسعار =واللي مالة خلق فرارة يتحمل من جيبة وجيسة= ولو فرق مية فلس اشتري من الارخص لو انة بعيد عني
2-الاسواق بالسعودية الحدودية ارخص جداا حسب ماسمعت والسالفة كلها جوازك ومشوار ساعتين ثلاث وموفر علا نفسك مبلغ محترم انت وعيالك اولي فية من اهل الجشع مصاصة الدماء
3- اعيد التفكير مرارا هل انا بحاجة فعلا لهذا المنتج الأن ؟؟ هل راح توقف حياتي ومصالحي اذا ماشريتة ؟؟ وفي الغالب راح يكون الجواب لا لذلك اتركة او أأجل قرار الشراء لما الاقي سعر ارخص
انتوا يالمستهلكين اللي تطيحون التجار فيكم وكلة بسبة مالي خلق فرارة وعنوة وبشتري وبخلص جنة احد يلحقكم واللة العظيم ان التجار يراهنون على كسل الشعب الكويتي وانكم راح تشترون بسبة ان مال خلق تشوف منتج بديل او سوق بديل هذي كل السالفة فخلوكم اشطر
ونصيحة لاتراهنون علة وزارة التجارة ماراح تحميكم ولا راح تسوي اي شي مجربينها قبل