سؤال وجواب من وين اشتري بنك تركي بالكيلو

[مدريدي_ليفربولي]

السؤال واضح
من وين اشتري بنك تركي بالكيلو
والبنك التركي اهو اكبر نوع من انواع البنك

 

[شارلوك هولمز]

السؤال واضح
من وين اشتري بنك تركي بالكيلو
والبنك التركي اهو اكبر نوع من انواع البنك

البنك = البنق ( طبعا القارئ العادي يفسرها مصرف للأموال )

البنق = البنك ( طبعا القارئ يفسرها انه البنق الذي يأكل )

فكتابة الكلمات بأحرفها الصحيحه وليست بما ننطقها

رحمه للغة العربية
​

 

[ركازي]

بياعة ام حسون

 

[Chartist]

بالمباركيه سوق الخضره عند محل. ( محمد علي سخي نخي بنك )

انت روح اهناك واسأل عن اسم المحل  

 

[سيف الديرة]

و الله حاس فيك

هالايام تشتري جيس البنك التركي بدينار و تلقا فيه بس 20 حبة إذا مو أقل بعد

يعني الحبة الوحدة بـ 50 فلس و الله انتهازية

يقال إن فيه مافية بنك

أول الخيشة بدينار و تطلع منها عشرة

الحين الخيشة بخمسة و طلع منها فوق الستين

بس السؤال وين تحصله بالجملة ؟

هموم هواة البنك أو البنق

 

[de novo]

يقولون شغله البنك تكد خير
سمعت ان دوار رميثيه يأجرونه من موضفين البلديه بالسر " من تحت لي تحت " ب 600 دينار
بالشهر

وهم سمعت ان اللي يبيع البنك يطلع حروه الالف شهريا صافي ارباح

منو يدبرني بدوار وله نص الربح

 

[مدريدي_ليفربولي]

شكرا لجميع اللي ردوا
ولا تفهموني غلط انا مو بياع بالدوار
انا مستهلك

 

[سيف الديرة]

لا تحاتي كلنا مستهلكين

و نعاني من غلاء البنك

بالنسبة لدوار رميثية فأظن إن أشهر اثنين يبيعون بنك هم اللي قاعدين فيه

واحد اسمه كربونش و الثاني دامبي

عطنا خبر يالمدريدي إن حصلت أحد يبيع جملة أو بالكيلو

 

[إنكشاري]

على دربكم بغيت الاسم العلمي للبنق والترمس

 

[de novo]

انكشاري حصلت لك الاسامي العلميه وانا اخوك

بنك اسمه hit below the teath
اما الترمس يقولون له hit around the teath
اضبط

 

[إنكشاري]

انكشاري حصلت لك الاسامي العلميه وانا اخوك

بنك اسمه hit below the teath
اما الترمس يقولون له hit around the teath
اضبط

يسجل لك سبق علمي

 

[World on Wheelz]

انكشاري حصلت لك الاسامي العلميه وانا اخوك

بنك اسمه hit below the teath
اما الترمس يقولون له hit around the teath
اضبط

teath هذى غير عن teeth ??

 

[Mr_recycling]

السلام عليكم اخواني انا اخالفكم الرآي بأنه البنك اوبنق صحيح الاسم العلمي الصحيح هو نوت

وباللغه الانجليزيه العلميه تسمى
Soap nuts الاسم الصحيح


وشكرا لكم واسف على التصحيح

 

[شوبيز]

اي والله يريت تدلونا على بياعين الجملة

بلغاري بدينار تطقطق فيه عشر دقايق مخلص قاصين علينا بجم حبه

 

[fars]

السلام عليكم

اي والله يريت تدلونا على بياعين الجملة

بلغاري بدينار تطقطق فيه عشر دقايق مخلص قاصين علينا بجم حبه

اعرف بياع جمله واسعاره رخيصه بس يبع البنك التركي يوصلها لي البيت