ذكريات الدراسه في ارض الكنانه و"دعوه لجميع الطلبه" لسرد ذكرياتهم

[أعرابي]

يا اخوان احب اذكرلكم ذكريات الدراسه في المرحله الجامعيه في مصر وسوف اذكرلكم كل مالها وعليها

وبكل صراحه وسأكون سطحي في بعض الامور لكي لايتعرض الموضوع للقطع ....

في البدايه بعد التخرج من الثانويه العامه كانت النسبه 70% لاتأهل لدخول كليه مرموقه في الكويت

هني بديت افكر في الدراسه خارج الكويت كلمت الاهل لقيت دعم واول مالقيت دعم رحت بعدها

ادور زملاء لي ونفس نمونتي لقيت كثره يبون يسافرون للدراسه بس قعدت انقي المهم رسيت على

اثنين من الشباب الي نفس طبعي ونفس حماسي للدراسه بره واخذوا الموافقه من اهاليهم

والشغله الحلوه ان واحد من الربع عند اخوه شقه وعطانياها كانت بالقاهره بمنطقه اسمها الهرم

وبنزلة السمان بالتحديد هالمكان قريب من الاهرامات حيل المهم سجلنى بجامعة المعادي

سنة 2005 ورحنى مبجر اخر شهر عشره كنى متخوفين ومحنى عارفين طبيعة الدراسه شلون

قمنى نحضر الصبح ونسمع ان في كويتين مسجلين بس محد يداوم الا احنى بعدها هونا عن

الذهاب للجامعه وقمنى نكتفي بالدكاتره الخصوصي ويترددون علينا بالاسبوع 3 ايام

المهم بعد ماثبتنى وضعنى بالجامعه وغيره من الامور دخلنى سياره كويتيه لوحاتها جمرك للقاهره

ونوع السياره جيب رانجلر لونها احمر وكانت تسوي شغل هناك

المهم بعد ماوصلت السياره انقلبت حياتنا بمصر " رأساً على عقب" وبدت الصياعه على اصولها

"انا هني اوقف وبكمل لاكن بشوف في تفاعل من الطلبه السابقين ولا لا"

يتبع​

 

[جاسم الكندرى]

اه يامصر انشاء الله ترجع الامور فيها احسن من فبل

 

[سنـين التّيــــهـ..]

استغفر الله"ان بوليتم فاستتروا"

فاتح موضوع عشان صياعتك..

الله يرفع عنك ولا يبلانا..

كل بعقله راضي...





​

 

[بنت المملكة]

المهم بعد ماثبتنى وضعنى بالجامعه وغيره من الامور دخلنى سياره كويتيه لوحاتها جمرك للقاهره​

ونوع السياره جيب رانجلر لونها احمر وكانت تسوي شغل هناك ​

المهم بعد ماوصلت السياره انقلبت حياتنا بمصر " رأساً على عقب" وبدت الصياعه على اصولها​

"انا هني اوقف وبكمل لاكن بشوف في تفاعل من الطلبه السابقين ولا لا"​

يتبع​

عربيه وحمراء

تصدق ذكرتني بالرواية شقة الحرية

 

[جمـوح الخيل]

كل أمتي معافى الا المجاهرون...
يأخي استغفر ربك ربي أنعم عليك بالصحه والمال ومع ذلك تبارز الله في المعاصي..
الله قادر يسلب منك الصحه والعافيه قبل أن يرتد اليك بصرك..
تذكر دقة بدقة وإن زدت لزاد السقا..
وجاي هنا تعرض سواد الوجه:إستنكار:
​

 

[أعرابي]

كل أمتي معافى الا المجاهرون...
يأخي استغفر ربك ربي أنعم عليك بالصحه والمال ومع ذلك تبارز الله في المعاصي..
الله قادر يسلب منك الصحه والعافيه قبل أن يرتد اليك بصرك..
تذكر دقة بدقة وإن زدت لزاد السقا..
وجاي هنا تعرض سواد الوجه:إستنكار:
​

عزيزتي فارقي مواضيعي كل ما اكتب موضوع نطيتيلي تقول "عيوز النار"

الشبكه فيها اشكال والوان وتوجهات واراء وافكار الي مايعجبج منها

لاتقربيله عالعموم اتمنى انج ماتشاركين واكون شاكرلج

​

 

[جمـوح الخيل]

عزيزتي فارقي مواضيعي كل ما اكتب موضوع نطيتيلي تقول "عيوز النار"​

الشبكه فيها اشكال والوان وتوجهات واراء وافكار الي مايعجبج منها ​

لاتقربيله عالعموم اتمنى انج ماتشاركين واكون شاكرلج​

الصراحه مزعجه وأنا صريحه
تزعجك ما تزعجك بآقولها
و لاتدري ما يصح الا الصحيح
خاطب الناس على قد أخلاقها:إستنكار:​

 

[أعرابي]

الصراحه مزعجه وأنا صريحه
تزعجك ما تزعجك بآقولها
و لاتدري ما يصح الا الصحيح
خاطب الناس على قد أخلاقها:إستنكار:​

حقج علي وانا اسف بس خليني اكمل ​

 

[عزيزة النفس]

اخلاقك بالحضيض :إستنكار:

وكل مواضيعك مصيرها يا الغلق او الحذف​

 

[بنت المملكة]

الصراحه مزعجه وأنا صريحه

تزعجك ما تزعجك بآقولها
و لاتدري ما يصح الا الصحيح

خاطب الناس على قد أخلاقها:إستنكار:​

مالك دخل فيه
موأول واحد يصرح تبغين تحاسبين حاسبي الجميع

 

[أحمداني]

الموضوع عن دراستك أو عن سيارتك ؟

 

[عزيزة النفس]

الموضوع عن دراستك أو عن سيارتك ؟

لا عن صياعته
استغفرالله واتوب اليه ​

 

[جمـوح الخيل]

مالك دخل فيه
موأول واحد يصرح تبغين تحاسبين حاسبي الجميع

تدرين السماء تفرق عن الارض:إستنكار:​

 

[بنت المملكة]

تدرين السماء تفرق عن الارض:إستنكار:​

كلاهما آيتين عظيمتين من آيات الله

 

[عزيزة النفس]

يا صغير ما يكبرني لقب احييج على اخلاقج العاليه

النصيحه والتذكير بالعاقبه صار غلط عند هالبشر​

 

[جمـوح الخيل]

يا صغير ما يكبرني لقب احييج على اخلاقج العاليه​

النصيحه والتذكير بالعاقبه صار غلط عند هالبشر​

الله يسلمك:وردة: نريدها من الله..​

 

[أعرابي]

اه يامصر انشاء الله ترجع الامور فيها احسن من فبل

هلا والله بالكنادره اخ جاسم انا خلصت البكالريوس ومازلت اكمل الماستر واروح هناك الامور طيبه

صدقني وراح اكمل الموضوع اليوم باليل واتمنى تشاركني

الف شكر لمرورك​

 

[أعرابي]

مالك دخل فيه
موأول واحد يصرح تبغين تحاسبين حاسبي الجميع

الله عليج ياكايدتهم محد فاهمني كثرج

مشكوره ​

 

[أعرابي]

الموضوع عن دراستك أو عن سيارتك ؟

هههههه عن الاثنين

راح اكمل بعدين اسعدني مرورك

​

 

[أعرابي]

تابع

بعد ماوصلت السياره قمنى نطنش المدرسين الخصوصي وصرنا نفتر بالقاهره من حي لحي

ومن شارع لشارع ومن دار لدار ومن بيت لبيت ومن زنقه لزنقه

رحنى حق مدينة 6 اكتوبر وافترينى فيها كم يوم لما عرفناها ورحنى حق مدينة نصر وايضاً عرفناها

عدل وكذلك مصر الجديده والمعادي والمهندسين لما حفظنى المناطق عن ظهر قلب خلال الشهر الثاني

كانت هذيك الايام الكويتين قليل نادرا مانلقى معارف ويزيدون وقت الاختبارات وبعدها يختفون

المهم الاماكن الي حبيناها وكنا نتردد عليها كانت الحسين وفرايديز المعادي وجراند كافيه الجيزه

وكانت الاجواء قمة الوناسه ماكانت زحمه ولامعارف ولاطلبه الا ماندر وكان هناك "الصيد" افففففففف

شغال وكنا احنى الغروب ثلاثه زقرت وانيقين ونطيح الطير من ....؟ ومازلنى متألقين و"فنانين"

بهالامور وكنا بكل يوم نغوص ونصيد ونعيش كل صيده حياة الحب وهذي عموماً لعبة "الكويته"

والصيدات كانت مو من بلد واحد من الخليج ومن المغرب ومن الي معانا بالجامعه وكانوا الطلبه

المصريين والسعودين يروحون يدرسون الصبح احنى ما نروح الا "للقز" بعد فتره وصل ولد عمي

القاهره جاي سياحه وكان ساكن الماريوت بنفس الليله قال لنا تعالوا اسهروا معاي واحنى طلبه

ومو حاطين حسبة السهر لان السهره مكلفه لاكن قلنا مايضر لونروح ليله المهم لبينا الدعوه ومشينا

رحنى الصالون وكان بشارع السودان قريب من الهواري ومعروف عند الكويتين حلقنى ورحنا السهره

بكامل اناقتنى المعهوده انصدمنى بجو جديد حلو وفيه من كل ما لذ وطاب واشكال والوان ودي جي

ولا اروع والديسكو هذا اسمه "رجينا" وكان بمنطقة الزمالك المهم بدعنا بالسهره وعجبنا الجو

واصبحنا مقيمين فيه اسبوع بعد ماسافر ولد عمي لغاية ماتنتفنه وصفرنا والاهل فهموا الغمنده

اعرفوا ان مصاريفنا زادة قالوا اكيد بدوا يخربطون فمسكوا الحنفيه علينا اهنى بدت عملية شد

الاحزمه قمنا ناكل فول وطعميه الصبح من الشبراوي لا ونروح له مشي وكل يوم على واحد يروح

يجيب الريوق وباليل ناكل من الماجله بطاط وجبن كرافت وخبز بلدي مصري وراها دق علي ولد عمي

ياخذ الاخبار وهو بالمناسبه موظف واكبر مني واموره الماديه طيبه جدا قالي شسويتوا قلت ياخي

ياليتك موجاي طحنى بعدك بالسهر وفلسنى والحين مجرد اكل ودراسه ونوم هني اشتغلت النخوه

فيه ودزلي 500 دينار بس للاسف ما استقليتهم بالسهر والوناسه

لان الاختبارات الاوله لنا قربت طربلنى السياره وصفطناها بالكراج وقمنى ندرس

جت الاختبارات وكنا شادين حيل على نفسنا حضرنا الساعه 9 وكل الي فبالنى ان الامور منظمه

وكل واحد يقعد عند اسمه لقينا ان السالفه لخبطه بلخبطه صحيح ان المبنى الي اختبرنا فيه

جديد غير عن الي كان "بشارع صقر قريش" لاكن كان الوضع فوضوي ومن سبق لبق المهم قعدنا

انا ويا المجرمين الي معاي يم بعض واول ماعطونا الاوراق حليناهم بجهدنا والسؤال الي ماعرفه

اخذه من ربعي المهم صار تبادل معلومات ناجح والمعيد الي كان يجي عندنا يقول

"متستهدي بالله مش لدرجادي" وكانت فيه معيده ايضا مصريه بس ماشالله عليها موكبيره وملكة

جمال كانت لما تمر "اتحرش فيها" الربع يمي يقولولي يا ابن ....؟ لاتعم علينا وتنسحب اوراقنى

المهم كثرت المعيده من جيتها عندنا وقامت "تبوسم" ويوم شافوها الربع تبتسم لي قالوا يخرب

بيتك حتى المعيده ماسلمت منك ...!!!

المهم عدة وبعد الاختبار الاول حرمنى نفتح كتاب ونتعب روحنى دام الامور طيبه والاختبارات سهالات

المهم مشى الوضع لاخر الامتحانات وراها رحت للمعيده وتبادلت معاها الارقام وشكرتها

وقلت لها انا راد الكويت تبين شي قالت " عايزه سلامتك" المهم طمنا عليك لما ترجع قلت

افى عليج الكويتي ماينسى حبايبه وردينا الكويت اخر شهر واحد وكان هذا نهاية الكورس الاول​

"يتبع"