سؤال وجواب استفسار عن قروض الترميم

[Alfalodh]

الى اشتري بيت واخذ الـــ70 الف

هل يحق له ان يقدم على قرض الترميم ؟؟؟

ولاا خلاص الــ 70 الف هذي كل مستحقاته

علما ان البيت اشترينا سنه 1999 هل يحق لنا تقديم طلب لقرض الترميم؟؟؟

ممكن اجد الجواب لسؤالى

 

[العارضيه سيتي]

اللي اعرفه. انه مايعطون دام خذي ال٧٠

 

[Alfalodh]

لاتحبطنى

 

[Way one]

مايعطونك قرض ترميم ,,
قرض الترميم ..لأصحاب بيوت الدخل المحدود او الموحد .. حيث يستحقون مبلغ 25 ألف دينار ..كقرض بلا فوائد .. بعد عشر سنوات من إستلام البيت ..
أما من اخذ 70ألف دينار ..فقد استنفذ حقه ..
ممكن تقدم على المحفظه التي عند بنك التسليف ..وهي أيضا لها شروطها الخاصه ..من ضمن الشروط أن القرض عليه فائده رمزيه ..
النصيحه ..
أذهب إلى بنك التسليف ..و .. " تلقى عندهم السنع " ..

دمت بخير ,,

 

[( الصحفي )]

اذا كان البيت حكومي ومو مبني اعتقد يعطونك

اما اذا كنت مشتري البيت واهو مبني اعتقد مايعطونك

اتمنى اهل الخبره يفيدونك

تحياتي :وردة:​

 

[Alfalodh]

مايعطونك قرض ترميم ,,
قرض الترميم ..لأصحاب بيوت الدخل المحدود او الموحد .. حيث يستحقون مبلغ 25 ألف دينار ..كقرض بلا فوائد .. بعد عشر سنوات من إستلام البيت ..
أما من اخذ 70ألف دينار ..فقد استنفذ حقه ..
ممكن تقدم على المحفظه التي عند بنك التسليف ..وهي أيضا لها شروطها الخاصه ..من ضمن الشروط أن القرض عليه فائده رمزيه ..
النصيحه ..
أذهب إلى بنك التسليف ..و .. " تلقى عندهم السنع " ..

دمت بخير ,,

مشكور اخوي أذكر الله على المروور بنروح وامرنا لله ونشوف :وردة:

 

[Alfalodh]

اذا كان البيت حكومي ومو مبني اعتقد يعطونك ​

اما اذا كنت مشتري البيت واهو مبني اعتقد مايعطونك ​

اتمنى اهل الخبره يفيدونك ​

تحياتي :وردة:​

مشكور يااصحفي على المروور جزاك ربي الجنه :وردة:

 

[العارضيه سيتي]

ليش تحتاج القرض ؟
شنو تبي. ترمم بالبيت توسعه داخليه والا بناء دور جديد؟
 ساعات مايكلف شي ترى ماله داعي قرض

 

[Alfalodh]

لايكاد ان يكون اي مواطن كويتى الاا ابتلى في القروض وطبعا بفوائد من تلك البنوك

والمعاش نصفه يذهب لتلك البنوك والنصف الاخر للالتزامات الى على كاهلنا

والبيت يحتاج الى ترميمات وتعديلات يالله السلامه السؤال من اين آآآلى ذالك

اذا بنك التسليف لايعطي المقترض قرض بلاا فوائد للترميم كونى اخذت الــ 70 الف

والمعاش لايتحمل اكثر ان اقترض من تلك البنوك الى تاخذ اكثر مما تعطي

الله المستعان وربي يفرج علينا وعلى كل مسلم يالله السلامه :وردة:

 

[العارضيه سيتي]

اخوي. اول شي بما انك ناوي ترمم ( بناء. دور مثلا)
أبدء بالخطوات اولا. وعندي سؤال شلون تبي تاخذ قرض وانت مو عارف الترميم جم بيكلف؟
روح حق وزاره الإسكان بجنوب السرة وأخذ مخطط البيت واختار لك مكتب هندسي. وقوله التصميم. اللي تبي. ومراح يكلفك اكثر من ٢٠٠ تقريبا بعدين آخذ التصميم. وعطه مقاول اذا عندك. او شركه مقاولات. تحدد لك جم بيكلفك الترميم او غيره وخل. تعاملك مع المقاول. بانك انت توفر له المواد المطلوبه للبناء. لايقص عليك. ويقولك ان اوفرهم لك واحسب جم. ياخذ المقاول. وجم سعر المواد. عشان تعرف. جم تبي عشان تقدر تبلش