نظرة الكويتي للسعودي

[لبدة حائل]

الان برنامج على سكوب

مظاهرات البدون

الاتصالات اغلبها فيها نفس استعلاء على البشر وعنصرية لا يقرها الاسلام

واللي قاهرني اغلب الاتصالات تردد نفس المقولة حطوهم في باصات ويروحون للسعودية والعراق

ووحدة وقحة قالت الكويت يكفي انها شايلة ( الهندي والسعودي والبنقالي ) وعايشين احسن مننا





مادري انا مصدوم


هل هذه نظرة الكويتيين للسعوديين ؟ انهم حالهم حال الهنود والبنقال ؟

 

[مـساعـد]

من صجك أنت ؟؟ السعوديين أهلنا و عيال عمنا و سكوب ما خلت لا كويتي و لا سعودي !!

قناة سكوب في بدايتها مسلسلات منحطة و الحين صارت قناة سياسية ؟؟
​

 

[سمو الروح]

اذا الكويت اليد اليمنى للخليج فالسعوديه العضود

و اذا الكويت عيون السعوديه الجفون اللي حنا تحتها​

 

[ام عزوز]

هذا رد نا عليها

متصله تسب وتقول ما يصير يتكلم بديرتنا البنغالي السعودي المصري

طيب يا قناة سكوب السعودي شنو سوى

المصريين احتجوا والبنغاليه سووا مشكلة من سنين

السعوديين تحشرونهم بين هؤلاء شكوا

صج قناة فتنه ومتصلينهم مثلهم

 

[ألب آرسلان]

عندي انا

اصغر مواطن سعودي مواطئ قداميه أكرم واجل من سكوب ومن فيها برمتهم

وهذا مقياسهم عندي انا

ولا تصدق من مجاري الإعلام الكويتي ماتسمعه
لان سوابقها بالتلفيق عامره​

 

[كـويتي]

لاتعطي الموضوع أكبر من حجمه ​

وحده من المتصلات جمعت بين البدون والسعودي​

ونحن لانقبل الاهانه على أي شخص كان بدون أو سعودي​

 

[وطني الكويت لاعدمناك]

السعوديه اهلنا وناسنا ولاننسى مواقفهم

خل القرعى ترعى مسكينه سكوب ومسكين اللي يعبر فيها قناه تافهه وطاقمها احسه تافه

مرات احس يستاجرون ناس عشان يعبرون

 

[hartkuwait]

اطمإني يا اخت لبده والسعوديه لها فضل بعد الله في عودة الحكم والشرعيه الكويتيه والعين ما تعلا علي الحاجب

 

[اليامى]

افا يا لبدة حايل

المملكة فى قلوبنا

ولا تاخذ بكلام مجنون او سفية

ارتفع وانا واخوك من كل سفية

واعلم ان الكويت والسعودية

ليسوا اشقاء

وانما قلب فى جسد رجل

 

[joharq8]

والله قناة فتنة ومسخ لعنة الله عليها وعلى أشباهها ومن ساندها

أنا لي شرهة بس على أهل الخير والصلاح معقولة محتفظين ب هالقناة عندهم

لأن مجرد متابعتنا للنتنة هذي مكسب لهم هذا اللي يبونه إثارة مواضيعهم من خلالنا

والله ياليت أتعشم خير بالطيبين مسح هالقناة وأخبارها ومواضيعها

 

[محمود المليجي]

سكووب قناة الشر وارجع الى المواضيع التي تتعلق في هذه القناة الفاسده وانت تعرف ان الشعب الكويتي بريء منها ومن فسادها ...

 

[الامل]

لا دخلون السعودية في الموضوع العبو غيرها

 

[اليامى]

يلا انبسط يا لبدة حائل

الشباب كلهم فزعوا معك

 

[ابو هاجوس]

لولا الله ثم السعوديه لما تحررنا من الغزو الصدامي ,/
الكويت = السعوديه ​

 

[ســـ ــ ـند]

انا راح أعلق على عنوان الموضوع فقط أما ما يخص سكوب :إستنكار: فلا يعنيني

نظرة الكويتي إلى السعودي فهي نظرة الاخ لأخوه نظرة أحترام ومودة :قلب:

إحترامي وتقديري لشعب السعودي الشقيق العزيز على قلوبنا


تحياتي :وردة:

 

[.. عصآمية *]

شخصياً

نظرتنا للسعوديه

عيااالها رجااجيييل قووول و فعل

و بنااااتهااا حريييم و نعم التربيه و الحشمه

اما سكوووب طاف اصلاً احنا اهل الديره ما سلمنا منهاا و القضايا وااجد ع سكووب

 

[انت فاهمني]

لبدة حائل ... تحية طيبة
بأختصار شديد..........
القافلة تسير والكلاب تنبح

الان برنامج على سكوب

مظاهرات البدون

الاتصالات اغلبها فيها نفس استعلاء على البشر وعنصرية لا يقرها الاسلام

واللي قاهرني اغلب الاتصالات تردد نفس المقولة حطوهم في باصات ويروحون للسعودية والعراق

ووحدة وقحة قالت الكويت يكفي انها شايلة ( الهندي والسعودي والبنقالي ) وعايشين احسن مننا





مادري انا مصدوم


هل هذه نظرة الكويتيين للسعوديين ؟ انهم حالهم حال الهنود والبنقال ؟

 

[ايزيس]

مثل نظره السعودي للكويتي

 

[عتيبي خواله مطير]

يكرمون اخوانا السعوديين عن قناة الفتنه والبياسره
لا قيم ولا مبادي ولا فيهم غيره
والسعوديين اهل كرم وهل نخوة وعزة نفس
​

 

[مـطيري حـر]

سكوب قناة فتنه
واصغر طفل سعودي
نعاله تسوى سكوب واصحاب سكوب
ماتفرقنا هالقناة الفاسده