سؤال وجواب سؤال ياجماعه عن قبيلة مطير ؟

[هزاع العنزي]

السلام عليكم
طبعا أول شى ونعم فى قبيلة مطير ونعم فى كل القبائل واهل الكويت


سؤالى ( ليش فى دولة الكويت هذه القبيله لها ثقل خاص لازم فى كل تشكيل حكومه يطلع واحد منهم ماهو السبب ؟


ترى سؤالى ليس للتنقيص من شأن القبيله لالالالالالالالالالالالالا حشا والله وألف نعم فيهم .


شوفوا سؤالى ​

 

[q8xtra]

اهلا بالغالي

طيب يالغالي
ليش ما سألت عن العوازم
في كل تشكيل لازم يكون فيه وزير عازمي !!!!!!!

مع الاحترام لكل القبائل
بدون استثناء​

 

[قبس]

ربما للتاريخ الكبير المشترك (صراعاته و مشاركاته) مابين آل صباح و قبيلة مطير والدليل مصاهرة الأمير الراحل جابر الأحمد لهم. فدماء المطران تسري في عروق كثير من شيوخ العائلة الحاكمة كما يتسم ثقل القبيلة في تعدادها خاصة في الدائرة الرابعة ولهم ثقل لا يستهان به في الدائرة الخامسة.

ملاحظة أنا مو مطيري ولا يجمعني بهم عرق والنعم فيهم وفي الجميع.

 

[ليله ويوم]

السبب الرئيسي


هو كثرة عددهم


وارضاء نوابهم بالمجلس


والشيء نفسه


حاصل مع قبيلة العجمان وقبيلة العوازم


​

 

[شيخ الشيوخ]

السلام عليكم
طبعا أول شى ونعم فى قبيلة مطير ونعم فى كل القبائل واهل الكويت


سؤالى ( ليش فى دولة الكويت هذه القبيله لها ثقل خاص لازم فى كل تشكيل حكومه يطلع واحد منهم ماهو السبب ؟


ترى سؤالى ليس للتنقيص من شأن القبيله لالالالالالالالالالالالالا حشا والله وألف نعم فيهم .


شوفوا سؤالى ​

اخوي الحكومه ودها الوزراء كلهم مطران من غير قصور بالقبايل الباقيه
السبب عشاان تكسب اعضاء مطير في صفها
ومثلك عارف ماحد فاضح الحكومه ووقافلهم عظم بالعلوم الا اعضاء مطير
هم الي شايلين لواء المعارضه عن بكرة ابيهم عشاااان الاصلاح طبعا مو عشان شي ثاني
فهمت الحين ليش تحط منهم اعضاء

 

[وطن حلم]

هذي خطه من الحكومة علشان يسكتون النواب المعارضه
طبعاَ خطه غبيه

والواقع يقول ان نواب مطير هم المعارضه الاساسيه للقبائل وهم اول المعارضين لأداء وسياسة الحكومه المتخبطه
وانا اتمنى ان كل القبائل بالكويت تخرج امثال قبيلة مطير العريقه
لانه صج مشرفه وترفع الرأس
​

 

[ليبرالي متأسلم]

اعتقد مثل ماقالو الاخون بخصوص الحقيبة الوزاريه بان هناك محسوبيات
بمعني انا بكسب اعضاء لصفي احط ولد عمه
ولا اخوه
ولا نسيبة
سبحانك اللهم وبحمدك اشهد ان لاإليه الا انت استغفرك واتوب إليك
​

 

[ولد الـشراطين]

يسـتاهلــون أهــي القبيــله الــوحيده شــوكة ببلعـــوم الحكـــومة

مع أحتــرامي لجميــع القبائل ...

 

[يتيمة جابر]

يا بعد حيي

شوف مخرجات القبيله و تعرف كيف صارت جذي

مع أحتــرامي لجميــع القبائل ... :وردة:

 

[غلا المطيري]

لأنهم شيوخ وأنا أختك


ويستاهلون التوزير وأكثر​

 

[جبلي وافتخر]

اول شي لكثرة عددهم في الكويت وهي القبيله الثانيه بعد العوازم
وحتي العجمان
اما المجلس الي فات كسرت في الرشايدة اول مرة تكسر فيهم
ومع العلم اقرب قبيلتين الي قلب ال صباح العوازم والرشايدة
اما مطير خوالهم صح
بس شوف الشيخ علي الجابر خواله مطير وغلط عليهم

 

[سلطان زماني]

منو قالك كل حكومه فيه وزير مطيري؟؟؟

حكومات المحمد السته مافيها الا العفاسي محسوب على مطير..

اما العليم محسوب على الحركه الدستوريه..

والساير محسوب على الحضر ولا درى عن مطير..

وما اذكر في حكومات الشيخ سعد والشيخ صباح الا بن شرار...

لو فيه غيره ياليت تذكرني..


بالعكس اغلب الحكومات فيها عازمي من التاسيس الا اليوم...


وبعدين اذا وزير فاسد وضعيف مايشرفني ولو انه ابن عمي خليصي,,,


:وردة:​

 

[سلطان زماني]

اول شي لكثرة عددهم في الكويت وهي القبيله الثانيه بعد العوازم
وحتي العجمان
اما المجلس الي فات كسرت في الرشايدة اول مرة تكسر فيهم
ومع العلم اقرب قبيلتين الي قلب ال صباح العوازم والرشايدة
اما مطير خوالهم صح
بس شوف الشيخ علي الجابر خواله مطير وغلط عليهم

يا الجبلي اترك عنك الكلام الفاضي هذا..


ال صباح يحبون القبايل كلها و اذا الرشايده والعوازم قريبين مثل ما تقول..

فهذا مو يعني يكرهون او ما يحترمون القبايل الثانيه..

وبعدين الاحمد اغلبهم خوالهم مطير واهل عيالهم..

وعلي الجابر سفيه وما يحشم احد فلا تحسبه على الصباح او على الاحمد..


:وردة:​

 

[جبلي وافتخر]

يا الجبلي اترك عنك الكلام الفاضي هذا..​

ال صباح يحبون القبايل كلها و اذا الرشايده والعوازم قريبين مثل ما تقول..​

فهذا مو يعني يكرهون او ما يحترمون القبايل الثانيه..​

وبعدين الاحمد اغلبهم خوالهم مطير واهل عيالهم..​

وعلي الجابر سفيه وما يحشم احد فلا تحسبه على الصباح او على الاحمد..​

:وردة:​

اخي الغالي ما مااعمم انا اقول اغلبهم مايحبون شي اسمه مطير
عرفت اخوي الغالي
وعندك مستشار الامير بن شرار
ومدير مكتب الشيخ ناصر المحمد الركيبي مطيري
انا ما اعمم في بعض منهم

 

[ابو عبدالرحمن العازمي]

اذا ماني غلطان مو كل الحكومات فيها مطيري اعتقد حكومات كثيرة ما فيها وزير من قبيلة مطير الكريمة

 

[سلطان زماني]

اخي الغالي ما مااعمم انا اقول اغلبهم مايحبون شي اسمه مطير
عرفت اخوي الغالي
وعندك مستشار الامير بن شرار
ومدير مكتب الشيخ ناصر المحمد الركيبي مطيري
انا ما اعمم في بعض منهم

حرام عليك اغلبهم عاد..!!

قول اقلهم قول مهبلهم مثل علي الجابر..

بس تراك ظلمتهم..


انا اجي عروسكم اشوف اغلب الشيوخ صافه..

من ابو ناصر الله يحفظه ليه الشباب من الاسره..


واخذها قاعدة..

الصباحي الي يكره فئه من الشعب ايا كانت..

فهو مريض وسفيه ويعاني من نقص.

:وردة:​

 

[BMW]

موضوع فيه نفس قبلي مصيره الاغلاق

لانه يسبب انتقاص القبائل الاخرى

لذلك ارجو ان الموضوع من حسن نيه

والله اعلم

 

[عـــــبدالمــــــلك]

لعدة اسباب ابرزهم

الكفائات فأغلب ابنائها شهادات وألمام بالاقتصاد والسياسة والتعليم وحتى الرياضة

وحتى من لايحمل شهادة عليا تجده متحدث وملم بأمور البلد

السبب الثاني شراسة اعضائهم بالحق فهم من يحمل لواء المعارضة

وهذا سبب في ارضاء الحكومة لهم عن طريق التوزير

السبب الثالث هم خوال الشيوخ ومقربين للأسرة برابط مهم وهو الدم

هذا والله اعلم

 

[هزاع العنزي]

شكرا لكم جميعا ونعم فى اهل الكويت جميعا بدون استثناء

 

[ساهر الليل]

ربعــي مطيـــر مطوعــة كل مســـــطور **كــم واحــد خــلوه ينقل صــوابـــــه

هلال فجحان المطيري ​