والله ياجماعة
الخضرة مالها لاطعم ولا ريحة
اول الطماط والخيار تشم ريحة تفوح بالبيت
الحين كل شي مغشووش حسبي الله عليهم
اذكر البقل والرويد والفجل الاحمر والجرجير من تاكله يحرقك حرق وريحة قوية
الحين ماله طعم ابد
و انت صاج اخوي
و الخضار الي تتكلم عنها يسمونها "منتجات عضوية " (organic food) و الخضراوات منها يتم زراعتها حسب الطريقة الطبيعية القديمة الي كان الانسان ماشي عليها الاف السنين
بس الحين كل اكلنا و خصوصاً بالكويت ملوث بالكيماويات و الهرمونات
يعني الدجاج مثلاً يحتاج الى ثلاثة الى اربع اشهر من العناية حتى يصبح جاهز للاكل بس بمزارعنا خلال كم يوم الدجاجة تصبح جاهزة للاكل و الفضل للكيماوي و الهرومونات
نفس الشيء بالنسبة للحوم و نفس الشيء بالنسبة للمنتجات الزراعية
عدد الناس بالعالم يزيد و الاستهلاك يكثر و الاراضي الزراعية تقل ما تزيد
طيب شنو الحل ؟؟
يستخدمون هالكيماوي عشان تكبر الخضار بسرعة و يزرعون غيرها بعد حصادها
و المشكلة اكبر من جذي بوايد
المشكلة و الحل ؟؟!!
بإعتقادي ان المشكلة ليست مشكلة حكومة او بلدية او مزارعين المشكلة اكبر من جذي
المشكلة هي مشكلة النمط الاستهلاكي لحياتنا اليومية
تذكرون ايام اول كان الكثير من الناس تجد في بيوتهم دجاج و دواجن و خلافه من الحيوانات و كان عندهم نوع من الانتاج
يعني اذكر و انا صغير كان في بيتنا دجاج و كنا نعتمد عليه في موضوع البيض و ساعات ابوي كان يذبح دجاج و ناكل منه و خصوصاً ايام الغزو الله لا يعيدها علينا
و كان عندنا مزرعة صغير بره البيت فيها انواع الخضار ...............مراد ان كان في عندنا نوع من الانتاج و الاكتفاء الموسمي لبعض المنتجات و خصوصاً البيض و الدجاج و كانت هواية حلوة ....................فليش ما يسوي الناس نفس الشي و يرجعون للانتاج و الاكتفاء الذاتي
فشله نربي دياي في البيت وسخ ويع شنو هذا .........؟؟؟؟ ................كلام وايد عوار راس حجي ناس طنازة و اعتراضات ها
خلاص خسر المشروع ؟؟؟!!!
لا
للحين في حل
الجماعة في اوربا و امريكا فكروا قبلنا و توصلوا لنتيجة
مجموعة من الناس او اكثر من عائلة يشتركون في شغلة مثل الجاخور يحطون فيها كم عامل لانتاج شغلة معينة و بيع الفائض في السوق او توزيعه على عائلات اخر مقابل اجر مادي
يعني جاخور بكم عامل في شويت دياي او فيه خرفان او بقر للحليب او مزرعة للامداد الدائم صيف شتاء بالخضار
و جذي المصاريف تتوزع على اكثر من شخص و شوي شوي هذه المنشأة ممكن تمول نفسها بنفسها اذا اشتغلنا فيها من قلب و لا نحتاج حكومة و لا نحتاج مجلس
و تاكلون خضار و دواجن حقيقية مو استغفر الله العظيم هالنفايات الي بلا طعم و بلا فائدة
كل ما نحتاج اليه هو كم شخص متحضرين منظمين متعاونين لبدء هذه العملية و على فكرة المنتجات العضوية من اغلى المنتجات في السوق و هي ذات قيمة مادية عالية و تلاحظون هالشي في الاسواق الكبيرة كيلو الطمام العضوي اغلى من طماطنا بعدة اضعاف
للبداية في مثل هذه المشاريع اطرحوا هالفكرة الحضارية على الاهل و الاصدقاء و الجيران و بالتوفيق