يا موضي الحمود : الثورة .. او اعادة فتح الدراسة في الخارج للراغبين من شباب الكويت

[Dejavu]

المفروض يعتمدون في كل بلد عربي عدد قليل جدا من الجامعات بحيث تكون ذات مستوى رائد ومميز في التعليم ...

والدول المتقدمة كالولايات المتحدة وبريطانيا ...

يتم اعتماد عدد معين من الجامعات حسب المناطق هناك ... ويتم قفل قائمة الجامعات عند هذا الحد ...

بحيث تكون القائمة شاملة على الجامعات المصنفة على المستوى العالمي في الاختصاصات المختلفة ...

واللي يبي يختار من هالقائمة وبس ...

لكن كل من لقاله جامعة في فريج احدى الدول ياب اوراقها وقال بروح هناك .. تصير فوضى ...

وراح تظل مشكلة قبول اكثر من 50 عالقة ... لكن اشوفها ضرورية في الوقت الحالي ...


في القدم ...

لما يقولون فلان شهادته من بره ...

معناته عنده خبره علمية وعملية ...

والكل ينظر له نظرة احترام وتفاؤل بمستقبل باهر ...

الحين اذا قالوا فلان شهادته من بره ...

70% منهم يكونون مقضينها سياحة وراجعين بشهادة شارينها بفلوس ...

الشهادة من الكويت افضل مستوى وسمعة حاليا ...



تحياتي

 

[nameIess]

يا معود الدكتوره موضي الحمود ماتدري عن شي ومع الاسف مستشارينها في التعليم العالي الاخت فدوه والمستشار المصري ماعندهم شخصيه ويخافون من مديره ادراه البعثات ساميه الرميح اللي شكله الوكيل المساعد راشد النويهض (اللي اهو مسؤولها وفوقها) ماعطيها الخيط والمخيط.. واللي يحرررر ويقهررر ان الدكتور خالد السعد وكيل التعليم العالي كل الموظفين اللي عنده يقولون انه يديد ومايعرف كل القوانين والموظفين اللي تحته اهم امشين الشغل ويقولوله اي شي يصدقه ويوقع على محاضر الاجتماعات بناءا على كلام اللي تحته!

شي يقهر ويحر ان ثلاث اشخاص كحيانين في التعليم العالي (مو مسؤولين ولا بطيخ) اهم اللي يخلصون اشغال ربعهم وجماعتهم ويدخلون على الوكيل والوكيل المساعد رايحين رادين طول اليوم من مبنى البعثات إلى مبنى المعادلات ومبنى الوكيل.. واحنى لاحول ولا قوه... قاعدين بس نطالعهم ونعض على ايدنا. انا انظلمت من سامية الرميح... ادعي ربي انه ينصرني على اللي ظلمتني وياخذلي حقي منها، ربي على كل شيء قادر...الحمد لله.

 

[nameIess]

وفوق هذا ضايعين بالطوشة واولهم موضي الحمود وثانيهم خالد السعد اللي ما يعرف وين الله قاطه بس يفتح مكتبه من الصبح مبجر ويهايط علينا ويقول شوفلك جامعة زينه مثل هارفرد واكسفورد وهو يدري انه هالجامعات ما تقبل الثانوية الكويتية وفوق هذا شهادته من امريكا من جامعة لايثة

ههههه... تصدق عاد.. وديتله قبول من جامعه ادنبره... ثالث افضل جامعه في بريطانيا وثاني افضل جامعه في الهندسه (بدرس دكتوراه)... تدري شرد علي؟ آآآآآخ... خلني ساكت بس قلبي قام يعورني...

الله لا يوفقهم. مستقبلنا قاعدين يلعبون فيه. إلا على فكره... الدكتوره موضي الحمود.. الدكتور خالد السعد... الدكتوره اسيل العوضي... الدكتوره سلوى الجسار... شلون صارو دكاتره؟ مو على حساب الدوله؟ شفيهم مايبون احد يروح يدرس ويصير دكتور؟ ولا خايفين نشيلهم وناخذ مناصبهم عقب ما نشيل شهاداتنا؟!

 

[بنت اصول]

الله لايوفقهم رفعوا النسب وضيقوا على عيالنا
الحين الواحد لمن ولده يتخرج يحاتي وين ينقبل واخرتها ندور لعيالنا جامعات برا تقبلهم ومن حلالنا وهمن مو راضين لازم هم اللي يحددون اي جامعه
ابي افهم ليش الحين معظم البيوت الكويتيه عيالهم يدرسون برا؟؟؟؟؟؟؟؟؟؟؟ لهالدرجه جامعتنا ماتستوعب عيالنا؟؟؟؟ اللي مافيه خير لاهله مافيه خير ضيقتوا علينا ياوزراة التربيه
مااقول الا .........لاخير في قوم ترأسهم امرأه

 

[شـاعري]

يعني تبي الجامعات اللايثه .. اللي انت وبيتك ومره بالسنه تروحى سياحه لمصر وتاخذها مثل المعادي !!

اقعد انت وثورتك ..


اما فتحت جامعات تم اغلاقها معترف فيها عالميا وفيها دوام والتزام مثل بعض جامعات مصر والاردن لامشكله ..


ابتلشنا ناس خلصت من مصر المعادي والجزيره 5 + 5 = يمكن مايعرفون .. تسئله شتخصصك ادارة اعمال او محاسبة



بس تبي الصج ثور .. هالايام كلن قاعد يثور بالكويت ..

الاسبوع الجاي بسوي ثوره .. عندي رابعه متوسط وابي ادرس بالجامعه .. سواء بشهادة رابعه او اشتري شهادة دكتوراه .. لابد المساواه .. الماده 29 تقول .. المواطنين متساوين بكل الحقوق .. هذي الماده قالوها لي كل ماجيت طالب بحقوقك قولها .. طبعا حقوقي كلشي بمزاجي



الثوره .. الثوره .. الثوره .. النهب .. الكسب .. الاحتيال .. الثوره .. الثوره .. التزوير ... والا فالثوره ..

تدري !! ؟؟؟


انا وربي مع اني حاط الموضوع فقط للمؤيدين ومابي اجادل اللي نفسك ما كامل احترامي لك وكنت رغم ذلك برد على كلامك


بس


ياخوي دام انك ما عندك الا متوسطة شتبي داش تناقش ؟؟؟


اترك العالم


وانفع نفسك وكمل دراستك


وروح تالي ادخل التعليم العالي وراجع فيه وتعال ناقش :إستنكار:



​

 

[شـاعري]

في الولايات المتحدة ... وتحديدا بالتسعينيات ...

كان مكتب الملحق الثقافي يوقف ايفاد الطلبة الكويتيين عندما يكونون في اعداد تفوق الخمسين والستين في الجامعة الواحده بوضع "بلوك مؤقت" ... ومن غير سبب رسمي ... ولم نعرف ان كان قرارا او ارتجال ...

طبعا ايامها ما كان في نواب النص كم والمعارضة الحالية ... ولا كانت القضية سبب في اقالة ثلاث وزراء تربية وحكومتين ... مو خبرك المعارضة الحالية هم انصار حملة شهادات الفلبين ومصر ...

المهم ...

في البداية استاء البعض ...

لكن فيما بعد اتضح ان مخرجات الجامعات ذات الكثافة العددية الاقل "من حيث عدد الكويتيين" كانت افضل بكثير ...

كثرة الطلبة الكويتيين في جامعة واحده كانت مسببه باكثر من امر ...

- تكثر النوتات والواجبات القديمة ويتم الاعتماد عليها عوضا عن المذاكرة ...
- يتم معرفة نقاط الضعف من الدكاتره اللي ممكن تنطلي عليهم حيل الطلبة ...
- تكثر الدواوين ولعب الكره والسهرات والسمرات وتقل المذاكرة ...
- بعض الجامعات ذات الكثافة العالية بالطلبة الكويتيين سجلت مشاكل بين الكويتيين انفسهم ...
وغيرها من الاسباب ...
لذلك مكتب الملحق الثقافي قرر في ان يتم توزيع الطلبة على الجامعات " والله ما كثرهم" بحيث لا يكون هناك كثافة عددية في مكان معين ... واللي يبي الدراسة مو شرط يشترط وين والا في هذا المكان ...
طبعا مرات يصير في استثناءات واحنا في بلد الاستثناءات ... يعني واحد اخوه في جامعه عليها بلوك مؤقت يتم السماح له ... واحد تزوج ويبي يضيف زوجته بنفس الجامعة يسمح له ... واحد عنده واسطه اكيد يسمح له


هذا الكلام عن جامعات لها وزنها وثقلها في الولايات المتحدة ....

فما بالك في جامعات الهشك بشك في مصر !!!


انا عن نفسي ونيابة عن الكثيرين ممن كدوا وجاهدوا للحصول على شهادة جامعية في سنواتٍ خمس في الغربة ...
اشد على يد الوزيرة بأن لا ترضخ لمثل هذه المطالبات التي لا تعدوا ان تكون ثوره او زوبعه في فنجان ...
ونطالبها في مكافحة دكاكين الشهادات في مصر والاردن والفلبين وغيرها من الدول ...

اللي يبي يدرس ابواب الجامعات مفتوحه وما وقفت على جامعه معينة ...

يعني اللي يبي يصلي مثلا ... ما يقدر يصلي الا بمسجد معين وبس ؟؟

لكن في ناس تبي ترتز وتحصل معاش على اساس شهادة لو تسألهم مايعرفون اهم متخصصين بشنو اصلا ...


والاخ يقول ثوره ...

لا حول ولا قوة الا بالله العلي العظيم ...

اخوي اسمح لي سويت لي مقدمة شطول شعرض والموضوع محدد وواضح


اعادة فتح الجامعات .. وانا كان على قولتك دكاكين فهذا دور المكتب الثقافي في المراقبة

اما قرار الخمسين اسمح لي مو من حقك لا انت ولا المكتب الثقافي يحدد اسم الجامعة

يعني انا ابي جامعة القاهرة وهي عريقة والدراسة فيها افضل واصعب


يقولي والله اكتفينا ؟؟ هذا والله هو شغل الدكاكين من قبل هالوزارة ومكتبها

وبعدين الموضوع لم يذكر احد فيه سوالف الاستثناءات او سلبيات الجامعات وما يحدث فيها


فقط نبي اعادة فتح الدراسة

مو بكيفك تمنعني من الدراسة


ومو بكيفك تقيدني بجامعة انت تبيها


وما اسمج لك تطعن في نيّة اي شخص حاب يدرس وتقول في ناس تبي ترتز !!

كلامك اسمح لي سطحي ولا ينم عن تفكير انسان فعلا مو حاب للغير انه يتعلم ويرتقي بمستواه لانه اهو درس وما يبي احد اعلى منه !

ولا كيف تقول اللي سبتة اقل من متوسطة المفروض ما يدرس ؟؟

يعني خلاص اللي نسبهم متدنية مايدرسون ؟؟


عندك كلام روح اشتك على هالجامعات اللي تقول عنها حق المكتب الثقافي وهناك يتصرف المكتب الثقافي مع الجامعة


​

 

[ابو هاجوس]

لا للثوره تراها قزرت بس كان في ثوره وحده واحجزوها الربع ​

 

[rightword]

اختيار غير موفق ياموضى الحمود
لاتمتلك الشجاعه
بأصدار اى قرار
خووووفااا
من الاستجوااااب
كل قراراتها تعسفيه
او ربما انها
تسير على منهج
نوريه الصبيح


​

 

[بلد العجائب]

ياجماعه التعليم العالي مو قادر يتعامل مع المراجعين اللي عنده شلون تبونه يصدر قرارت ناجحه

اسوأ معامله شفتها مع المراجعين هي وزارة التعليم العالي

 

[nameIess]

اختيار غير موفق ياموضى الحمود
لاتمتلك الشجاعه
بأصدار اى قرار
خووووفااا
من الاستجوااااب
كل قراراتها تعسفيه
او ربما انها
تسير على منهج
نوريه الصبيح


​

مو في كل المواضيع... اتوقع تصعيب او منع الدراسه في الخارج خصوصا للراغبين في دراسه مؤهلات عاليه وفي جامعات عريقه ومعترف فيها هو امر مقصود. أقول هذا الكلام بعد استماعي إلى مقابلة الدكتوره في برنامج تو الليل قبل فتره واللي قالت فيه بما معناه ان مايصير كل الناس تاخذ شهادات عاليه لازم يكون في طبقات!!

طبعا هالكلام يتناسق مع خطه التنمية وتحول الكويت إلى مركز اقتصادي.. لازم في طبقه عامله وطبقه متوسطه وطبقه راقيه او غنيه... وهذي مفيده حق سوق العمل والبنوك والضرايب وغيره. إي صج... الوطن يابت سالفة الطبقات امس واهي اتكلم عن نعي واحد من الشخصيات اللي توفو اول امس (انه كان يجالس جميع الطبقات!!)!!

 

[هامل الطرف]

هي ان شاء الله رايحه مع اللي رايحييييين اللي اساؤوا للبلد

لكن الكلام حق الوزراء اللي جايين وزير التربيه القاااااااااااااااادم كن على قدر المسؤوليه او لا تقبل

ان تكوووووووووووووون مطيه

الشعب يريد العداله في كل شيء حتى الدراسه في الخارج من حق كل الكويتيين

اما مسألة انها تفصل لصالح ناس لاااااااااااااااااااا وألف لاااااااااااااااااااا

لن نقبل بذلك

 

[rightword]

مو في كل المواضيع... اتوقع تصعيب او منع الدراسه في الخارج خصوصا للراغبين في دراسه مؤهلات عاليه وفي جامعات عريقه ومعترف فيها هو امر مقصود. أقول هذا الكلام بعد استماعي إلى مقابلة الدكتوره في برنامج تو الليل قبل فتره واللي قالت فيه بما معناه ان مايصير كل الناس تاخذ شهادات عاليه لازم يكون في طبقات!!

طبعا هالكلام يتناسق مع خطه التنمية وتحول الكويت إلى مركز اقتصادي.. لازم في طبقه عامله وطبقه متوسطه وطبقه راقيه او غنيه... وهذي مفيده حق سوق العمل والبنوك والضرايب وغيره. إي صج... الوطن يابت سالفة الطبقات امس واهي اتكلم عن نعي واحد من الشخصيات اللي توفو اول امس (انه كان يجالس جميع الطبقات!!)!!

انت مصدق حجيهم لاطلعو بالتلفزيون
يقولون مالا يفعلوون
ماتدرى شالطبخه
الوزاره كلها
بيد
منى اللوغانى
اظن كل وزير لابقى يطلع بالاعلام
يسهر ليلتها مع الوكيل ويسوى اجتماع
وازيدك من الشعر بيت
يطلب من المذيع قراءه الاسئله
عشان مايتوهق



انا مشكلتى ابى ادرس الماستر
بالكويت
ذبحتنا سالفه
الرحيل
والغربه

​

 

[دسمان]

ههههه... تصدق عاد.. وديتله قبول من جامعه ادنبره... ثالث افضل جامعه في بريطانيا وثاني افضل جامعه في الهندسه (بدرس دكتوراه)... تدري شرد علي؟ آآآآآخ... خلني ساكت بس قلبي قام يعورني...

الله لا يوفقهم. مستقبلنا قاعدين يلعبون فيه. إلا على فكره... الدكتوره موضي الحمود.. الدكتور خالد السعد... الدكتوره اسيل العوضي... الدكتوره سلوى الجسار... شلون صارو دكاتره؟ مو على حساب الدوله؟ شفيهم مايبون احد يروح يدرس ويصير دكتور؟ ولا خايفين نشيلهم وناخذ مناصبهم عقب ما نشيل شهاداتنا؟!

عاد اهو نفسه قالي شوف جامعة زينة مثل ادنبره ولفبرا ومن هالجامعات اللي ما تقبل دبلوم التكنولوجيا ولا حتى ثانوية المقررات!
تكفى قولي شنو قالك
انا عالعموم دعيت عليه ووصيت واحد من ربعي بالعمره يدعي عليه ودعيت على رولا العمر اللي كانت السبب الرئيسي في قطع رزقي
وان الله يمهل ولا يهمل

 

[nameIess]

عاد اهو نفسه قالي شوف جامعة زينة مثل ادنبره ولفبرا ومن هالجامعات اللي ما تقبل دبلوم التكنولوجيا ولا حتى ثانوية المقررات!
تكفى قولي شنو قالك
انا عالعموم دعيت عليه ووصيت واحد من ربعي بالعمره يدعي عليه ودعيت على رولا العمر اللي كانت السبب الرئيسي في قطع رزقي
وان الله يمهل ولا يهمل

ويييه شقول وإلا شقول... بس اختصرلك اللي صار، عقب ما اشتكيت عليهم انهم معطليني ومو مخليني اروح ادرس، قامت موضفه وزورت محضر اجتماع واكتبت فيه ان الدكتور خالد السعد والوكيل راشد النويهض واللجنه كلها ارفضت طلبي!! نكته. ويوم رحت حق سكرتيرة هالموضفه قلت لها شلون تسون مثل هالكلام قالتلي المحضر يتوقع من خالد السعد راجعه اهو وهالموضفه ماعندها اي كلام تقوله!!!!

بطيخ.

عاد بصراحه من شهر ما رحت وشفت شصار.. مايندرا وقع عليه ولا لأ. بس اللي قالولي اياه الموضفات انهم يبون يخلون محضر الاجتماع هذا مرجع حق كل الطلبة اللي يخلصون ماجستير اوفست ويبون يكملون دكتوراه عشان يمنعونهم ومايخلونهم يدرسون دكتوراه!!!

الله ينتقملي منهم. الحمدلله.

 

[دسمان]

ويييه شقول وإلا شقول... بس اختصرلك اللي صار، عقب ما اشتكيت عليهم انهم معطليني ومو مخليني اروح ادرس، قامت موضفه وزورت محضر اجتماع واكتبت فيه ان الدكتور خالد السعد والوكيل راشد النويهض واللجنه كلها ارفضت طلبي!! نكته. ويوم رحت حق سكرتيرة هالموضفه قلت لها شلون تسون مثل هالكلام قالتلي المحضر يتوقع من خالد السعد راجعه اهو وهالموضفه ماعندها اي كلام تقوله!!!!

بطيخ.

عاد بصراحه من شهر ما رحت وشفت شصار.. مايندرا وقع عليه ولا لأ. بس اللي قالولي اياه الموضفات انهم يبون يخلون محضر الاجتماع هذا مرجع حق كل الطلبة اللي يخلصون ماجستير اوفست ويبون يكملون دكتوراه عشان يمنعونهم ومايخلونهم يدرسون دكتوراه!!!

الله ينتقملي منهم. الحمدلله.

حسد اعوذ بالله ماينفع وياهم الا العين الحمرا (القضاء العادل)

 

[شـاعري]

ويييه شقول وإلا شقول... بس اختصرلك اللي صار، عقب ما اشتكيت عليهم انهم معطليني ومو مخليني اروح ادرس، قامت موضفه وزورت محضر اجتماع واكتبت فيه ان الدكتور خالد السعد والوكيل راشد النويهض واللجنه كلها ارفضت طلبي!! نكته. ويوم رحت حق سكرتيرة هالموضفه قلت لها شلون تسون مثل هالكلام قالتلي المحضر يتوقع من خالد السعد راجعه اهو وهالموضفه ماعندها اي كلام تقوله!!!!

بطيخ.

عاد بصراحه من شهر ما رحت وشفت شصار.. مايندرا وقع عليه ولا لأ. بس اللي قالولي اياه الموضفات انهم يبون يخلون محضر الاجتماع هذا مرجع حق كل الطلبة اللي يخلصون ماجستير اوفست ويبون يكملون دكتوراه عشان يمنعونهم ومايخلونهم يدرسون دكتوراه!!!

الله ينتقملي منهم. الحمدلله.

والله اني ادعي لك وفعلا اقول الله لا يوفقهم في اللي سووه فيك


اذا قدرت تثبت عليهم بمستند رسمي لا تخليهم تكفى​

 

[nameIess]

والله اني ادعي لك وفعلا اقول الله لا يوفقهم في اللي سووه فيك


اذا قدرت تثبت عليهم بمستند رسمي لا تخليهم تكفى​

الموضفه ضبطت شغلها عدل عشان تتأكد اني ما اقدر اقاضيهم ولا اخذحقي... ربك لي بغى يفضح احد.. كنت عند مديرة الشؤون القانونية يوم دقت عليها الاخت واستفسرت منها اذاكان ممكن ارفع عليهم قضيه.. وكان رد مديرة الشؤون القانونية ان ما راح تفيدني القضيه شي لان دفاع التعليم العالي راح يقول ان الرفض تم بناء على قرار لجنه واهي قرارات فنيه خارج نطاق صلاحيات المحكمه!!!

 

[bujassim]

بيييييييييييييه شعقبه خلاص كبرنا ومادرسنا ووقفوا كل شي

 

[شـاعري]

ترى كل الجامعات الحكوميه بمصر والاردن وبريطانيا وامريكا .. مسموح فيها

وجامعات كثيره بعد خاصه بنفس الدول مسموح فيها ..


طب وتخيير .. روح هناك واقعد والتزم وشد حيلك وان شاء الله بتخرج ..

اوكي كلامك عدل

بس انا فرضا ابي جامعة القاهرة ليش يودوني حلوان ؟؟؟؟؟

مو بكيفهم يحددون لي جامعة ووين اروح يا اخي خلني ادرس وين منا ابي شو اللي يمنع !!

وليش خمسين مقعد لكل جامعة !!​

 

[السعود]

حسبي الله على كل ظالم ......