سؤال وجواب دفعت مخالفة بالنت وما انشالت ؟

[khaled81]

السلام عليكم جميعا
دفعت مخالفة حق وزارة الداخلية عن طريق موقعهم في الانترنت وانخصمت من حسابي
ورحت المرور عندي معاملة وان
تفاجئت الموضفة تقولي ما انشالت المخالفة للحين موجوده !!
شالحل ؟ ما لي خلق شغل كشف حساب وكتابنا وكتابكم
يا ريت من عنده حل سريع
والا راحت علي ال 40 دينار

وشكرا

 

[إسبآنيول]

دفعت بالفيزا ولا بالكي نت

​

 

[ابـوعبدالله]

نصيحه لك أخوي ولجميع الأخوه والأخوات..

لاتصدق أبدا أن الكويت في الوقت الحالي بتصير حكومه ألكترونيه يعني يعني لاتفكر تدفع للحكومه بالنت خلك علي نظامك القديم صف بالدور والله يعينك..

أنا صارت معاي مره دفعت 10 دنانير للشركه الوطنيه للأتصالات واللي المفترض أنها تكون شركه عالميه وأحترافيه وصار لي 3 شهور أراكض وراهم للحين مادشت بالحساب ، والخطأ كان مني بس مو معقوله معالجة الخطأ تستمر 3 شهور ، أنا حولت من بيت التمويل 10 دنانير للفواتير والمفترض دفع مسبق..!!!

 

[bujassim]

لآ ياعمي اصف الدور وبعدين تقول عندك بلوك
وتقول روح شيل البلوك عند الضابط والضابط يسأل عن مخالفتي وبعدين يسحب اجازتك

انا اقول ادفع بالنت وافتك


اخوي ماكو الا تاخذ كشف حساب وتوديلهم

 

[geology-teacher]

نصيحه لك أخوي ولجميع الأخوه والأخوات..

لاتصدق أبدا أن الكويت في الوقت الحالي بتصير حكومه ألكترونيه يعني يعني لاتفكر تدفع للحكومه بالنت خلك علي نظامك القديم صف بالدور والله يعينك..

أنا صارت معاي مره دفعت 10 دنانير للشركه الوطنيه للأتصالات واللي المفترض أنها تكون شركه عالميه وأحترافيه وصار لي 3 شهور أراكض وراهم للحين مادشت بالحساب ، والخطأ كان مني بس مو معقوله معالجة الخطأ تستمر 3 شهور ، أنا حولت من بيت التمويل 10 دنانير للفواتير والمفترض دفع مسبق..!!!

وأنا مثلك وسلمت أمري لله ،، دفعة بلاء إن شاء الله ​

 

[khaled81]

تم حل المشكلة
طبي بما ان حظي وايد قوي
وقت ما كنت قاعد ادفع في النت كان في مشكلة في السايت وتسكر لمدة كم يوم لتجديد قاعدة البيانات
واليوم جيكت والا مشيوله
شكرا لوزارة الداخلية بما ان دزيت لها رسالة عن طريق موقعهم واسحبوا علي بس هم شكرا تمونون