في واحد معانا بالمنتدى يعرف الصين عدل وانا ضايفه كصديق
راسله خاص وهو يعلمك الطرق
وعندك منتدى المؤشر نت هم زين
الي اعرفه كتسوق وسياحه يمدحون كوانزو افضل منها يقولون
مثل ما بينت لك بالرسائل الخاصه انه لم يسبق زياردة شنغهاي..لكن كمعلومات متوفره عنه
وجبت لك المفيد..
شنغهاي هي عاصمة الصين التجاريه
وهي الخيار الاول للأوربيين
اهم المعالم فيها( برج الؤلؤة) التفزيون..ثالث اعلى برج في العالم والأعلى في اسيا
مدام رحلتك 4 ايام فقط
انت اللى يهمك هو شارع شارع نانجينغ (Nanjing) الشارع الاول بالصين المشهور
فيه المجمعات والمحلات والاسواق والطاعم طوله تقريبا 5 كيلوا( زيارته في المساء) لها طابع خاص
والاماكن السياحه
نهر هوانغبو -حديقة يويوان - متحف شنغهاي
واذا ودك تطيعني
اركب القطار.. ساعتين وانت في مدينه ايوو
وروح لسوق الفوتيان.. حرام تطوف هالفرصه\ يوم واحد فقط ما يأثر
واستمتع بالسوق واشتر الهديا الرخيصه من هناك
واذا ما يمديك بسبب عملك شارع نانجينغ يكفي
الحمدالله على السلامه وين الغيبه ان شالله المانع خير:
لي فتره ماشوف لك مشاركات :
اذا تبي تجاره موفق روح للصين : واذا تبي سياحه حياك بروح روسي بالصيف على شهر 7
اذا الله يسر:
اخوي الازرق..علشان ما اعقد لك الامور وتكون سهله وبسيطه
كل شغلك بيكون مع الرسبشن.
اي شي تبيه قولهم بالانجليزي طبعاً وهم يكتبونه علي ورقه بالصيني
يعني تبي سوق معين قولهم ابي سوق الساعات ...وهكذا
حتي القطار..
اعتقد..ولست جازماً
بان محطه القطار بشنغهاي اللوحات الارشاديه بالانجليزي عكس كوانزوا كلها صيني
وكذلك موزعين التذاكر.. يتكلمون الانجليزيه..لانها شنغهاي منطقه الاوربين
مدام سفرتك بشهر اربعه يمديني ان شاء الله قابلة صاحبي او اتصلت فيها
لانه خبره بشتغهاي
اذا المدام تلبس نقاب..الله يعينك
واحد يسولف لي يقول كل ما ادش انا وزوجتي محل ( الجهال الصينيين يبكون)
لانها سترها الله دنيا واخره منقبه
لا تستغرب نظرتهم لك بشكل يشكك في نفسك
ابتسم دائماً في وجوههم
الصيني اهم شيء لديه
1- العمل
2- الاكل
اخذت كروت الفندق واحد معاك وواحد مع المدام.. علشان لاتضيعون
ومنه تعطونه التكسي اذا بغيتو تردون للفندق( او لا سمح الله ضيعتو بعض)
اخذ معاك من الكويت عملته ( رممبي- يوان) تقريبا 1000 رممبي
اخر مره صرفت كان 100 رممبي = 4.200
وباق يالعمله اخذها دولار..
وحين تصرف دولارات من الصرافين بالصين.. ضعها علي جهاز كشف النقود المزوره
وحاول قد ما تقدر ما تستخدم الصرف الالي هناك.لانه مرات يعطي فلوس مزوره
التكسي..
خل معاك( خرده) ولا تعطيه مبلغ كبير علشان ما يرد لك فلوس مزوره
يفضل انك ما تاخذ ملابس كثيره وانت مسافر وقد ما تقدر خفف الوزن
علشان بالرده تحط الهدايا والمشتروات بدون ما يحسب عليك وزن زايد
واذا خربتها وشريت كميات كبيره اشحنها علي الخطوط التايلنديه جوي
خلال ثلاث ايام تقريبا توصل للكويت والكيلوا 1.250
ملاحظه مهمه:-
قبل لا تسافر اطبع عنوان الفندق بالصيني علشان تعطيه التكسي من المطار للفندق
المعلومات كثيره.. بس ناسيهم لنا عوده اذا تذكرت شيء
اهنيك علي اختيار الفندق.. قريت عنه بالانترنت يمدحونه النزلاء اللى تزلوا فيه
والغالبيه تعطيه 10/10
5 نجوم وقريب من حديقه الحيوان وبعيد شويتين عن الازعاج.
هذا رقم اسحاق الصيني بالكويت99629726..اخذ منه كتب عن الاسلام باللغه الصينيه
ووزرعها علي الصينيين.. سفره ووناسه+( اجر وثواب ان شاء الله)
واذا ودك بعد مر الجمعيه فيه تمر يبيعونه كل 4 حبات بكيس
هم وزع عليه وانقل صور طيبه عن دينك وبلدك.. شكلك بتقول انا رايح سياحه ولا رايح اوكل الصينيين
سؤال..تقدر تقعد لما ينتهي شغلك هناك.؟؟