شجون الكويت
عضو مخضرم
البته لم أطعن بشرف المواطنين
لكنني اعلم بأن مواطني بلدي لايريدون تغيير تركيبتهم السكانيه إلّا اللهم اللي لهم مآرب أو لهم طموح لضم الكويت لإقليم جمهورية إيران هذا شي عارفينه يعني .
هل للمواطنين سلطة اساسا في تغيير أو عدم تغيير التركيبة السكانية !! هالقرار هذ منوط فيهم !!! التركيبة السكانية تغيرت من زمن طويل ... يعني تبي تقص على نفسك وتقول ان الكويتيين كلهم تأسيس .. وايد ناس عندها جنسية بالتجنس .. يعني التركيبة السكانية طرأت عليها تغيرات بموافقة الحكومة نفسها و هجرات كثيرة وفدت للكويت واخذت حق المواطنة .. وتغييرات عجبية من شرق آسيا وغيرها .. احنا اصلا الجينات عندنا تغيرت انت قاعد تبجي على التركيبة السكانية .. شوف ملامح الكويتيين تغيرت .. شي اشقر وشي فلبيني وشي صيني والله صيني .....والكويت اساسا كلها هجرات من أولها لي آخرها .. الكويتيين مو فقع .. شي من شبة الجزيرة العربية وشي من العراق وشي من ايران وشي من سوريا وشي من دول عربية ... وحتى باكستان عندنا والله ... بسنا نقص على روحنا .. توا الناس على الحجي !!! شعب الكويت قليل جدا .. شنو المشكلة ان الكويت سمحت بالتجنيس واعطاء حق المواطنه لناس عرب .. يعني نستورد من شرق اسيا مثل بعض الدول المجاورةحتى الشرطة هنود !!! شي مخزي والله ... في بعض أعضاء مجلس الأمة يحملون نفس نفسك اخوي وهم اساسا مانعرف أصلهم من فصلهم .. وعندهم عقدة الأصل والكل يعرف منو اقصد قاعد يطالب بعدم تجنيس البدون وهو شنو عاد !!! خل يستريح الشمس ما تغطى بغربال ... ولي بيته من جزاز ما يرمي الناس بالحجر .. وآه يالأسمر يازين ... وتوقيعك عجيب ... تحياتي ..