أذكروا المواقف الأيجابيه والسلبيه اللي تحصل لكم

[CR7]

الكثير من المواقف الأيجابيه تحصل لنا مرات ومرات ومرات ومثلها سلبيه .... بعضها غريب وعجيب وبعضها مضحك
وآخر مبكي ومحزن 

وفي هذه الصفحه نريد رصد هذه المواقف للأتعاظ والنصح ولامانع للضحك والتسليه مرات


واول هالمواقف وللامانه خطر علي بالي هالموضوع لما شفت احد الشباب الخليجي في مجمع360 حاط جوازه بالمخبى اللي فوق ومطلع نصه 

 

[نهار]

ودى انصح العالم اللى يحذفون بطول من السيارات وهم على الخط !!

جانى بطل بيره يمشى 200 من جنب راسى وانا بالممشى قبل يومين بس الله ستر !!

 

[جمـوح الخيل]

موقف إيجابي.. كنت قبل سنتين في الحج مع الوالده وأخوي وأختي الكبيره المهم
رحنا لرمي الجمرات المهم الوالده تعبت وما قدرت تكمل للرمي قال أخوي أجلس أنتي وأختي الكبيره هنا لحد مانرمي
ونرجع لكم المهم بعد ما رحت أنا وأخوي ورمينا ردينا مالقينهم بمكانهم
اتصلت على أختي وقالت ردينا المخيم..
رجعت أنا وأخوي للمخيم ودخلت وما لقيت لاأمي ولاأختي طبعاً الساعه 12 بالليل المهم واتصل عليهم قالت أختي حنا ضيعنا المخيم
حاولت أوصف لها بس ماقدرت يدلونه...
كان أخوي بمخيم الرجال وسأل عنهن وكذبت عليه وقلت ايه موجودات ونايمات..
قال خلاص بروح أنام لانه المسكين تعبان له يومين ما ينام...

خليت أخوي ياما دخل مخيم الرجال وألبس عباتي وقلت لأختي أوصفي لي مكانكن
اللي أنتن جالسات بوه تقول عندنا عسكري على دباب وحولنا مخيمات
قلت ماجبت شي جديد كل مكه عسكر قول لي لوحة شي مميز علشان أجيكن عندوه
المهم ماقدرت توصف لي عدل قلت عطني العسكري اللي عندك خذيت منه الوصف وجيت
ورجعتهم للمخيم الساعه3الفجر طبعاً أخوي ما قلت له السالفه الا بعد مارجعنا من الحج
علشان ما يخرب حجنا بالخناق

أما موقف سلبي: كثيره وأكثرها بالمستشفى وتنتهي بهروبي لسيارة أخوي
والتوقيع عن خروجي على مسئوليتي

 

[قصيمية]

موقف سلبي الله يغفر لي ويتوب علي:باكي:

اذكر مرة كنا بالميقات نبي نعتمررر انا رحت تسننت بالمسجد وقعدت شووي
جت لي وحده خليجية تسئلن عن فتوى
عاد انا كنت مراهقة يعني مبعد عقلت زي اللحين
واجي اعطيه فتوى خنفشاريه وانا والله مدري وش احس به.بس قلت عيب ارده لازم افيده بمعلوماتي
وهي صدقت:باكي:اصلن هي غلطانة وشوله جايه تسئلن

..
ورحت وانا مستانسة لاهلي ابشرهم اني صرت مفتيه
كلهم تطنزوا علي
الا ابوي جازت له الفتوى حقتي وصار يستفتين في كثير من الامور

استفدت من هالموقف اني ما اتكلم بشي ماعرفه والا سوف يؤنبني ضميري

​

 

[مصطفى السيابي]

ودى انصح العالم اللى يحذفون بطول من السيارات وهم على الخط !!

جانى بطل بيره يمشى 200 من جنب راسى وانا بالممشى قبل يومين بس الله ستر !!

واحد كثير الادب رسلي رسالة خاصة يقول فيها






-- وتعليقي له والنعم باهل الكويت بصراحة والنعم

 

[جواهر*]

الموقف السلبي ماحصلي بس اشوفه باستمرار

بالشارع يم المدارس الجمعيات وغيره

السيارة بدل ماتصفط يم الرصيف تصفط فوقه؟؟؟!!!

شسالفة مافي مواقف شنو هذا التصرف الرصيف مكسر بسبت هذي النوعية من الناس اللي مايهمها شيء

الله يهديهم بس​