سؤال وجواب منو اقوى نائب يمشى معاملات ؟

[جنوب الشمال]

ياجماعة تعبت وانا اروح للنواب ياخذون معاملات خلق الله ويقولون السكرتارية يتصلون . وكله نصب ودجل لااحد يتصل ولاشى . واذا السكرتير مصرى كارثة يضبط شغله مع العالم مثلا انت تشتغل فى المرور او الهجرة ياخذ رقمك وتخلص شغله وشغلك ماخلص عند النائب . نبى نائب صادق وقوى جزاكم الله خير

 

[جبلي وافتخر]

اذ معامله فيها حق روح حق مسلم البراك وبعد محمد هايف ومبارك الوعلان
اما معامله فيها تجاوز روح حق عسكر او سعدون حماد او الخنفور

 

[بقيييط]

ماغير الباتريوت ​

 

[Way one]

أحمد السعدون ..

 

[ام عزوز]

كلهم نصابين ياخذون المعاملات ومكانها سلة القمامه

 

[.. عصآمية *]

اللي يمشي معاملتك اثنين !

واحد يحبك وواحد يخاف منك

اختر الحل الصعب !

 

[rightword]

منو اقوى نائب يمشى معاملات؟؟
ولا واحد
مافي اقوى من الله
الاستغفاااار وبس
طريق يسهل
امووورك
​

 

[جنوب الشمال]

احمد السعدون والنعم فيه بوعبدالعزيز . يستلم معاملات ؟

 

[ŞĥmLąŇ]

اي عضو حكومي يمشي معاملتك بسهوولة

بمعني اخر اي نائب انبطاحي

 

[العفار]

اهني يجي شغل الانبطاحيين روح لاي واحد ويخلصها لك

 

[سنـين التّيــــهـ..]

حسين لا مانع​

 

[ابوهارون]

روح حق الانبطاحيين يضبطونك

 

[bujassim]

خلف دميثير

يقولك اي معامله ماتمشي يمشيلك اياها

 

[s3d]

النواب الحكوميين المرتشين

ترا يمشون معاملات مو بس يبلعون مناقصات مقابل انبطاحهم

وبهذا المجلس ياكثرهم

على افى من يشيل

 

[الحر_189]

انزين منو يقدر يوظفني بالفتوى والتشريع ابي دزه بسيطه علشان انقبل

او ديوان المحاااااااااسبه

؟؟

 

[الجناعي]

حبيبي اذا انت واثق من نفسك قدم

واذا رفضوك وكان معدل قدراتك بالاختبار وشهادتك عالي واحسن من غيرك
ارفع قضيه عليهم راح تكسبها بأذن الله


مايضيع حق ورا مطالب

هذا طبعا اذا كنت خاطرك فيها

 

[لا تعليق]

اللي يمشي معاملتك اثنين !

واحد يحبك وواحد يخاف منك

اختر الحل الصعب !

صدقتي والله