توقيع عقد لملكية الخط مبروك

[سنتافي]

الحمدالله الي الله فكنا من زين بس انشالله تكون الشركات تقدم خدمات ممتازة

 

[كل مواطن خفير]

أهلا بالخبر الذي إنتظرناه طويلا ... الله يبشرك بالخير :وردة:

 

[عالي مستواه]

الله يبشركم بالخير والله ان خطي حلو وأرقامه سهله وما ابي افرط فيه قديم ،،
ان صار أحول فيفا او الوطنيه كلهم احسن من زين ،، الله ياخذها ماهي زين الا عمات عين

 

[ابـوعبدالله]

الحمد لله على كل حال ..

باذن الله عندي 3 خطوط زين وبأحولها فيفا ..

 

[CENTRALBANK]

من السنه اللي فاتت واهم يصرحون.. نتمنى ان تكون في منافسه بعد تنفيذ عملية نقل الارقام اذا ما اجلوا

 

[ألب آرسلان]

هذا افضل خبر للأمانه

لأني احس أني اسير مع زين

 

[يوسف المطرف]

دعوة للهجرة الجماعية و الى الابد الى جمهورية فيفا

 

[jody]

على طوووول فيفآ .. بإذن الله ..

 

[@الناصر@]

مبروك للجميع هذا الخبر وإن شاء الله يصير تنافس بس أخاف كلهم يتفقون علينا

تبون الصراحة كلهم منااااااشير

 

[سنتافي]

اولا ممبروكين على هذا الخبر بس عندي سؤال ابي اجابة عليه رقمي 990 من أيام انطلق 4 يعني صارلي دهر وانا مع زين لما خلاص مصت دمي، شنو الامتيازات الي في شركة فيفا وليش ما أحول الى الوطنية مثلا مع الشكر والتقدير

 

[كويتي وكالة]

تحليل متواضع
800 الف خط ( زين )
400 الف خط ( وطنية )
150 الف خط ( فيفا )
تقريبا هذه حصص الشركات الثلاث ( مع شطب المشترك والأجنبي والشركات )

اتوقع نزوح كبير من زين ونسبي من الوطنية وبسيط من فيفا ( فيفا >> وطنية ) نضع بالأعتبار عدم نضوج شبكة فيفا ( توجد شكاوي على الشبكة بمناطق محددة )

يعني الحسبة تكون
400 الف خط ( زين )
600 الف خط ( وطنية )
350 الف خط ( فيفا )

طبعا راح يكون في عروض ( لا صارت ولا استوت ) علشان يشبصون بالعميل ( وخاصة زين ) يعني توقع ( مكالمات مجانية - رسائل مجانية - باقات رخيصة - الخ )

شي مهم جدا يا اخوان
يجب على الشركات تجهيز بنية تحتية تستوعب الخطوط المنقولة و الا فهناك كارثة ( سيرفس وتغطية ) ستلوح بالأفق .

 

[انشكاحي]

‘

يا للهول .

.