اشعار الى الزملاء ..

[دكان]

بسم الله الرحمن الرحيم


الى حور^الكويت

غبتي عني عينى شهور
وشفت في عينى غيابج
وافتهمت من الامور
قد دنى حظي في بابج



ودمتم,,,

 

[آصال]

.. السلام عليكم ورحمة الله وبركاته ..

هلا وغلا دكانو عندي لك خوش شعر وتعرفه اعتقد ...

قلب الريـــــــــــــــال نفس (الدكـــــــــــــان) حق كـــــــــــل مـــــــــــــــــره مكااااااااااااااان ...

وميرسي خالص مالص عالشعر يابو الذوق انته .

تحياتي

 

[دكان]

بسم الله الرحمن الرحيم


الى عايشه الشمري ..


اكتبي بعض المعاني واشرحيها
واعلمي ان المنتدى ساحة زماله
وافهمي ذيك المعاني واطرحيها
استيعاب الامر لايعني جهاله ..



ولنا عوده ...


ودمتم,,,

 

[أبو العتاهيه]

دكان قصايدك جزله.. فالك البيرق

 

[نورالكويت]

اشعار حلوة في مقصدها
رقيقة في بساطتها

تدل على قلب قاصدها

 

[دكان]

بسم الله الرحمن الرحيم


الى ابو العتاهيه ..

فالي البيرق ؟ عسى عمرك طويل
راي نحترمه ونجيزه
هات ماعندك تخشه بلا عويل
حسابكم بيزه واهي بيزه


الى نور الكويت ..


قلبج الابيض ترا حده عجبني
جعل ربي يحفظج دوم ونشوفه
في كلامج وصفج الطيب جبرني
اكتب ابيات لكم ماهي حسوفه



ولنا عوده ...



ودمتم,,,

 

[نورالكويت]

كان يا مكان قصه صارت مو في سالف الازمان
وهي ان اختكم نور لقت لها في الشبكة مكان
بعد ما تعرفت على اهل واصحاب مثل اخ دكان
طيبين اهل خير وجود وكرم ...

هذه هدية للاخوان

 

[عايشه الشمرى]

بسم الله الرحمن الرحيم


الى عايشه الشمري ..


اكتبي بعض المعاني واشرحيها
واعلمي ان المنتدى ساحة زماله
وافهمي ذيك المعاني واطرحيها
استيعاب الامر لايعني جهاله ..



ولنا عوده ...


ودمتم,,,

ان كنت اكتب فانا لا اكتب الا الذي اشعر به

والمنتدى ساحه زماله على عينى وعلى راسي لكنى لست بالمحدثه الجديه

والجهاله ليس باستيعاب المعانى الجهاله بان تقول مالا تعمل وان تعمل مالا تقول

شكرا
دكان
واسمحلى اهديك هذى الاغنيه

دكان يا دكان يا مضحك الزعلان
وفرح الاعضاء ومونسهم يا دكان
دكان يا دكان يا بياع الكلام من الفم المليان
من بعد الكاكاو والبيبسي يا دكان
صرت الحين شاعر وتطربنا كمان

تحياتى لك

 

[دكان]

بسم الله الرحمن الرحيم


الى ادرينالين ..


يازميلي ياعسى عمرك طويل
ياعسى عمرك مثل نوح النبي
يرزقك ربي حياة بلا عويل
عيشة حلوه وفيها اللى تبي ..



الي النائب العام ..


مرحبا واهلين يالصاحب هلا بك
كيف حالك مرحبا وشلونك انت
كيف ايامك وانا واقف في بابك
انتظر تفتح تراني ماتعبت


ولنا عوده ..


ودمتم,,,

 

[دكان]

بسم الله الرحمن الرحيم


الى كلي فهد ..


وشتبين وشتبين اكثر يصير
جم سياف تبينه يقطع ارقاب البشر
من كلامج افتكر وضعج خطير
راح ابقى انشدج عسى ماشر



ولنا عوده ...



ودمتم,,,

 

[سيف خالد]

الى دكان

عاجبك هالحال يا دكان ؟
وين صار البلد و وين كان ؟
حتى ال120 اجلوها !
و الشرارة اصبحت نيران !

وسلامتك

 

[دكان]

بسم الله الرحمن الرحيم


الى سيف خالد ..


لاتخاف وشلون ياخالد تخاف وانت سيف ؟
تعتقد خوفك طبيعي والا زيف ؟
البلد عاجبني لازم
واعشقه براحه وكيف
البلد امنا وابونا
البلد نبضي وعرضي
البلد يبقى شريف
لاتخاف وشلون ياخالد تخاف وانت سيف ؟

البلد يعطي ومعطينا الكثير
لكن احنا وش عطينا ؟
احنا دمرنا البلد
احنا نحفر للبلد قبر كبير
ولادرينا .

هذا شيعي وذاك سني
وغيره كافر
واحنا من صبح البلد
كره ومناجر
ليش صاير حالنا كره ولعانه ؟
ليش صرنا ضايعين
بين حانه ومانه

ليش ياخالد تخاف وانت سيف ..

تسال اميه وفوقها عشرين راحت ؟
وتسال الخمسين قروها الجماعه
والا ضاعت ؟
يازميلي المبالغ اتيه
وكل زلزال نذوقه
وعقبه ريح عاتيه
يطلع المبلغ سخيف
والزياده أتيه

ليش ياخالد بتسال ؟
وانت ياخالد نظيف ..


ولنا عوده ...


ودمتم,,,

 

[سيف خالد]

sms:
اسأل لأني مواطن عادي
لاني اخو عضو
ولاني رئيس نادي

 

[aDrenaline]

الى ادرينالين ..


يازميلي ياعسى عمرك طويل
ياعسى عمرك مثل نوح النبي
يرزقك ربي حياة بلا عويل
عيشة حلوه وفيها اللى تبي ..

الى دكان

رجعتك للمنتدى اكبر دليل
ان الكبير يقول هذا ملعبي
واللي باداب الحياة يعرف قليل
هذا دكان يعلمه ويقوله شتبي!

 

[دكان]

بسم الله الرحمن الرحيم



الى طلال ..


تعتقد قرضك يطيح؟
تعتقد منته جريح؟
تنتظر حل يبقى سحري
بطل وخل نستريح


ولنا عوده ,,,,



ودمتم,,,

 

[الموسوي]

بسم الله الرحمن الرحيم


الى الموسوي .


راح تتعب يا عزيزي من كلامك

وراح تتعني ولا تلاقي ردود

طائفيتهم تسائل وشعلامك

وانت تنشد هالمحبه بلا حدود

ولنا عوده ..


ودمتم,,,

فديتك .. !!

خلها على الله يا دكان .. ربك يسهل وتنفرج ..

فديت رموش عيونك .. :وردة:

 

[دكان]

بسم الله الرحمن الرحيم


الى بعض الزملاء ..


استحوا واخجلوا وبسكم عناد
اسلوبكم مفضوح مهما تعملون
الدين واحد واكتفوا وشيلوا العناد
طائفتيكم ترا تعمي العيون ..


طبعا هالابيات لاتختص بطائفه معينه ..


ولنا عوده ...


ودمتم,,,

 

[دكان]

بسم الله الرحمن الرحيم


الى ابو حيدر ..

خل كلامه لايهمك طائفيته
وابعد والعن سبيله
ينشد الفرقه في بيته
وعندنا زايد عويله ..



ولنا عوده ,,



ودمتم,,,

 

[دكان]

بسم الله الرحمن الرحيم


الى بووووك ..


ارجعي واكتبي غصبن عليهم
وخلي روح القلب صلبه كالحديد
ذاك حاقد وذول مالت عليهم
واشتبين من الجهل خليه بعيد
القلم عندج مميز وشعليهم
دام فكرج نور يبقى لي عيد



ولنا عوده ..



ودمتم,,,

 

[دكان]

بسم الله الرحمن الرحيم


الى ديب ثنكر ...


كم مثقف يدعي انه مثقف
وانت روح العلم ياروح العلوم
المثقف ذاك في قربك منتف
وشيفيد اهل العزم غير العزوم



ولنا عوده ,,,,




ودمتم,,,