سؤال وجواب ابي شوركم يشباب

[مساعد الشويب]

يشباب ابي اكمل دراستي الجامعيه ومحتار بين العلوم السياسيه او مثل كل الناس حقوق مع العلم بأني سأكون خارج الكويت لدراسه

 

[مساعد الشويب]

انت وميولك ..
ان كنت شاب وتحب السفر والغربه وتضمن مستقبلك وعيالك روح علوم سياسيه وتخرج للعمل الدبلوماسي ..

ان كنت مجتهد الحقوق وانت مغمض .. اقل شي محامي وبعد التقاعد طقطق لك بمكتب وانت شطارتك ممكن تصكر باقل من سنه وممكن دخل دخل جيد وممكن تملين !

اول شى ماعندى عيال وثانى شى النك واضح

والله يعطيك العافيه

 

[عالي مستواه]

محااااااااااااااااامي ،،،وانت مغمض ،، مثل مانبي طبيب يعالج ومهندس يبني نبي محااامي ياخذلنا حقوقنا،، واذا كبرت تفتح لك مكتب محاماه وحاط اعلان فوق العماره المحامي ((مساعد الشويب )) اللي مار بالشارع يقرا اسمك واللي راد يقرا اسمك ،،يعني دراستك ما تروح خساره،، وتجيبلك كم محامي ( على شرط مصاروه )يتولون الشغل عنك،، وعايش مع الناس ،، واشتبي بعلوم سياسية لايكون يودونك بسفاراتنا اللي بفرنسا ولا جنيف ،،يقطونك باحد السفارات ببنغلادش ولا بالسودان متغرب ... يوووووه مابي أطول بكيفك

 

[كاسك يا وطن]

اذا انت .. عارف نفسك .. انك ريال على قد حالك .. لا تدش علوم سياسيه ..
لأنك بالنهايه راح يشغلونك سكرتير بوزارة التربيه ..:وردة:

​

 

[jody]

وجهة نظري .. علوم سيآسية .. أفضل بـ كثير ..

شغلة المحآمي مُتعبة جداً .. وأتدشّ بـ متآهآت مآلها أول ولآ تآلي ..

موفج أخوي :وردة:

 

[بوحذيفه]

دراسة الحقوق مو بالضرورة تشغلك محامي ...

اذا كان تقدير التخرج مرتفع ممكن جدا تدخل النيابه العامة ....

جيد جدا مرتفع اعتقد يضمن لك الوظيفه بالنيابه العامة ...

لااااااااااااااااااااااشك ان النيابه العامه كوظيفة افضل ومستقبل افضل ...

والله ولي التوفيق...

ليش ماتدرس هندسة كيميائية؟؟!!​

 

[whahd1]

علوم سياسية محتاجه واسطه قويه جدا جدا بعد التخرج

قانون اضمن

 

[مؤدب حيل]

اضافه بسيطه

حتى بالخارجية القبول للي تخصصه حقوق اكثر من العلوم السياسية

نصيحه خلك على الحقوق افضل ومجالات اوسع

لا تنسى في كل الدول اللي يقودون الامه هم الحقوقيين

موفق خير​

 

[المغترب]

نصيحه عن واقع تجربه

حقوق وانت مغمض

فيها مستقبل وفيها تدرج وظيفي وتقدر تقدم على الوظائف اللي يقدم عليها علوم سياسيه
وتقدر بالحقوق تدش خارجيه وتصير دبلوماسي وتصير وكيل نيابه وتصير محقق وتصير محامي دوله بس ماتصير محامي حكومة نفس القلابي
وتصير محامي بلدية وقريبا راح يفتحون هيئة اسواق المال وتصير مدقق قانوني او محامي السوق
وتقدر تفتح مكتب بعد سنتين من التدريب واذا تقاعدت من العمل الحكومي شهادتك عندك وتقدر تفتح مكتب يعني من بعد الله مستقبلها مضمون !!
وتقدر تقدم بمجلس الامه والشركات النفطيه الحكومية وديوان المحاسبة وكل الهيئات يبونك


ااما العلوم السياسيه

تحط ايدك على خدك و تنطر دورك بالديوان!!!
لايوجد مسمى وظيفي واكثر الشباب مقزرينها بالمحكمة يا أمين سر جلسه او امين سر تحقيق
لا ووظيفتك تكتب محاضر حق اللي درس حقوق وصار وكيل نيابه وانت اخترت علوم سياسيه

واقصى مايمكن ان توصله رئيس قلم في المحكمة!!! هذا اذا توظفت بالمحكمة

او تتوظف طبعا من غير الشهاده وتقزرها بالقطاع الخاص بنوك يعني شهادة علوم سياسيه نقعها واشرب مايها!!

او تسوي ربط وتنطر الماليه حالك حال العديد من طلبه العلوم السياسيه وعاد انطر لما يجيك الدور !!
وشوف جم واحد ياخذون .. فليش توهق عمرك بهالتخصص !!


او تراكض تدور لك واسطه عشان تتوظف بالخارجية ويمكن تنقبل او ماتنقبل!! ومع هذا تخصص الحقوق يقدر يقدم معاك وفرصته يمكن اكثر من فرصتك!!
لان مقابلات الخارجية كل التخصصات يكون لها يوم واحد
اما تخصص القانون يكونون برووحهم وبالتالي يكون فرصتك اكبر للقبول!!


الديوان الاميري - مجلس الوزراء - ديوان ولي العهد
مكتفين بالموظفين ومو شرط عندك علوم سياسيه عشان يقبلونك!!

مجلس الامة
صار لهم 4 سنوات ماوظفوا احد علوم سياسيه
لا ونزلوا اعلان يبون علوم سياسيه واخر شي اسحبوا على المتقدمين ماقبلوا ولا واحد بهالتخصص
لانه اعلى الدرجات كان واحد مطيري واهما يبون اللي بعده!!!
علما بان كل اعلان لمجلس الامه ينزلون ويبون قانونيين


علوم سياسيه لاتستقبلك شركات النفط الحكومية ولا يستقبلك ديوان المحاسبه ولا العديد من الهيئات الحكومية!!



لذا نصيحه من اخ ناصح يبي لك الخير

دور غير علوم سياسيه

وانصحك بشده بالحقوق

 

[ليله ويوم]

اخوي

انت بتدرس سياسه الله يوفقك ولا انت عارف اعلام الدول

العلم اللي بتوقيعك علم المانيا وحضرتك كاتب عليه تركيا




​

 

[مساعد الشويب]

اخوي​

انت بتدرس سياسه الله يوفقك ولا انت عارف اعلام الدول ​

العلم اللي بتوقيعك علم المانيا وحضرتك كاتب عليه تركيا​

يعنى صايدنى الحين خل هذى الحركه راح تصير مع الوقت موضه

بس عطنى رايك

 

[مساعد الشويب]

نصيحه عن واقع تجربه

حقوق وانت مغمض

فيها مستقبل وفيها تدرج وظيفي وتقدر تقدم على الوظائف اللي يقدم عليها علوم سياسيه
وتقدر بالحقوق تدش خارجيه وتصير دبلوماسي وتصير وكيل نيابه وتصير محقق وتصير محامي دوله بس ماتصير محامي حكومة نفس القلابي
وتصير محامي بلدية وقريبا راح يفتحون هيئة اسواق المال وتصير مدقق قانوني او محامي السوق
وتقدر تفتح مكتب بعد سنتين من التدريب واذا تقاعدت من العمل الحكومي شهادتك عندك وتقدر تفتح مكتب يعني من بعد الله مستقبلها مضمون !!
وتقدر تقدم بمجلس الامه والشركات النفطيه الحكومية وديوان المحاسبة وكل الهيئات يبونك


ااما العلوم السياسيه

تحط ايدك على خدك و تنطر دورك بالديوان!!!
لايوجد مسمى وظيفي واكثر الشباب مقزرينها بالمحكمة يا أمين سر جلسه او امين سر تحقيق
لا ووظيفتك تكتب محاضر حق اللي درس حقوق وصار وكيل نيابه وانت اخترت علوم سياسيه

واقصى مايمكن ان توصله رئيس قلم في المحكمة!!! هذا اذا توظفت بالمحكمة

او تتوظف طبعا من غير الشهاده وتقزرها بالقطاع الخاص بنوك يعني شهادة علوم سياسيه نقعها واشرب مايها!!

او تسوي ربط وتنطر الماليه حالك حال العديد من طلبه العلوم السياسيه وعاد انطر لما يجيك الدور !!
وشوف جم واحد ياخذون .. فليش توهق عمرك بهالتخصص !!


او تراكض تدور لك واسطه عشان تتوظف بالخارجية ويمكن تنقبل او ماتنقبل!! ومع هذا تخصص الحقوق يقدر يقدم معاك وفرصته يمكن اكثر من فرصتك!!
لان مقابلات الخارجية كل التخصصات يكون لها يوم واحد
اما تخصص القانون يكونون برووحهم وبالتالي يكون فرصتك اكبر للقبول!!


الديوان الاميري - مجلس الوزراء - ديوان ولي العهد
مكتفين بالموظفين ومو شرط عندك علوم سياسيه عشان يقبلونك!!

مجلس الامة
صار لهم 4 سنوات ماوظفوا احد علوم سياسيه
لا ونزلوا اعلان يبون علوم سياسيه واخر شي اسحبوا على المتقدمين ماقبلوا ولا واحد بهالتخصص
لانه اعلى الدرجات كان واحد مطيري واهما يبون اللي بعده!!!
علما بان كل اعلان لمجلس الامه ينزلون ويبون قانونيين


علوم سياسيه لاتستقبلك شركات النفط الحكومية ولا يستقبلك ديوان المحاسبه ولا العديد من الهيئات الحكومية!!



لذا نصيحه من اخ ناصح يبي لك الخير

دور غير علوم سياسيه

وانصحك بشده بالحقوق

الله يبيض وجهك شرح وافى ودقيق من الاختصاصين وانشالله تم عقد النيه والتكول على الله سبحانه وتعالى ومن ثم نصائحكم التى جعلتنى اتجه الى الحقوق واللله يجزاكم خير جميعا
ويجعلها فى ميزان حسناتكم