طيب مدرس او مدرسه ما تداوم خير شر قولي شنو الاجرااء واقصى عقووبه
خصم من المعاش فقط
اقعد في بيتك وخذ خمس ميه الي ست ميه دينار بعد الخصم وانت حاط رجل فوق رجل
مرات اذا قفلت من ناظر المدرسه ينقلك الي مدرسه بعييده
بواسطه ترد غصبن عن الناظر
هذا الي حاصل بغالبيه مدارس الكويت وبامكانك السؤال
بالنسبه للمجلس الطبي مثل ما تفضلت وذكرتلك سالفه المدرسه المصريه
كم مره مديره المدرسه تكتب فيها كتاب انها صارلها سنه ونص ما تداوم باجازه مرضيه
وترد المنطقه التعليميه ان مجلس طبي معطيها اجازه
يعني الاخت قاعده سنه ونص في بيتها ماكله شاربه ومافيها الا العافيه للمعلوميه
والمشكله اجنبيه والكويت متكفله بمصاريفها
هالشي هذا يسموونه system abuse وهو مصطلح يقابله بالعربي التعسف واستغلال ثغره وخلل بالنظام
هناك خلل بنظام العقوبات
بقوولك مثال والشائع لدى المدراست الاناث
مدرسه تداوم بضميير وتقووم بواجباتها باكمل وجه وبالنهايه معاشها 700 الي 800 دينار
ومدرسه مطنشه وما تداوم خير شر ومعاشها بعد الخصم 600
المدرسه الي تشتغل بضميير حين ترى الاخرى الي مطنشه تاخذ تقريبا نفس معاشها وفووق هذا قاعده في البيت ومرتاحه شلوون يصير لها نفس تشتغل ؟؟؟!!!!
راح تقوول بنفسها شلي بالتعب وعوار الراس اسوي نفس المهمله واخذ 600 دينار وانا مرتاحه
انا اتكلم من واقع وتجربه كون الاهل لهم منصب مدير مدرسه
وبامكانك انت تسال وسوف تجد ان هناك اموور افضع
بالنهايه مبروك للمدرسيين ولكن اتمنى انصااف المدرس الي يشتغل بضميير ومعاقبه المهمل منهم
