من وجهة نظري..
ان الثقافه الاقتصادية والاستهلاكيه للمجتمع عوجه وغبيه..
اغلب الشعب الكويتي مستعد للسلف والدين من اجل الكماليات..
باعطيك امثله مختلفه شفتها بعيني..
رجل معاشه 670..
اشترى لاند كروزر 2010 ب10000 الاف دينار تقريبا والقسط 195 على خمس سنوات...!!!
بعدها يشتكي من الفقر والقحط المادي..!!
رب اسرة تتكون من 8 اولاد وبنات معاشه 1100..
عنده خدامتين 50+50=100
سايق=80
اجار بيت 300
ماجلة البيت تكلفه 150 دينار..طبعا يمشي على مقولة يزيد ولا ينقص..
شي طيب ولكن اولاده ما يتغدون او يتحشون الا بالمطاعم..!!
وبعدها يشتكي من الفقر والقحط المادي..!!
واخر يقترض سنويا 2000 دينار عشان يسفر المدام....!!!
واخر يقترض 20000 عشان يشتري سياره المانيه ويكمل الباقي بالاقساط..!!
واخر يدخل الكترونيات الغانم ويخم الاكو والماكو ويقاصدهم ب250 دينار..!!
واخر متوسط الحال نوى يتزوج فكلفه زواجه 7000 مهر و 6000 اثاث و4000 حفل العرس بارقى الفنادق 2500 شهر عسل..!!
واخر يشتكي غلاء اسعار اللحم ويشتري 3 خرفان شهريا..!! وزيد على هالمثال الاسماك..
المسالة ثقافه استهلاكيه واقتصادية بحتة..
طبعا مو الكل..
لكن الاغلب..
لو كان كل كويتي يستغني عن سلعه ارتفع سعرها ببديل لها لما ارتفعت الاسعار الوهميه..
لو كان كل كويتي لا يهتم بالكماليات والشكليات لارتاح اغلب المجتمع..