سؤال وجواب سؤال عن نوع الطاقيه

[ألب آرسلان]

شفت زميلنا توجو منزل عنوان عن الطاقيه

وتذكرت أن فيه سؤال جدا مهم ( بالنسبه لي )


الســـــــــــؤال

ابي طاقيه تكون ثابته على الرأس ولا ترجع مع الشعر للوراء
لأن وللأمانه متعقد من هالسالفه
جربت تقريباً أغلب انواع الطواقي وكلها ترجع مع الشعر للوراء

لدرجة أني وصلت مرحلة احسد الأصلع ( المسرمك )

<< مشكله اللي شعره حرير


ياليت احد يفيدنا بنوعية ممتازه وياليت الجواب عن درايه
وياليت محد يقول ( حياكه ) لأنها خرابيط



وتشكرات مقدماً​

 

[صوتي]

احسن وافضل طاقيه >> السوريه ام سير = تتمغط وثابته على الراس

واذا ما حصلتها فيه طريقه سهله وهي تكون الطاقيه مبلوله بالماي والبسها​

 

[مؤدب حيل]

يا ألب الله يهديك​

انت مصلع وتسأل عن الطواقي اللي ما ترجع مع الشعر ؟​

شلك فيها بس​

 

[ألب آرسلان]

احسن وافضل طاقيه >> السوريه ام سير = تتمغط وثابته على الراس​

واذا ما حصلتها فيه طريقه سهله وهي تكون الطاقيه مبلوله بالماي والبسها​

الله يطول عمرك

بس موضوع الظاقيه المبلله اول مره اسمع فيها

لكن ننتظر المزيد من الإضافات

واشكرك

 

[ولد وايل]

ياولد خلك على العمامه أحسن لك .. ​

وشلك بالطاقيه ودبلة الكبد .. ​

والوايلي يحييك يابعد كبدي :وردة:​

 

[@الناصر@]

انا شعري مثل شعرك حرير وكل يوم أشتري من الطواقي وماكو فايدة بس طحت على نوعية من الطواقي بصراحة أعجبتني وثابته على الراس ألا وهي البحرينية بس الله يعينك تدورها لأن بصراحة صعب تلاقيها

 

[كاسك يا وطن]

والله تبي الصج ؟
ماكو نفس السوريه ..
تثبت الشعر .. وخاصه اذا كان الشعر دهني ..

​

 

[ألب آرسلان]

يا ألب الله يهديك​

انت مصلع وتسأل عن الطواقي اللي ما ترجع مع الشعر ؟​

شلك فيها بس​

ياخوي عسى ماشر كأني أعرفك ولا متعشي معاك أمس

اخوي الظاهر عندك مشكله مع نفسك

ولا تهمل نفسك راجع شوف شـ سالفتك .. لأن وظعك متأزم

وحياك والله يستر عليك

 

[ألب آرسلان]

ياولد خلك على العمامه أحسن لك .. ​

وشلك بالطاقيه ودبلة الكبد .. ​

والوايلي يحييك يابعد كبدي :وردة:​

أنتهت حركة الأخوان ولا كان لبست الهمامه وداهمت ( مجمع واره )

وحياااك يا العنزي

 

[ألب آرسلان]

انا شعري مثل شعرك حرير وكل يوم أشتري من الطواقي وماكو فايدة بس طحت على نوعية من الطواقي بصراحة أعجبتني وثابته على الراس ألا وهي البحرينية بس الله يعينك تدورها لأن بصراحة صعب تلاقيها

الله ينور عليك

طيب حدد لي مكان شرائها

وطيب لو اقول للمحل ( طاقيه بحرينيه ) يعرفها ولا فيها انواع متعدده

وتسلم يا الناصر

 

[خلك طبيعي]

حاول تحط جيريه فوق الطاقيه وشوف راح تثبت

 

[ألب آرسلان]

والله تبي الصج ؟
ماكو نفس السوريه ..
تثبت الشعر .. وخاصه اذا كان الشعر دهني .. ​

أهلا بعميد قسم ( سؤال وجواب )

بس السوريه لها مكان شراء مخصص ولا بأي محل

وتسلم يا زميلي الخلووووق

 

[ألب آرسلان]

حاول تحط جيريه فوق الطاقيه وشوف راح تثبت

إذا صار راسي عرزاله مثل راسك

راح اسويه هالحركه

 

[كاسك يا وطن]

أهلا بعميد قسم ( سؤال وجواب )

بس السوريه لها مكان شراء مخصص ولا بأي محل

وتسلم يا زميلي الخلووووق

هلا يا بعد راسي ..:وردة:
هلا يا بعد هلي وناسي .. :وردة:

والله يا اخوي سوق المباركيه .. عد وخربط .. محلات يا كثرهم ..
وقيمة الوحده .. ربع دينار . ​

 

[مربي أجيال]

والله بعض الردود تموت من الضحك ويا صاحب الموضوع خل بالك وسييييييييييع الشباب يمزحون معاك

 

[@الناصر@]

الله ينور عليك

طيب حدد لي مكان شرائها

وطيب لو اقول للمحل ( طاقيه بحرينيه ) يعرفها ولا فيها انواع متعدده

وتسلم يا الناصر

وينور عليك

أنا شريتها من محل بجانب سفريات سابيو بس بعدين مريته وقال للحين ماجت البضاعة الجديدة أما بخصوص الأسواق الثانية مالقيتها والمباركية للحين ماجيتها

 

[كاسك يا وطن]

إذا صار راسي عرزاله مثل راسك

راح اسويه هالحركه

هههههههههههههههههههه
الله يقطع ابليسك .. وربي فقدت من الضحك
​

 

[ألب آرسلان]

هلا يا بعد راسي ..:وردة:
هلا يا بعد هلي وناسي .. :وردة:​

والله يا اخوي سوق المباركيه .. عد وخربط .. محلات يا كثرهم ..

وقيمة الوحده .. ربع دينار . ​

احرجتاااني بسمو أخلاقك

دام الطواقي بالمباركيه وصلنا خير

وعلى ربع بعد شي حلووووو ( كتير ):وردة:

 

[ألب آرسلان]

والله بعض الردود تموت من الضحك ويا صاحب الموضوع خل بالك وسييييييييييع الشباب يمزحون معاك

أهلا هلابك

ابد لا معصب ولا شيء

وكان ردي على مستوى كلامهم بالضبط

ومرحباااااا الساع

 

[ألب آرسلان]

وينور عليك

أنا شريتها من محل بجانب سفريات سابيو بس بعدين مريته وقال للحين ماجت البضاعة الجديدة أما بخصوص الأسواق الثانية مالقيتها والمباركية للحين ماجيتها

انا ادور العذر بقول للأهل بروح البحرين اشتري طواقي هههههههه << ترى عزوبي

وتسلم الناصر قواك الله ياغلاي