ماذا ستكتب في وصيتك ؟

[رُبـّـمــا]

وصيتى بعد الموت سوف اتركها الى والدى واخوتى اوصي فيها 1- دفنى بثرى الكويت
2- واستمرار صدقة جارية
3- بناء مسجد اوبئر
4- الدعاء لى بالمغفرة

عسى الله يرزقج حسن الخاتمة

وانتي بنفسج تسوين كل اللي بتكتبينه بالوصية ..

فرصة دام احنا للحين عايشين يا الغالية ..​

 

[رُبـّـمــا]

انا كاتب وصيتي من 3 سنين ومسيفها على سطح المكتب باللاب​

وكل فتره احدثها على حسب المستجدات :/​

يالله حسن الخاتمه .. شكلي بمووت قبل ما اعرس @_@​

لا تتطير ..​

دير بالك اخوي الطيب قندهار آل قندهاري ..


احسن الظن بالله

بتفرح بعروسك ان شاء الله
وبتسهر معاها
وبتزعل وبتراضيها
وبيسعدونك اعيالك الـ 13




بإذن الله تعالى​

 

[رُبـّـمــا]

عسى الله يطول عمرك بالخير ياقندهاري و يزوجك و تحضر عرس أحفادك بعد

##

بس تنبيهات شوية لكتابة الوصية من الناحية المالية :

أولا : إذا فلوسك يا دوب تكفي ورثتك و هم محتاجينها فهم أولى من غيرهم ، يعني ما يحتاي توصي حق أحد .

ثانيا : إذا عندك مبلغ طيب ، حدك توصي بثلثه فقط ، ما تقدر توصي بكل مالك

و الثلث هذا يكون حق أي شغلة تبيها ( يفضل الصدقات الجارية و الأوقاف طبعا ) بس ما يصير توصي فيه حق واحد من ورثتك .

لا وصية لوارث ، فالوصية لغير الورثة ، و الورثة لهم أنصبتهم المقدرة في الشرع فقط .

ثالثا : إذا مو حاج و عليك ديون و من هالمطلوبات ، فتسديدها أولى ، الدين بيتسدد لأن سالفة بشر بس دين رب البشر لازم تنبه عليه يمكن ورثتك ما يهتمون أو ما يدرون عنك حجيت و لا لأ .

عسى الله يطول أعمارنا بطاعته .

شكراً على هذه المعلومات اخوي الطيب سيف الديرة ..
خصوصاً في موضوع الديون يجب ان يكتب الانسان ماله وما عليه

ارجو ان لا تشغلنا الدنيا عن بيتنا الحقيقي ..​

 

[العفار]

اول وصية كتبتها و انا بالمتوسط ،

عطيتها امي و ابوي

كتبت فيها ان وحده من خواتي تطالبني بـ بطاط و الثانية كتكات ، عطوهم اذا مت

و كتبت انهم يتصدقون بـ كل ثروتي

( امي سألتني شنو الثروة قلت يمكن اموت و باقي مصروفي المدرسة )

و كتبت لهم يبنون لي مسجد و يصومون و يصلون و يحجون و يعتمرون عني

كاتبتها بـ قلم رصاص و حاطتها بـ علبة المجوهرات مالت امي



عشت الجو

،

عموماً اتضح اني للحين ما مت و جزاج الله خير يا ربما ،

ألحين بروح اوصي امي مرة ثانية و اهم شي يحجون عني @@

الله ياني بكلفهم اذا توفيت

ادري ادري مو خسارة فيني

،

اهم شي يتعبدون عني و ياخذون تلفوني و يتسامحون من اللي عندي و يخلون الكل يحللني

،

اي و يسامحوني على كل يوم طفرتهم فيه

احس اني مت ،

،

هههههههههههههههههههههههههههههههههههههههههههههههه

 

[العفار]

ولله للحين ماكتبتها ولافكرت اكتبها مادري احس انها تشاؤم <<يكمن كلامي غلط الله اعلم

 

[ركازي]

وصيتي مكتوبه في ورقه من زمان وحاطها في مكان معين

 

[رُبـّـمــا]

ولله للحين ماكتبتها ولافكرت اكتبها مادري احس انها تشاؤم <<يكمن كلامي غلط الله اعلم

لا ان شاء الله مو تشاؤم ... بقدر ما هو تجهيز حقيبة السفر للرحلة الحقيقية ..

الله يحسن خاتمتك اخوي الطيب مستر شليويح

انا ادري مضيقة خلقكم بهالموضوع



لكن هذه حقائق ولابد من تداولها حتى لا تشغلنا الدنيا وتستولي على كل حيز حياتنا 100%​

 

[رُبـّـمــا]

وصيتي مكتوبه في ورقه من زمان وحاطها في مكان معين

ما شاء الله تبارك الله



ماحاولت تضيف عليها شيء جديد اخوي الطيب ركازي ..


وعسى الله يزقك بحسن خاتمة والفردوس الاعلى اللهم آمين ..​

 

[بالتوحيد تصفو حياتنا]

من ضمن وصيتي كاتبه....ماتثق المرأه بذكر