حماد النومسي
عضو فعال
ياحكومتنا بـدون ادنـى حسـاب
اعطوا الجنسيـه لكـل البـدون
البـدون ابـدون شـكٍ وارتيـاب
حقهـم واضـح ولافيهـا منـون
مايغبي مشرق الشمس الضبـاب
ولايزيغ الزيف نظـرات العيـون
قسمهم من قسمنا في كـل بـاب
يد بيد نبني منـارات الحصـون
مننـا وفينـا نسابـه وانتسـاب
اللغه والديـن والـدم المصـون
في لوا اليرموك في ذيك الهضاب
ارفعـوا راياتنـا فـوق المتـون
ويوم حرب الصامته ستر وحجاب
للبـلاد بـلا شكـوك ولاظنـون
وفي اغسطس من سنة تسعين آب
دون وجه الارض للموت ايعـدون
فعلهم ثابـت ولابـه طـق نـاب
الحقايق بالواثيـق كـاف نـون
ياحكومتنـا مواثيـق الخـطـاب
يافخرنـا لاانغبـن كـل امغبـون
والعداله عندنـا فـرض وكتـاب
لو يخون الكـون كلـه مانخـون
لايردّي حضنـا صـوت الغـراب
لايضيع الراي بجيـوب العفـون
البطانـه كـل ابوهـم سـم داب
بعضهـم مالـه ولاء ولا يكـون
مااستوى عد الروى هو والسراب
والدخن ماهو كما ريـح الدخـون
مايجي من حنية الراس انتصـاب
ولانحوش العز باغضاي العيـون
من عطى زهرة ولاءه والشبـاب
حـق شيباتـه علينـا ماتهـون
.