زيادة الاعضاء من 2300الى 5700

[أرطبون العرب]

حلووووه هاذي نعطيه عشان لا يحتاج ولا يقصون عليه ويبوق والله زين أعتقد كل موظفين الدوله لازم يعطونهم مثل النواب الشرفاء على قولتك عشان لا يقصون عليهم ويرشونهم ويبوقون يعني آنا بمكان شغلي بالمشتريات وأتعامل مع شركات وخاف أحد يقص علي وتدري أخوي الشيطان شاطر بنظرك هذا اصلاح إلا خووووووش إصلاااااح صج ناس ما تستحي

يا عديم الأخلاق ..

عندما تتعلم كيف تحاور الناس ؛ عندها سأفكر بأن أرد عليك بالردود الدستوريه و القانونيه التي تلجم أمثالك .. ​

 

[Abo Hamad]

٥٧٠٠ دك * ٥٠ عضو = ٢٨٥٠٠٠دك / ٧٠٠دك = ٤٠٧ موظف كادح

يعني العضو عن ثمان موظفين
هذا غير البدلات وغير اللجان وغير المهمات الرسمية للشريف
اما غيره ضيف عليهم المناقصات والعمولات والشيكات من تحت الطاولة

بس والله انا ماني حاسدهم لانهم اذا اشتغلوا صح فعليهم بالعافية
اما اذا كان تصويتهم على اي شيء مقابل شيء فوالله احنا الخسرانيين 

 

[bujassim]

٥٧٠٠ دك * ٥٠ عضو = ٢٨٥٠٠٠دك / ٧٠٠دك = ٤٠٧ موظف كادح

اي والله شي يقهر


وايد شباب يدورون وظايف اهمه أحوج منها

يجب ان نرفض هالزيادة جملا وتفصيلا فهؤلاء لايستحقون :إستنكار:

معقوله واحد سايق باص مادري شنو شهادته متوسطه يستاهل هالزيادة ؟ لا وشرط عضو مجلس امه يقرا ويكتب عربي ومعاشه 5750

http://www.youtube.com/watch?v=6_yIEljpRlQ

 

[.Q8.]

يا عديم الأخلاق .. ​

عندما تتعلم كيف تحاور الناس ؛ عندها سأفكر بأن أرد عليك بالردود الدستوريه و القانونيه التي تلجم أمثالك .. ​

الله يسامحك عسى ما شر أخوي ما غلطنا عليك اشفيك شبيت علينا إذا غلطت بحقك آنا آسف ... وبا ريت تلجمنا بالردود الدستوريه والقانونيه .. على فكره إذا هالأعضاء الشرفاء اللي حضرتك تتفاخر فيهم معاشتهم 2300 دينار هذا طبعا من غير اللجان والسفرات واللي مني ومناك خايفين على روحهم من الإغراءات والرشاوي عيل شنقول عن الموظف الفقير المسكين اليائس اللي معاشه 600 أو 800 دينار وأكثر هالمعاش أقساط هذا يعتبر صيده سهله للحراميه وبسرعه يتأثر ويتقبل الرشوه طبعا إذا بنمشي مع نظرية العضو الشريف الفاضل مقدم الاقتراح زيده عشان لا ينغري ويمد ايده ويرتشي مادري أخوي إحنا منتخبين أعضاء مجلس أمه ولا .....

تحياتي لك

 

[bujassim]

للتذكير

http://www.youtube.com/watch?v=g2u1t9rZUmo

 

[الوافى11]

اوكى عاد نبى الخمسسسسسسسسسسسسسسسين ؟؟؟

لو سمحتو

 

[الرائـع]

والله انكم شعب مادري شلون صاير

يعني تبون الاعضاء الشرفاء ياخذون مناقصات ويتربحون ويصيرون أنبطاحيين

يا جماعه الموضوع فيه انصاف حرام عليكم

2300 دينار شنو تسوي حق نائب شريف ..؟

وراه حملة انتخابيه وديوان ومصاريف بيته

خلوكم شوي مع الحق ولا خلوهم ياخذون مناقصات مثل غيرهم وينبطحون

صج والله ناس ماتستحي يعني تبونه لكم ولا تبونه لغيركم ؟
يعني الموظف الشريف ايبوق عادي بس النائب لا مو عادي
احنا انقول بتزيدون انفسكم بالعافيه بس احنا معاكم بعد
مو معقوله احنا 100 دينار وانتو 3450 دينار ولا انبوق يعني !!!​

 

[(اسد الجزيره)]

يستاهل كل شريف سهر من اجل الحفاظ على المال العام وعلى ثوابت الامــــه ............

ملاحظه : نرجوا من نواب (الا الريس) ان يتبرعـــوا بها ......

مو كافي عطايا من بورشات و بنتليات غيــر فلوس المعازيــب واراضي لكم (جعلها زقوم) ............

 

[AL Rashidi]

وين علاوة ...الاطفال .... وين علاوة ...المتقاعدين... وين ...............الخ

الشعب يريد اسقاط اعضاء مجلس الامه
الشعب يريد محاكمة اعضاء مجلس الامه
بعد رفع الحصانه عنهم وتنزيلهم من الكراسي

 

[الجزيرة]

وأضاف الحريتي انه ليس من حقنا ان نناقش المقترح من ناحية الكلفة المالية وان ذلك من صميم عمل اللجنة المالية التي تناقش الزيادة وترفع تقريرها للمجلس للنظر فيه سواء بالموافقة او الرفض.
ولفت الحريتي الى ان بعض الوفود العراقية عند زيارتها للكويت قال أحد نوابها ان راتب النائب العراقي يقدر بـ (15) ألف دينار كويتي، مشيراً الى ان النواب هم من يشرع القوانين وفي الجهات الأخرى مثل الداخلية والفتوى والتشريع والقضاء لتحقيق الزيادة ومن باب أولى ان ينظر الى من يعمل بالتشريع لهذه القوانين نظرة انصاف مع الاحتفاظ بحق الآخرين ولن نسكت عن الكوادر وأولهم شريحة المتقاعدين.


هذا النصاب الكبير​

 

[سني]

انا استغرب ان مافي شخص يعارض من اعضاء مجلس الامة على الزيادة ولما زادو المواطنين رفضت ام لسان مكسور النائبه الدكتوره رولا دشتي وتقول ( بدنا نعمر البــلد بدال لا يعطووهم الفلوس بنعمر بالفلوس البلد )
ماتعمرين بمعاشاتكم معاشات الاعضاء بالاربع سنين توصل الى 300 الف دينار كويتي او اقل بشيء بسيط وانا ادق بوظيفتي الحكومية لمدة 25 سنه الى 30 سنه ما اوصل الى هالمبلغ الي تستلمينه حضرتج ب4 سنين ,, هذي مافيها تعمير بلد مو هيــك دكتوره !؟ وين ايام قبل ووين الحين والله لما تتكلم هالدكتوره على بالي حاط قناة ال بي سي مو قناة الوطن ولا الرأي ولا الكويت الاولى​

 

[KaLeMaT]

يا شباب

الدستور يمنع ان يشرع النائب الحالي قانون لمصلحته

لذلك حتى لا يكون هناك خلط في الأوراق

هذا القانون إن تم التصويت عليه فتأكدوا ان المستفيد منه هم الأعضاء الناجحين في الإنتخابات القادمه

يعني الأعضاء الحاليين ما راح يستفيدون منه

الكرة لا زالت في ملعب الشعب لأختيار نواب أكفاء يستحقون هذا الراتب

 

[ملك القروض]

وأضاف الحريتي انه ليس من حقنا ان نناقش المقترح من ناحية الكلفة المالية وان ذلك من صميم عمل اللجنة المالية التي تناقش الزيادة وترفع تقريرها للمجلس للنظر فيه سواء بالموافقة او الرفض.
ولفت الحريتي الى ان بعض الوفود العراقية عند زيارتها للكويت قال أحد نوابها ان راتب النائب العراقي يقدر بـ (15) ألف دينار كويتي، مشيراً الى ان النواب هم من يشرع القوانين وفي الجهات الأخرى مثل الداخلية والفتوى والتشريع والقضاء لتحقيق الزيادة ومن باب أولى ان ينظر الى من يعمل بالتشريع لهذه القوانين نظرة انصاف مع الاحتفاظ بحق الآخرين ولن نسكت عن الكوادر وأولهم شريحة المتقاعدين.


هذا النصاب الكبير​

قال ماشافهم يسرقون بس شافهم يتحاسبون ...عذر اقبح من ذنب واذا كان النايب لعراقي بايق وخايب تصير مثله يعني قدوتكم حرامي يعني ...هززززلت ان يمثل الشعب الكويتي الحر من هو قدوته نايب عراقي  حرامي وعماااار ياكويت

 

[بسطويسي]

ملك القروض انت اي موضوع فيه فلوس لازم تشارك فيه
علاوات - قروض - راتب اساسي
شكلك حالب النمله حلب ومطشر البنوك تطشير واسمك بكل المنافذ منع سفر
الله يرفع عنك قرضك وعن كل المقترضين
​

 

[الرائـع]

على شنو هالزيادة ؟


من تشريعاتهم السنعه ؟ من تصريحاتكم ؟


ورب الكعبه وانا كويتي واوقولها بكل صراحه


هذول 300 وايد عليهم


يداومون بالشهر 4 مرات غير الاجازات غير السفرات غير المميزات غير قروضكم اللي بالمليون دينار و1%
الفائدة

غير النائبة معطينها ارض وقرض 3 ملايين
ونائبة ارض بالروضه

لعنبو داركم على هالمميزات وهم موعاجبكم ؟

بس الشعب حسرة عليهم اللي معاشاتهم فوق ال1000 فيها هدر للمال العام وذليتونا بزيادة ال50 قبل

هدر للمال العام وهدر للمال العام



شرايكم تبيعون ببيوت الشعب الكويتي وتشترونهم بعد ويتششون

فوق شينكم قوات عينكم

وصلناكم واخرتها تدورون مصالحكم البحته

ناس قروض ناس دنيا ناس معاشات ناس بتتوظف ناس مرضه

الكويت تأن
ماقدمتوا لها شي

ماعندكم غير استجواب ناصر المحمد وناصر المحمد ووزير الفلاني ووزير العلاني


ماذا قدمتوا للكويت ؟

ماذا شرعتوا من قوانين ومشاريع التنمية ؟

النتيجه = 0

:إستنكار:

مو مهم شنو كان عملهم علشان يزيدونهم
المهم اذا زادو نفسهم ايزيدونا مايصير نطلع من الولد بلا حمص
مو معقوله زيادتنا 100 دينار وهم زيادتهم بالالاف​

 

[AlBadel]

كسبنا صلاة النبي علي هيك أعضاء
ـــــــــــ​

توقيع مؤقت وقابل للتغيير
إذا معاش العضويه الجديد ( 5700 ) دينار كل شهر فعلي الشعب أن يتعلم شلون الحرمنه علي أصولها



وينك .. طالت الغيبة يابوعبدالله :وردة:​

 

[سعود الظفيري]

نواب كثير عارضو الزياده .. واصلا ما تم اقرارها الى الان يا اخوان احسنو الظن بنوابكــم ..​

والشعب كذلك يستحق زيادة​

 

[ملك القروض]

يالبسطه مادري شسمك خلك علا جوك واذا خربت جوك قولي عشان اغير مشاركاتي...هذا الناقص بعد تكميم الافواه وحلب الكويت لاصحابكم باحلامكم انتم واجنداتكم ولاتخاف انا ماطيح غير واقف ماراح تقدر البنوك تهضم لحمي وعمااار ياكويت

 

[الرائـع]

كسبنا صلاة النبي علي هيك أعضاء

ـــــــــــ​

توقيع مؤقت وقابل للتغيير
إذا معاش العضويه الجديد ( 5700 ) دينار كل شهر فعلي الشعب أن يتعلم شلون الحرمنه علي أصولها ​

​

وينك .. طالت الغيبة يابوعبدالله :وردة:​

اللهم صلي وسلم على سيدنا محمد وعلى اله واصحبه الطاهرين ابوبكر وعمر وعثمان وعلي​

 

[الرائـع]

نواب كثير عارضو الزياده .. واصلا ما تم اقرارها الى الان يا اخوان احسنو الظن بنوابكــم ..​

والشعب كذلك يستحق زيادة​

يا سعود
ماعندنا مانع ياخذونها بالعافيه عليهم
بس لايزيدون انفسهم 3500 دينار واحنا 100 دينار
مانبي غير العداله​