سؤال وجواب سؤال بخصوص قوة دفع الماء !

[ليله ويوم]

السلام عليكم


عندي الماي الحار بالحمام ((تكرمون)) دفــعه ضعيف جدا

والماي البارد دفعه متوسط عادي


شنو حل مشكلة ضعف دفع الماي ؟؟؟؟


:وردة:





​

 

[كاسك يا وطن]

pump تركبه .. ويزيد قوة دفع الماي .. ​

 

[ليله ويوم]

pump تركبه .. ويزيد قوة دفع الماي .. ​

وين اركبه ؟؟؟ ومنين اشتريه وهل يحتاج تمديد كهربا ؟

ارجو ان تجاوبني بالتفصيل بارك الله فيك:وردة:






​

 

[Normal]

وين اركبه ؟؟؟ ومنين اشتريه وهل يحتاج تمديد كهربا ؟

ارجو ان تجاوبني بالتفصيل بارك الله فيك:وردة:






​

في محلات بالشويخ مخصصه لبيع البمبات ( المضخات ) بجميع انواعها واحجامها ومختلف المعدات

تركبه ياطويل العمر قبل خط السخان

ويفضل تشوف لك افغاني نشيط يركبه لك

 

[بوحذيفه]

عزيزي في طريقتين لتعديل ضخ الماي الحار للحمام ...

طريقه بالمضخه ... لكن هالطريقه لها تبعيات ومشاكل ... خاصة اذا ماكان عندك سخان مركزي ..

لانه ضغط المضخه راح يضربلك السخان اذا كان بالسندره او بالطوفه ...

وكل يوم وترك راح تلقي سخان ضارب او كل فتره راح تبدل برابيش الماي اللي عالسخان ...

الطريقه الثانيه ...

تغير بايب الماي اللي واصل للسخان من التانكي الرئيسي يعني اذا كان 4/3 انش تخليه انش .. او اذا كان انش خله انش وربع او انش ونص .. جذيه راح يكون ضغط الماي اعلي ... وانصحك باستخدام خلاط للدش يكون فر مو القير ..

لان خلاط القير فتحته اصغر من خلاط الفر ...

اما افضل حل فهو .. ركب مضخه وسخان مركزي ... ومشاكلك كلها تنتهي ...

وسلامتك...​

 

[عزيز وغالي]

اخوي مشكلتك بسيطه جدا
شيك علي انبوب التهويه يمكن مسكر
لان دفع الماء الساخن والبارد لابد يكون نفس الشي

الامر الثاني اذا الخلاط الي عندك قير فاتصور انه سبب اخر لقلة دفع الماء

ثالثا اذا التمديد من التانكي قريب من الحمام فاكيد الدفع يكون ضعيف جدا

 

[0utsider]

توجو
ودي اساعدك بس والله مااعرف ،،،،،،،،،،،

حبيت بس ادش علشان اتحرش فيك ،،،، واسلم عليك ،،،،،،،،،

تكفي توجو ،،،، لاتروح لمصر هالايام ،،،،،،،،،، لان بوكيمان ينطرك ،،،،،،،،،،،،،
ودير بالك تجيب سباك سوري كخخخخخخخخ.

والله انك عزيز علي :وردة:

 

[بقيييط]

اذا السخان عاادي _! جيك علي بايب التنسيم حق السخان -2 هووز السخان الي يدش في الطوفه مافيه حنفيه فكه يمكن مصكر من الصدي وهذا الي عندي​

 

[خلك طبيعي]

لاتركب بمب ولاشي
البمب يتلف المواسير
شوف انا مدري شنو وضعك
خزان الماي كل ما ارتفع زاد الدفع
ارفع الخزان فوق القبه
او اشبك من الساعه دايركت مع قفل تحكم في حال ماتبي تقفل وتسحب من الخزان
واترك البمب والخرابيط هذي
​

 

[BMW]

البمب يخرب عليك مايفيدك وفوك هذا ممنوع "اذا كان يضخ للبيت مباشرة"

شوف البيبات واذا سليمة ارفع السخان اذا كان نازل

 

[THE-LEGEND]

إحترامي لجميع من ذكر له حل لهذه المشكله

والحل بسيط جدا

السخان ساحب هواء بداخله
والطريقه السريعه لحلها هي كالتالي :-
فتح جميع الحنفيات التي هي مخارج هذا السخان حتى يصب منها جميعا ثم يغلق الحنفيه بعد الاخرى
مع ملاحظه انسياب الماء في اخر حنفيه بدون اي فقاعات هوائيه .

​

 

[ليله ويوم]

جزاكم الله خير كلكم


ولكل من شارك وقدم رايه ونصيحته :وردة:


واذا فيه نصايح بعد لا تبخلون علينا بها


:وردة:








​

 

[بلوت]

ارفع السخان اذا هو نازل ويجيك قوة دفع


تحياتي لك ياتوجو

 

[قبس]

انتبه عالبايبات اذا ضعيفه احتمال تنبط داخل الطوفه وبعدها بتكسر وتركب واذا الخزان قريب منك اكيد بيصير الضغط ضعيف لان عندي نفس المشكله ومو مغامر اركب بومب
اذا تبي ركب اصغر نوع بومب (اصغر عدد حصن) يكفي تقريبا البيت كله يخلي ضغطه زين بس حق السخان بتركبله بمب على قولة الي قبلي بيخربلك السخان

 

[بومحمد33]

من خبرتي المتواضعه

مافي شي اسمه الماي بارد قوي والحار ضعيف

لأن كلهم من مصدر واحد

جيك على صمام التنفيس

ونظافة الهوز اللي طالع من البيلر

ونصيحه لاتركب مضخه ، راح تتأذى

حمام الهنى

 

[ساهر الليل]

عزيزي في طريقتين لتعديل ضخ الماي الحار للحمام ...​

طريقه بالمضخه ... لكن هالطريقه لها تبعيات ومشاكل ... خاصة اذا ماكان عندك سخان مركزي ..​

لانه ضغط المضخه راح يضربلك السخان اذا كان بالسندره او بالطوفه ...​

وكل يوم وترك راح تلقي سخان ضارب او كل فتره راح تبدل برابيش الماي اللي عالسخان ...​

الطريقه الثانيه ...​

تغير بايب الماي اللي واصل للسخان من التانكي الرئيسي يعني اذا كان 4/3 انش تخليه انش .. او اذا كان انش خله انش وربع او انش ونص .. جذيه راح يكون ضغط الماي اعلي ... وانصحك باستخدام خلاط للدش يكون فر مو القير ..​

لان خلاط القير فتحته اصغر من خلاط الفر ... ​

اما افضل حل فهو .. ركب مضخه وسخان مركزي ... ومشاكلك كلها تنتهي ...​

وسلامتك...​

والله أنك صاج​

 

[q8eti]

السلام عليكم
مشكلتك إحدى ثلاث
الأولى : انت بالشقه بالدور الثالث او قريب من خزان الماء
حلها تركيب مضخه قوة نص حصان على خط الماء القادم من الخزان بشرط ان تعمل خط ثاني موازي له وتركب له صمام ويكون مغلق وهذا للضرورة.
ثانيا : السخان به صمام عدم عوده ( Non return valve )
يسمى عند السباكين ( رداد ) يتم وضعه حتى لا تحترق الشمعه عند فراغ خزان المياه هو من يسبب ضعف الماء خاصةً للطوابق العلويه وكذلك يسبب مشكله ضعف دفع الماء ان كان الخزان نصف ممتليء او فارغ.
ثالثا : أنابيب تمديد المياه من الحديد وليست بلاستك الجديده لذلك يوجد انسداد بأحدها.

هذه نصائح أخوك وتخصص هندسه ميكانيكيه واي استفسار حاضر.

 

[ليله ويوم]

السلام عليكم
مشكلتك إحدى ثلاث
الأولى : انت بالشقه بالدور الثالث او قريب من خزان الماء
حلها تركيب مضخه قوة نص حصان على خط الماء القادم من الخزان بشرط ان تعمل خط ثاني موازي له وتركب له صمام ويكون مغلق وهذا للضرورة.
ثانيا : السخان به صمام عدم عوده ( Non return valve )
يسمى عند السباكين ( رداد ) يتم وضعه حتى لا تحترق الشمعه عند فراغ خزان المياه هو من يسبب ضعف الماء خاصةً للطوابق العلويه وكذلك يسبب مشكله ضعف دفع الماء ان كان الخزان نصف ممتليء او فارغ.
ثالثا : أنابيب تمديد المياه من الحديد وليست بلاستك الجديده لذلك يوجد انسداد بأحدها.

هذه نصائح أخوك وتخصص هندسه ميكانيكيه واي استفسار حاضر.

اخوي جزاك الله ألف خير


انت شخصت لي المشكله بثلاث احتمالات


بس ما شرحت شنو راح يكون حل كل مشكله على حده !



بس لو تتكرم وتشرح لي الحلول

تكون كملت جميلك




وهاك :وردة:



​

 

[q8eti]

الأولى تركيب مضخه نص حصان وطبعا تبي تمديد كهرباء وأنابيب ويجب ان يكون مفتاح التشغيل داخل الشقه
الثانيه تشيل الرداد هذا نهائيا ويكون مركب على الهوز للماي الداخل للسخار
الثالثه تبدل البايب الحديد بعدساني ويكون الأصفر للماي البارد والاخر يكون من طالع من السخان ورايح لكل حنفيه فيها ماي حار

وسلامتك وتعيش