رصد غلاء الأسعار المفتعل (للمتابعة والمقاطعة)

[كاسك يا وطن]

كنت امطلع اعيال اخوي .. مسيره ..
ومثلكم عارفين .. ان هالسنه مافي فوم ..
قلت خل اشتري مسدس ماي حق اليهال ..
ومره وحده .. ناخذ كرتون ماي ( الحجم الكبير ) ، النوع : اكوافينا ..

مريت بقاله ( اللي ورا عمارات الكاظمي ) .. لقيت الكرتون بـ دينارين ..
طلعت منها .. رحت جمعية الدعيه .. لقيت الكرتون بـ 780 فلس ..

يعني الفرق .. فوق الدبل ..!


طبعا ً ما شريت من البقاله ،، واخذت كرتونين .. من جمعية الدعيه ..

اي تاجر يفكر انه يرفع اي سعر .. كيفه .. خل بضاعته عنده .. ما يشوف شر ..


​

 

[Andropov]

الكترونيات الغانم :

شاحن ايفون ( قاعدة مع السماعات ) :
فيليبس ٤٢ دينار ، السعر الحالي ٧١ دينار
جي بي ال ٤٩ دينار ، السعر الحالي ٨٧ دينار

و هلم جرا على باقي الاجهزة كلها مرتفع سعرها و انا متابع لأسعارها قبل و الآن ....

قاطعوها

 

[BDWI]

الآيبود 8 قيقا فور جي ...

السعر في ورشة مايكل الصيني بحولي بــ67 دينار مع كفالة سنة:إستحسان:

وعند مركز الفهود فرع المنقف بـــ85 دينار ...!! <--- مصيبة:إستنكار::إستنكار:​

 

[كاسك يا وطن]

حلويات الروماني ..
رقمهم 1826060 ..
لو اي واحد فيكم يحاول يدق من تلفون البيت .. راح يطلع لهم ( ان الرقم غلط ) !
لكن لو دق عليه من النقال .. راح ايرد عليه واحد مصري .. ايقول ( الوو .. الوو .. ويسكر الخط .. علشان بالمكالمه الثانيه انت تكلمهم ، وتطلب منهم .. ! )



حركه حيل بايخه .. كنت ابي اطلب منهم ، بس هونت .. خلي حركتهم تنفعهم ..​

 

[hamad99]

أسواق فاشن مل....زايدون أسعارهم اكثر من 50%.....الأهل شروا قبل فترة تكرمون نعال حق الخدامة ب 1.800 وقبل يومين سعرها 2.750

أنا أقول لازم وزارة التجارة تتخذ إجراء حازم.....ياريت لو هذه الصفحة تكون دليل وزارة التجارة.....ياريت أحد يتبنى هالقضية ويخاطب مسؤولي وزارة التجارة وتكون المعلومات في هذه الصفحة هي طريقهم في متابعة غلاء الأسعار مع إجراءاتهم الأخرى....

يا إخوان إستخدموا الأرقام اللي حطتهم الوزارة للإبلاغ عن غلاء الأسعار......إتصلوا عليهم......​

 

[كويت الكويتي]

الآيبود 8 قيقا فور جي ...​

السعر في ورشة مايكل الصيني بحولي بــ67 دينار مع كفالة سنة:إستحسان:​

وعند مركز الفهود فرع المنقف بـــ85 دينار ...!! <--- مصيبة:إستنكار::إستنكار:​

صحيح هل الكلام

وخذ عندك العزيزيه بلمنقف سوق النصب والاحتيال

وين وعود وزير التجاره ومدير الرقابه والتفتيش الذي اصبح رج مان وتحول حولها علامات استفهام كبيره وبوقت قياسي .

برحيل سمو الشيخ ناصر اعتقد الاحوال بيتم تعديلها وتصحيحها ومحاسبه التجار اللصوص

 

[عذاري]

العالم كلها تبوق
ووزير التجاره نااااااااايم ولاحياة لمن تنادي​

 

[حسين]

احد المطاعم عن طريق التوصيل بعد ماطلبت وجبة عشاء ووصله للبيت ..والا حسابه زايد عن السابق نص دينار...طردته وقلت له روح " خل مدير مطعمك ياكله "..انصدم السايق !!​

القضية مبدأ وليس النص دينار !!​

 

[kuwait q8]

الحليب كارنيشن وصل ربع دينار عند بقالة ابوحليفه

بالجمعيه ي 145 فلس او 150 فلس

ماكو احد مشارك في مهرجان هلا فبراير كل الاسعار ارتفعت ما توقعت ترتفع بهالطريقه كل التجار خايفين على المنحة الله لا يبارك فيهم ولا بتجارتهم​

امييييين الله لا يوفق كل واحد يستغل الناس ويزيد اسعاره

 

[q8888]

ياجماعة فية عسل معجزة الشفاء لقينا اعلان عن سعرة نوعين 5,500 رحنا بنشتري
البايع قال سعرة ب9,900 والعرض القديم انتهى والجريدة غلطانة انها تعرضة..مع ان تاريخ الجريدة 24 فبراير تركتهم وما شريت منهم ..والله على ما اقول شهيد..
قااطعوا عسل معجزة الشفاء..

اخوى الى اعرفه تقدر ترفع قضيه عليهم وتطلب تعويض وماكوا شي اسمه الجريده غلطانه

 

[شاهينه الكويت]

اناودي اسوى حمله اسمها لا للايفون ولاى بااك ونعم للتواصل الاجتماعى القديم بدون تكنلوجيا ​

 

[الجفيره]

اح اعطيك من الأخر يستمتع التاجر ان يدوس على الشعب كي لا يرفع راسه و خاصة التاجر الأجنبي شوف شلون يتعاملون مع الشعب بكل وقاحة و احنا ننتظر وزازة التجارة

 

[Espresso]

موقع maachla اللي يوصل عن طريق النت اذا تعرفوووووووونه

شوفوا بكم يبيع القهوه

طبعا سعرها بالجمعيات وكل مكان لايتعدى 2.145 فلس

وبعض الجمعياات تبيعهاااا بأقل من دينارييين

وقبل المنحه كان سعرها بالموقع 2.650 فلس ومن جم يوم صاااار 2.750 ليش مااااادري

فوق الغلااااء الفاحش بسعرها مغلينها زيادة 100 فلس مشكلة الجشع!!

----------------------------------

وشوووفوا مبيض القهوه بكم يبيعوووونه

طبعا سعره بالجمعيااااااات لايتعدى 1.065 فلس وهناك بعض الجمعياات يبيعوووونه بأقل من دينار


ليش هالزيادات الخرافيه ماااااااااااادري


وسلمووووولي على التجارة وحماية المستهلك

اذا صغاار التجار فيهم كل هالجشع لاتلووومون ولاتشرهون على كبااااار التجاااار :إستنكار:

 

[خالد جاسم الم]

مطعم السعادة ( الشويخ )

الشهير بالريوق الفاخر ( الحمص و الفول )

زاد أسعاره 100 فلس لكل صنف

الحمص و الفول كان 500 فأصبح ب 600

صحن الجبده كان ب 900 فأصبح بدينار

اتمنى ان لا تكون المشاركة مككرة

 

[بو دينار]

مطعم المعلم زاد ١٠٠ فلس خدمة نوصيل

 

[Librax]

مطعم المعلم زاد ١٠٠ فلس خدمة نوصيل

وماعون مشويات مشكل من 1250 الى 1500 وغيره من الأصناف

 

[ورد]

لا حيات لمن تنادى محد سامع لنا

والاسعار كل مالها وتزيد

علاج بالصيدليه سعره قبل شهر 12 دينار والحين 14,800

وليمن تسأل يقولك الشركه ارفعت الاسعار

مع العلم انه بصيدليه ثانيه نفس السعر القديم ما تغير

 

[lfcguard]

مطعم شرمبي زاد سعر الوجبات عنده..

وجبة البحار اللي فيها 15 ربيانة صغيرة كانت 2,150 صارت 2,300

وبالنسبة لعصير KDD فيه بديل ممتاز حقه وجودته ممتازة اسمه عصير "أوال" انتاج بحريني وسعره محدد 90 فلس للعلبة جدا ممتاز.

 

[بو_علي]

مطعم شرمبي زاد سعر الوجبات عنده..

وجبة البحار اللي فيها 15 ربيانة صغيرة كانت 2,150 صارت 2,300

وبالنسبة لعصير KDD فيه بديل ممتاز حقه وجودته ممتازة اسمه عصير "أوال" انتاج بحريني وسعره محدد 90 فلس للعلبة جدا ممتاز.

جمعيتنا عندها عصير الكيديدي 6 حبات بنص. دينار

 

[شبابي]

جمعيتنا عندها عصير الكيديدي 6 حبات بنص. دينار

وين جمعيتكم !!

دلنا اياها تكفه