والله ومليون نعم ياالازيمع وقفت وقفات الرجال والكرامه من اجل الحق وذكرتني قول الشاعر القدير سحلي العواي
انا خوين لحبس حبوس ==== ماني خوين لكرجيه
ماطمن الراس بين الروؤس === تزعل علي المطيريه
على ذكرك لبيوت الشاعر هذه قصته للأستفاده
هذه قصه الشاعر المعروف المرحوم سحلي العواي البرازي من مطير وقصة كرجيه هي : كان(( سحلي)) من عسكر (عبد الرحمن السديري) امير الجوف وامر على سحلي ان يلتحق بالمفرزه في مركز( الطيري) في الشمال وامر المركز آن ذاك اسمه (عثمان)..
كان الآمر يقدم لامرأه محتاجه اسمها كرجيه تجاور المركز وكان الآمر مسوي مناوبه على العسكر كل يوم واحد يوصل العشاء لكرجيه ومريحه الاخت كرجيه على هالسالفه عشاها واصلها من الافراد وفي يوم من الايام وصل دور(( سحلي)) ليوصل العشاء فتفاجئ سحلي من طلب الآمر فرفض خدمتها .ثم طرده عثمان من المفرزه . وركب على ذلوله عائدا الى السديري وقال مسندا على الذلول::
هجّي ترى خاطري ملموس
يـابــكــرتــي يـالـحـويـطـيــه..
تنـحّـري كـاســب الـنّـامـوس
معـطـي البـواريـد خرجـيّـه..
انـا خويـن لحـبـس حـبـوس
مـانــي خــويــن لـكـرجـيـه..
انـــا ألـيــا دقّـبــي هـاجــوس
مانـي ولـد عــن وعطـيّـه..
ماطمّن راسي حدر الروس
تـزعــل عـلــى المـطـيـريـه..