عاجل : ازدحام شديد جدا على افرع تموين

[الأمين العام]

ناس مو شايفه خيــر..

شي يفشل..​

روح التموين بعد يومين..
بعد 3 أيام..
بعد أسبوع..​

يمال الفقر والله​

اي والله صح كلامك يا ابواحمد اقسم بالله يفشلون تقول مجاعة حايشتهم

 

[ولد اليرموك]

اشـدعـوه لي الـدرجـه الـنـاس ذابـحـهـم الـجـوع . . ! !​

 

[SK2SK]

عيب واللة تظهرون ان الكويتيون جياع

نحن بخير والف نعمة والفضل والمنة للة

وموضوع يجب ان يلغى

 

[بوزياد]

اشدعوة موشايفين خير ولا بموتون من الجوع

 

[عزيز وغالي]

صارت كلمة شفاحه تلاك بالالسن
والبعض والله يمكن ما يعرف معناها

الناس رايحه تاخذ تموينها ولا فيها شي
لاني اتصور مع الايام راح يختفي الدجاج الكويتي والخليجي والجبن القليل الدسم
وحليب الاطفال

فلا تكون نظرتكم سوداويه
ولا تقسوا بالكلام والادعيه المجحفه
فبعض من يسبب الزحام يمكن من اقرباءك واهلك
والزحام موجود بكل مكان
ولا فيه ان شاء الله فقر الا خير وانعام رب العباد
وجزاه الله خير ابوناصر لهذي المكرمه السخيه
ولا استبعد من يشارك بالسباب ممن لا يمت صله باهل الكويت
ولكن قال حشره مع الناس عيد شافكم تسبون قال يله
فعيب هذي السلوكيات التي لم تكن في اباءكم واجدادكم
قولوا الله يعينهم
ابحثوا عن الاسباب وضعوا العلاج
فلا تدرون ما هي ظروف هؤلاء الناس
انت غني وشبعان
غيرك تعبان وعنده اطفال ولا يلحق ولو كان راتبه 1000 مع هالغلاء والديون الحاله ما يعلم فيها الا الله

شدعوه شدعوه الي يسمعكم يقول ماخذ من جيبك ولا من حلالك


انا عن نفسي بنطر لنص الشهر ان الله احيانا
وانا اضع كل اللوم علي مسؤلي الجمعيات
فالمفروض انهم يسجلون الناس وطلباتهم وتصل لبيوتهم
وكان الله غفور رحيم
منها ان التموين يذهب لمستحقه
ومنها عدم الزحام

والله مو من وراء القصد

 

[الشااامخ]

عساااااااااااااااااااااااااااكم للحريمه والله شنو هذا لهدرجه


لحول ولا قوه الا بالله

 

[حامض حلو]

والله ماخطر على بالي التمويل ولااحد من اهلي متذكره,,,,,, يووووووه اكره الشفاحه مراح اخذ تمويل خلاص وان خذيت بعطيه ناس افقر مني عسى الله يكتبلي اجر انا ابوي صباح الاحمد : )

انتا يااااااااااااااااااااااي

بعدين باباتي اسمه تموين مو تمويل
​

بالنسبة للمنظر وبعيد عن سالفة محتاجين أو غير محتاجين او حتى ثلاجاتهم تصفر تراه يفشل !!


عجبتني سالفة توزيع الارقام على المواطنين .. ويبين ان فيه ادارات جمعيات تفكر وفيه غيرها يشخر ..

الفكرة حلوة وياريت يتم تطبيقها - خصوصا استحالة تطبيق الفكرة اللي تقول توزيع التموين على البيوت خصوصا مع ناس نفس اللي بالصورة !

الله المستعان بس
​

.

 

[salmiya_1982]

ناس مو شايفه خيــر..

شي يفشل..​

روح التموين بعد يومين..
بعد 3 أيام..
بعد أسبوع..​

يمال الفقر والله​

تكلم عن نفسك ناس موشايفه خير وانت شكو راحو وله ماراحو احد ماخذ منك شي وله اهو بشارك وبس

 

[مؤدب حيل]

عيب واللة تظهرون ان الكويتيون جياع

نحن بخير والف نعمة والفضل والمنة للة

وموضوع يجب ان يلغى

يسلم لسانك والله

هذا الكلام الصح​

 

[صقر قريش]

في ناس مطافيق خلقه ،، مو شايفة خير ،،

إلي يشوفهم يقول ميتين يوووع ..​

 

[bujassim]

شعليكم من هالعالم خلوهم ياكلون مو تقولون بعدين الشعب موعاجبه شي يروح يشتري والتموين عندنا مجاني

الحين يوم صار مجاني تقولون ليش ياخذون المجاني ؟

اذا اهمه ماخذوه منو بياخذه دام مجاني ؟

موتقولوله وفر من معاشك واخذ ماجلتك من التموين ؟

يبه حتى التاجر اللي عنده مليارات هم يركض وراك عشان 5 دنانير ولا 10 دينار

بني ادم طماع

اول مره اشوف شعب يحسد الثاني

والله عيب يا جماعه خلوهم ماتدرون شنو ظروف الواحد وعليهم بالعافيه مع اني مومن الناس اللي تاخذ من التموين لان ولله الحمد مانحتاجه كل مره

والله يعز الامير ويمده بالصحة والعافيه

 

[مبرووك]

اليوم اكثر المتواجدين عند التموين واللي شفته لدى مروري للتموين هم من فئة كبار السن وفيه فئة قليلة من الشباب
وعليهم بالعافية وكثر الله خيرك يا ابونا​

:إستحسان::إستحسان::إستحسان:

 

[الرجل النبيل]

بصراحه وعن نفسي لما شفت الزحمه تبرعت بالبطاقه لعائله بدون ورجعت البيت ...

عندي مخزون تموين من الشهر اللي طاف ....

بصراحه ما انصح احد يترك التموين لان الزحمه ستبقى مستمره لآخر الشهر ..

وبالتوفيق ..

 

[free_kuwait]

اشلون الحليب كي دي كاو بفلووووووووس

احد يفهمنا ؟؟؟؟؟؟؟؟؟؟؟؟؟؟؟؟؟؟؟

 

[المستقل]

مغلق لتدني مستوى بعض المشاركات .

تحياتي لكم