اخي الكريم
اخوي خريج ( كليه التكنولوجيا - قوى محركه ) دبلوم سنتين ونص
والحمدلله قبلوه شركه نفط الخليج الكويتيه
راتبه الاجمالي 1358 ,, والصافي 1200
بس يعطونه بدلين كل شهر للشهر القادم وهما ( بدل طريق 450 دينار + بدل طبيعه عمل 200 دينار )
مجموعهم 650 دينار تضيفهم عالصافي ال 1200 دينار = 1850 دينار ( راتب دبلوم قوى محركه -فني- مساعد مهندس ميكانيك بنفط الخليج )
وللمعلوماتيه رفيجي صاحبي الروح بالروح خريج كليه الهندسه جامعه الكويت ( هندسه كمبيوتر ) دراسه مو اقل من خمس سنين ونص يشتغل بال بترول الوطنيه [الرئيسي بالاحمدي , راتبه الصافي 1700
معناته راتب اخوي الفني بنفط الخليج ببدلاته اقوى واعلى من راتب مهندس بالوطنيه ب 150 دينار وهذاك اسمه مهندس وهذا اسمه فني ,, الفرق بطبيعه التخصص( هذاك ميكانيك وهذا كمبيوتر ) وبدلات كل تخصص والمواقع( اللي يقطونك فيه كل شركه حسب تخصصك ) في البترول
فمن جذي من الممكن يكون الفني بالبترول اقوى من بعض المهندسيين لان تخصصاتهم مو قويه وماعندها بدلات قويه مثلا,, وحتى لو توظفوا ما يقطونهم بالمواقع ( ف ما تمشي لهم بدل طريق او بدل طبيعه عمل ) ف يحطونهم بالرئيسي مثل ( مهندس كمبيوتر )
هذي الفكره اللي كان يبي يوصله لكم الاخ بالارقام والدلائل