%83 من الكويتيين بالتأسيس و17% بالتجنس
في 1 يوليو 1986 رد الشيخ نواف الاحمد وزير الداخلية آنذاك على سؤال برلماني مقدم من العضو السابق احمد الشريعان اوضح فيه بالارقام عدد الكويتيين الحاصلين على الجنسية بالتأسيس او بالتجنس. ومما جاء في اجابة الوزير ان عدد المواطنين الكويتيين حينها بلغ 486143 مواطنا ومواطنة. منهم 398687 مواطنا ومواطنة بالتأسيس، يشكلون ما نسبته 83.7% من مجموع السكان الكويتيين. مقابل 88736 مواطنا ومواطنة حصلوا عليها بالتجنس وهم يشكلون ما نسبته 16.3%.
ومع احتساب المتغيرات الاحصائية خلال ربع قرن من ذلك التاريخ.
ومن اجابة للواء الشيخ فيصل النواف الوكيل المساعد لشؤون الجنسية لصحيفة السياسة في 28 يناير 2007 افاد فيها ان عدد من منحوا الجنسية خلال تحرير البلاد وصل الى 11675 حالة.
وبخصم عدد 500 حالة منحت الجنسية الكويتية بالتأسيس. نسبة المجنسين من بين الكويتيين نتيجة لذلك تحركت بما نسبته 1.1% ارتفاعا، وعليه فإن النسبة النهائية تكون على الشكل التالي:
الكويتيون (بالتأسيس) 82.8%
الكويتيون (بالتجنس) 17.2%
يعني 17 بالميه غير تأسيس .. جم عدد زوجات الكويتيين منهم ..اقل شي نصهم .. غير ابناء الكويتيات ..
الكويتي المتجنس يتساوى اعتقد احفاده مع احفاد الكويتي التأسيس ..
يعني بالاخير يتساوون ..
طبعا اكييد كلن بملفه لابد يكون انه تأسيس او غير تأسيس ومتى تجنس .. امور مهمه للدوله ..
أييد انه المتجنس ينال ابنائه الجنسيه نفس الكويتي التأسيس .. اذا كان قاعد بالكويت واتم مدد قانونيه معينه ..
اما هو ينال كل الحقوق الا مسئلة الترشيح والانتخاب .. يعني بدال لايكون الجيل الثالث ياخذ الحقوق كامله ياخذها الجيل الثاني ..
ليه هالامر .. هل حنا عنصريين !
اغلب الدول العربيه تطبق هالامر ..
كذلك حتى لايكون التجنيس طريق تكسب للحكومه .. تقدر تجيب فوج كامل من اين كان .. قبيله .. طائفه .. مرتزقه .. دوله .. وتجنسهم ومباشرا يدخلون الانتخابات ويترشحون ويصوتون ويختطف الشارع الكويتي الحقيقي ..
فلابد ايضا تعديل قانون الجنسيه بعدم السماح للحكومه بالتجنيس نهائيا .. ولا استبدال المتجنس ووضعه ماده اولى ,.. بل لابد عمل لجنه تحقيق بمن عدلوا للماده الاولى ..
- لو ساوينا كل المواد بمثل هالقانون الحالي .. لجنست الاجنبيه ابنائها مثل الكويتيه التأسيس او طالبت بتجنيسهم ..
الحكمه كذلك ..
مسئلة اسقاط الجنسيه وسحب الجنسيه ..
الكويتي التأسيس لو اسقطت جنسيته .. لايوجد له وطن غير الكويت
الكويتي المتجنس لو سحبت جنسيته .. يوجد له وطن سابق يستطيع فالغالب العوده له ..
نعم لمساواه الجيل الثاني .. لكن الجيل الاول صعبه .. بل باغلب الدول بالعالم هالامر مطبق .. لابد فتره معينه زمنيه له او لأجياله حتى يكون متساوي مع الجميع ..
وهالشي هو نفسه قبله .. فليه يعارضها .. كان يقدر يرفض الجنسيه ويقعد بديرته .. اما كالعاده الكويت ديرة اللي ماتحجى وبطل حلجه صار يبابي ويرطن ويتكلم .. موضوع الجنسيه صايرله شهر كامل متداول بين البدون مستحق وغير مستحق .. وعيال الكويتيه .. وزوجة الكوييتييه والان المتجنسين .. باجر اتوقع بقومون ابناء المقيمين ويقولون انتم عنصريين لستم نفس امريكا .. لابد بعد 5 سنوات نتجنس او حنا ولدنا بالكويت فنستحق الجنسيه .. راح نقول لهم لا مانقبل .. راح يطلع بعض الكويتيين المقصات ويقول خافوا الله انه ظلم انها عنصريه والخ ..
ترى حاشنا ممل من هالجنسيه .. محسودين على الحياة الديمقراطيه .. محسودين حتى على الـ1000 دينار ..
جدانا عاشوا فيها وقاتلوا ودافعوا عنها .. يومن بعض الناس جدانه ولادرى عن هالديره ويصتصغرها يمكن ..
تلومون الكويتيين اذا خططوا ودافعوا عن ديرتهم " من الاختطاف القادم "
فلذلك مطالبه ..
لابد اغلاق ملف الجنسيه نهائيا .. فقط للمستحقين البدون والباقي مالنا شغل فيه .. يطالبنا بشنو عنده جنسية ديرته " ناقد على ديرته .. جهنم ديرته يبي النحشه منها "
رغم اني اييد انه المتجنس جيله الثاني يتساوى مع الكويتي التأسيس ..
لكني اتسائل .. هل المتجنس له وجه يطالب بالمساواه وهو قبلها من الاول .. ان جانه مو راضي خل يسقط جنسيته ويرد لديرته الاولى اللي تساويه مع الكل .. ابرك له ..
بس اكرر ..
هالديره " زيطه "
انتظروني الاسبوع القادم .. راح اجمع بنغالية الجليب .. واسوي مظاهره .. نطالب بالتجنيس لأنه 5 سنين .. لاتظلمونهم مسلمين .. ولاتحسدونهم الديره خيرها يكفي العالم .. ولاتعنصرون ضدهم سبق جنستوا هنود وايرانيه وكفرا ..
وهذا حق مشروع .. ومتأكد سيظهر اشخاص يقولون .. خافوا الله .. انكم ظلمه .. بسجلي بعد 17 يوزر نيم .. اولهم جنشير خان واسلام اباد .. وحسينه .. ايه العنصرييون الجليب تأن .. وانتم مافي كلام !
اذن يضل السؤال الحقيقي ما الفرق ؟ ؟ ؟