تدافع من الــخليجيين لأستخراج البطاقه

[الطير]

تدافع غير مسبوق من الخليجيين لاستخراج البطاقه المدنيه ثم استخراج البطاقه التموينيه

للاستفاده من المنحه الاميريه ,, هذا مارواه لي احد الاخوه والسؤال الم يكن يجدر بالحكومه تحديد

المستحقين بقرار واضح ؟

 

[الابجر]

والله هالسعوديين مشكله تلقاهم ساكنين بالسعوديه ويطلعون بطاقات ويجون يناشبونا
وخربوا علي السعودي المقيم بالكويت وعلي المساكين البدون
المفترض اللي يبي يجدد بطاقه يطلب التسلسل الدراسي للابناء في مدارس لبكويت لكي بين من يستحق ومن لايستحق

 

[ابوتمره]

شدعوه؟ مع احترامي للي قالك هذا كذاب لان ياحبيبي لو تاخذ من الكويت خيشتين رز ممنوع تطلع فيها برى الكويت واسال اي واحد حاول يطلع عن طريق البر وياه اكثر من خيشة رز او طحين ينزلها ويطلع ممنوع ممنوع ممنوع واتحدى فيها اي واحد يقول غير هالشي يعني هذي جذبه كبيره مع احترامي للي قالك

 

[رؤى]

المفروض ما يعترفون بأي اصدار جديد للبطاقة المدنية والبطاقة التموينية الا للكويتيين

يعني هي المنحه اساساً للكويتيين , جزاه الله خير الشيخ شمل معانا الخليجيين المقيمين بالكويت , الي ما استخرج البطاقة التموينية من قبل معناها مو محتاج

والي توه يفكر بالبطاقة المدنية يعني اساساً هو مو ساكن الكويت

الدعوة لعب !

 

[ابوتمره]

والله هالسعوديين مشكله تلقاهم ساكنين بالسعوديه ويطلعون بطاقات ويجون يناشبونا
وخربوا علي السعودي المقيم بالكويت وعلي المساكين البدون
المفترض اللي يبي يجدد بطاقه يطلب التسلسل الدراسي للابناء في مدارس لبكويت لكي بين من يستحق ومن لايستحق

المسكين انت يالابجر انت الان اتهمت السعوديين انهم يجون من السعوديه عشان بطاقة التموين قاعد اقولك اتحدى اي سعودي او كويتي او اي شخص يسافر عن طريق البر وياه اكثر من خيشتين رز هذي اشاعه وخرابيط بعدين شنو هالبطاقه الي سهله؟ يبه البطاقه المدنيه مايطلعا الا الشخص الي عايش باللكويت سواء سعودي او غيره لازم يكون موضف بالكويت او عايش فيها وعنده اوثباتات على ذالك يعني لاتصدق وبناء على تصديقك للتهمه ترمي التهم للسعوديين روح الحين جرب اخذلك خيشتين رز وجرب تطلع برى الكويت اذا قدرت تدش تعال واجهني

 

[الحرملك]

تدافع غير مسبوق من الخليجيين لاستخراج البطاقه المدنيه ثم استخراج البطاقه التموينيه

للاستفاده من المنحه الاميريه ,, هذا مارواه لي احد الاخوه والسؤال الم يكن يجدر بالحكومه تحديد

المستحقين بقرار واضح ؟

المشكله فينا بس ننقل الكلام على الفاضي والمليان

اخوي كلامي لك ولغيرك
من ينقل الكلام وغير متأكد منه

سواء اخرجت بطاقة مدنيه او ايا كان


لايستحق البطاقه التموينيه,,,,,,,,,ولاتخرج له بطاقه تموينيه


الا من هو ...موظف في جهة حكوميه فقط

فهمت


لاتصدر بطاقه تموينيه,,,,,,

الا لمن هو موظف في جهه,,,حكوميه
او المقاعدين من هذه الجهات فقط
فهمت حتى البدون لهم بطاقه تموينيه
ولكن البدون العسكرين ,,,او الذين يعملون في جهه حكوميه رسميه


فهمت ياخوي




واتمنى من الاداره,,,اغلاق الموضوع

لعدم صحة الخبر
​

 

[كـويتيـه وبــس]

مو شرط عشان التموين ؟ ترى السعوديه ديره خير والاكل ارخص من هنى وفيه بركه

رفيجتى سعوديه متزوجه كويتى اخوانها وابوها طلعوا بطاقه مدنيه كويتيه لانهم بيطلبون خدم من الكويت لانهم ارخص من مكاتب الخدم السعوديه الى اسعارهم بالاف الريالات

 

[الابجر]

المسكين انت يالابجر انت الان اتهمت السعوديين انهم يجون من السعوديه عشان بطاقة التموين قاعد اقولك اتحدى اي سعودي او كويتي او اي شخص يسافر عن طريق البر وياه اكثر من خيشتين رز هذي اشاعه وخرابيط بعدين شنو هالبطاقه الي سهله؟ يبه البطاقه المدنيه مايطلعا الا الشخص الي عايش باللكويت سواء سعودي او غيره لازم يكون موضف بالكويت او عايش فيها وعنده اوثباتات على ذالك يعني لاتصدق وبناء على تصديقك للتهمه ترمي التهم للسعوديين روح الحين جرب اخذلك خيشتين رز وجرب تطلع برى الكويت اذا قدرت تدش تعال واجهني

ليش زعلان
نعم انا مسكين وفقير لله عز وجل

الظاهر انت ماقريت كلامي
وبعدين البطاقه المدنيه سهله مو صعبه
وبعدين انا ما قلت شي الا ادري عنه
والموضوع نقاش لاتعصب

واللي يطلع خيشه يعني الخيشه لما تكون 50 كيلوا شوي
الظاهر انت متعود تطلع كل شهر تموين وتوديه للحفر لانك عارف كم يحقله الواحد يطلع

 

[ALI ALMUTAIRI]

موضوع أقل ما يقال عنه ... غبي ..

المنحه التموينيه للكويتيين فقط ..

والبطاقه التموينيه للخليجي ( الموظف ب جهه حكوميه ) ..

حارب الله الحقد وأهله ... وخصوصا ( ما غيرها ..!! )

 

[ام عمر وعائشة]

موضوع أقل ما يقال عنه ... غبي ..

المنحه التموينيه للكويتيين فقط ..

والبطاقه التموينيه للخليجي ( الموظف ب جهه حكوميه ) ..

حارب الله الحقد وأهله ... وخصوصا ( ما غيرها ..!! )

:إستحسان::إستحسان::إستحسان:

 

[ابوتمره]

اعتقد ان الاخ الابجر انحشر بزاويه الان الاخوه قالولك ان بطاقة التموين لاتستخرج الا للموضف الخليجي الي بالكويت الان انت اتهمت السعوديين انهم يجون من السعوديه عشان بطاقة التموين عيب عيب عليك اكبر شوي شنو هالخرابيط قالولك مايطلعها الا الخليجي الي موضف بالكويت وانت اتهمت بدون دليل والان انت اثبت ان مايطلع الا اقل من خمسين كيلو الان قولي ياشاطر سعودي يجي يطلع بطاقه تموينيه الي اصلا هي ممنوع يطلعها الا اذا كان موضف ونتفق انه طلعها بطريقه غير نضاميه شلون يطلع باقل من خمسين كيلو؟ يعني يطق مشوار ويسوي زحمه ويجيب واسطات عشان خيشة رز؟ اكبر شوي وحكم عقلك ولاترمي الناس بالباطل بدون دليل

 

[!...ωαнαм...!]

لدرجه ذي السعوديين ذابحهم الجوع (( ما ضنتي

بالعكس الاسعار جدا رخيصه بالسعوديه بالمقارنه بالكويت

الاسعار بالكويت نار والدليل لمن اكون على حد السعوديه نحصل السيارات الكويتيه طوابير بالمحطات السعوديه

الخاصه لشراء الاحتياجات من السعوديه كالمواد الغذائيه والبنزين وغيره فلا اضن


​

 

[الابجر]

اعتقد ان الاخ الابجر انحشر بزاويه الان الاخوه قالولك ان بطاقة التموين لاتستخرج الا للموضف الخليجي الي بالكويت الان انت اتهمت السعوديين انهم يجون من السعوديه عشان بطاقة التموين عيب عيب عليك اكبر شوي شنو هالخرابيط قالولك مايطلعها الا الخليجي الي موضف بالكويت وانت اتهمت بدون دليل والان انت اثبت ان مايطلع الا اقل من خمسين كيلو الان قولي ياشاطر سعودي يجي يطلع بطاقه تموينيه الي اصلا هي ممنوع يطلعها الا اذا كان موضف ونتفق انه طلعها بطريقه غير نضاميه شلون يطلع باقل من خمسين كيلو؟ يعني يطق مشوار ويسوي زحمه ويجيب واسطات عشان خيشة رز؟ اكبر شوي وحكم عقلك ولاترمي الناس بالباطل بدون دليل

اضحك الله سنك
انا انحشرت
اذا تعرف اي واحد في التجاره في فروع المحافظات وعندك بطاقه مدنيه يطلعلك بطاقة تموين اذا كنت طبعا كويتي او خليجي ولايسالك عن اي اثبات وظيفي
وانا اكتفي فيما قلت
وانا بالاول في بداية كلامي اتفقت اني مع البمتواجدين في الكويت والموظفين
وكنت ضد من هم ليسوا عايشين هني
ويااخي كلنا عيال قريا وكلن عارف خيه
لاتزايد عندي وتهايط
لاني مااحب المجادله
تحياتي لك
وعليك بالعافيه العيش :وردة:

 

[حامض حلو]

هذا مارواه لي احد الاخوه والسؤال الم يكن يجدر بالحكومه تحديد

المستحقين بقرار واضح ؟

ردينا على سوالف يقولون !!


القرار موضح فيه المستحقين .. وتاريخ آخر موعد للاستحقاق !!



موضوع من نوعية ... زحمة على الفاضي


​

.

 

[شجاع]

نقول عليهم بالعافيه ولو انه البطاقه التموينيه نتتمنى تقتصر فقط على الكويتيين والعسكريين البدون وابناء الكويتيه البدون وكل بدون خدم الكويت ..

او اتمنى اهل البطاقات الحاليه من الخليج وغيره بلدانهم يعاملون بالمثل ..

الله يستر باجر لايقولون عطونا الجنسيه غصب .. مو طيب ويسون مظاهره وانهم مظلومين بالكويت رغم انه عندهم جناسي ..

اكرر ..

هالديره اللي ماعمره تكلم وبطل حلجه المغلق .. صار يتكلم فيها ويطالب ويحارب مو حكومة بلاده اللي كاشته فيه .. بل الحكومه الفاشله الكويتيه ..

 

[الابجر]

لدرجه ذي السعوديين ذابحهم الجوع (( ما ضنتي ​

بالعكس الاسعار جدا رخيصه بالسعوديه بالمقارنه بالكويت ​

الاسعار بالكويت نار والدليل لمن اكون على حد السعوديه نحصل السيارات الكويتيه طوابير بالمحطات السعوديه​

الخاصه لشراء الاحتياجات من السعوديه كالمواد الغذائيه والبنزين وغيره فلا اضن ​

اتفق مع الاخ وهم
ان السعوديه المواد الغذائيه والبانزين ارخص من الكويت
واعرف اناس يروحون يتسوقون بالسعوديه لانهم يقولون السعوديه ارخص
والسعودين الله يغنيهم ويزيدهم من نعيمه
ولايزعلون اخونا السعودين
المواضيع مرات يكون فيها اختلاف في وجهات النظر
وان اخطانا فمن عندنا
وان اصبنا فمن الله

 

[كاسك يا وطن]

عليهم بألف عافيه ..
ليش الحسد ؟
انت ماكل .. خل غيرك ياكل ..

أقسم بالله ما شفت انفوس ضيقه .. نفس انفوسكم ..​

 

[!...ωαнαм...!]

اللهم امين والله يغني الجميع ان شاء الله

ومامن زعل بوجهات النظر


شكرا لك الابجر على اخلاقك

​

 

[الابجر]

اللهم امين والله يغني الجميع ان شاء الله ​

ومامن زعل بوجهات النظر ​

شكرا لك الابجر على اخلاقك ​

الله يرفع قدرك بالدارين
تحياتي لك
:وردة:

 

[ابو عبدالرحمن العازمي]

اللي اعرفه ان المنحه التموينيه للكويتيين فقط حتى لو اخذها اي مواطن خليجي لن يستطيع الخروج من المنافذ لان الاكل المدعوم من الحكومه الكويتيه لا يخرج من الكويت !