سؤال وجواب احسن خام دشاديش صيفى ...؟!!

[حـــــر وافـــــى]

مساكم الله بالخير ...

للذويقه بغيت اسال عن افضل وانسب خام صيفى للدشاديش ؟؟!!

اللى عنده علم لايخلينا ..!!



















.

 

[بن ذى يزن]

شكيبو بس دور على محل يبيع الزين منه اغلبه مضروب

وتيوبو بعد زين

 

[لا تعليق]

شوف اخوي عندك بن نخي بالصالحية له فرع في جمعية عبدالله السالم بس الفرع مضروب يعني بضاعته اللي هناك اي كلام يتداول مع السوق فقط

اما عندك اللي بالصالحية اهو يتميز بالشتوي بغض النظر عن اسعاره المبالغ فيه شوي

بس عندك خامات له بالصيفي حلوه وسعرها ملائم شوي بس افضل بوايد من اللي بره

هذي بالنسبة للمناسبات لانه حتى خامات الصيفية مميزه

وعندك بالنسبة لاستعمال اليومي محلين واخذ ياباني ( ابو الحسن - و- كاكولي الغابه الخضرا ) بالبلوكات
اخذ من هذول خامات للاستعمال اليومي اخذ اكسجين قديمه بس تصب على الجسم ما تعفس ولا تكهرب من كاكولي
واخذ الياباني حسب درجات الثقل تبيها طايحه ولا لاء حسب رغبتك هذي المحلات الافضل بالنسبه للصيفي

 

[صوتي]

الياباني بكل شي كد ومد​

 

[احمد بن عباد]

اذا حاب خامات راكزه ورسميه عندك الخامات الاسبانيه بالبلوكات اشكال وارناق واذا كد يومى خامات يابانيه حلوه واسعارهها مناسبه​

 

[محمود المليجي]

سوبر 137 ـ ياباني نسبة القطن فيه ثلاثين بالمئه

 

[جبلي وافتخر]

عليك في الصيني وخاصه في جليب الشيوخ ياخذ قيساتك ويقولك خذ فرة علي السوق
وتعال خذ دشاديشك ههههههههههههه

 

[بو حمد]

اخوي انا مجرب كل انواع الاقمشة من الياباني الي الاسباني و الالماني.

صدقني مافي على النشيمبو Nishimbo اللي عند ابو الحسن و السعر يختلف من بطانه وحده ولا بطانتين لكنه رخيص و علمي و ما يتعفس بسرعه ولا يلقط شعر او يكهرب.

اخوانا البدو يسمونه بوخوخه لانه على الطاقه شعار خوخه.

صدقني احسن خام جرب و ادعي لي.

 

[ليله ويوم]

ياباني وبس


كد ومد وسعره رخيص وكويس


والوان حلوه ولا تعفس ولا كهربا


شتبي بعد ؟ والله عز الياباني ( اتكلم عن الصيفي بس)




​

 

[de novo]

يبا لا تحاتي

الصيفي اختار وانت مغمض

غمض عينك والمس الخامه بيدك واختارها

وفصل والبس وان طلعت مو شي انا بدفعلك سعرها


اما لاجا الشتا وبغيت خام قط فلوسك عدل واكشخ

 

[حـــــر وافـــــى]

ماقصرتوا والله يااخوان ...

كلكم على راسى ... واحترت اى اجابه هى الافضل ....!!

لكن لقيت انى اخذت من كل اجابه فائده ...

لكم احترامـــــــى ...











.

 

[ساهر الليل]

انا اخذت خام ياباني اسمه الملك من كريم اللي بالبلوكات​

حلو ورخيص​

بس دور على اللي يفصل عدل​

 

[محمد الدهشورى]

السلام عليكم
يوجد محل باسم (ديفان)فى مجمع اوتاد بالجهراء موجود عنده خامات يابانية واسبانيه واسعار مناسبه جدا وفيه عندهم خامه باسم ديفان خامه لا تعفس ولا تكهرب ومناسبه جدا للمناسبات
المحل ده صارله سنه مبطل وحقق شهره كبيرة فى الجهراء