ساعدوني ولدي مبرطم يبي سياره

[هارون الرشيد]

اخوك ابو الفلام مشيت حياتي ويا العيال كلها بالافلام

جيل ماينفع وياه الا الافلام
هم تذكرت لي فلم
بس قولي عندكم بالبيت سياره عليها القيمه
يعني غاليه؟
​

وليش الاحراج...اي عندي ​

 

[بسطويسي]

وليش الاحراج...اي عندي ​

خلاص كنسل الفلم بو 300 دينار
بعطيك فلم ارخص
شوف طال عمرك اخذ الموتر وقطه بالشويخ عند كراج (تكون متفق وياه مسبقا)
وفهمه انك راح تجيب ولدك عندك وتساله عن الموتر ويقولك تبديل مكينه لانها خالطه ماي وزيت
وتكلفه تجفيتها 2000 دينار تجاري واصلي يوصل 4000 دينار

طبعا قبل لاتجي للمكانيكي انت مع ولدك تفهم ولدك ان السياره حاشتها حراره وانت رايح مشوار وبدت تقطع وتنتع وسفطتها وطفيتها وحاولت اشغلها مره ثانيه ماشتغلت واخذتها بسطحه للوكاله وسولف عليه بطريقه التحلطم انك وديتها للوكاله (امس) واليوم الصبح بلغوك ان المكينه خالطه وتركيب مكينه جديده لها يوصل نص قيمتها وان شلتها بسطحه وقطيتها عند كراج والحين رايحين نشوف شيقول راعي الكراج
عشان من توصل للميكانيكي ويبلغكم بنفس خراب الوكاله يحوشكم اقتناع ان صح المكينه خلطت والكراج ارخص من الوكاله طبعا من توصل عند الميكانيكي راح يفهمك الاتفاق المسبق
اكفهر الوجه وتحلطم بصوت (مسموع غير مفهوم) وقوله اوكي انا بعدين ارد لك خبر
وقول لولدك يالله مشينا
واول الطريج ابيك تصخن وماتسولف الا ويا نفسك وبنص المشوار قوله شرايك نبدل المكينه بالوكاله والا عند الميكانيكي (عطه ايحاء انك معتمد عليه) ورايه مهم لك عشان يشاركك بهالمشكله (طبعا من يعطيك رايه حط نفسك مقتنع وخصوصا اذا ساق المبررات وقوله شورتك وهدايه الله

طبعا انت بالفلم هذا عطيت ولدك ايحاء انك بضائقه ماليه
وعطيته ايحاء انك معتمد عليه
ومن خلال هالأيحائين (شرايك بالايحائين) راح يتعاطف ولدك معاك وان ماتعاطف اخذ شوري واشتر له قاري او سكوتر

بس اذا اقتنعت بالموضوع بلغ المراقب يشطب المشاركه
عشان لايطيح عليها ولدك من خلال العم قوقل ويسويله برنت ويغطيك اياها على ورقه A4​

 

[هارون الرشيد]

خلاص كنسل الفلم بو 300 دينار

بعطيك فلم ارخص
شوف طال عمرك اخذ الموتر وقطه بالشويخ عند كراج (تكون متفق وياه مسبقا)
وفهمه انك راح تجيب ولدك عندك وتساله عن الموتر ويقولك تبديل مكينه لانها خالطه ماي وزيت
وتكلفه تجفيتها 2000 دينار تجاري واصلي يوصل 4000 دينار

طبعا قبل لاتجي للمكانيكي انت مع ولدك تفهم ولدك ان السياره حاشتها حراره وانت رايح مشوار وبدت تقطع وتنتع وسفطتها وطفيتها وحاولت اشغلها مره ثانيه ماشتغلت واخذتها بسطحه للوكاله وسولف عليه بطريقه التحلطم انك وديتها للوكاله (امس) واليوم الصبح بلغوك ان المكينه خالطه وتركيب مكينه جديده لها يوصل نص قيمتها وان شلتها بسطحه وقطيتها عند كراج والحين رايحين نشوف شيقول راعي الكراج
عشان من توصل للميكانيكي ويبلغكم بنفس خراب الوكاله يحوشكم اقتناع ان صح المكينه خلطت والكراج ارخص من الوكاله طبعا من توصل عند الميكانيكي راح يفهمك الاتفاق المسبق
اكفهر الوجه وتحلطم بصوت (مسموع غير مفهوم) وقوله اوكي انا بعدين ارد لك خبر
وقول لولدك يالله مشينا
واول الطريج ابيك تصخن وماتسولف الا ويا نفسك وبنص المشوار قوله شرايك نبدل المكينه بالوكاله والا عند الميكانيكي (عطه ايحاء انك معتمد عليه) ورايه مهم لك عشان يشاركك بهالمشكله (طبعا من يعطيك رايه حط نفسك مقتنع وخصوصا اذا ساق المبررات وقوله شورتك وهدايه الله

طبعا انت بالفلم هذا عطيت ولدك ايحاء انك بضائقه ماليه
وعطيته ايحاء انك معتمد عليه
ومن خلال هالأيحائين (شرايك بالايحائين) راح يتعاطف ولدك معاك وان ماتعاطف اخذ شوري واشتر له قاري او سكوتر

بس اذا اقتنعت بالموضوع بلغ المراقب يشطب المشاركه

عشان لايطيح عليها ولدك من خلال العم قوقل ويسويله برنت ويغطيك اياها على ورقه A4​

هههههههههههههههههههههههههههههههههههههه

انت رائع يا بسطويسي بس والله يفصلون مني ومنك عشره ويمشون فينا

بس ما فيه مانع اجرب وصفتك واشوف ورايح اقول لك النتيجه

تحياتي:وردة:​

 

[بسطويسي]

هههههههههههههههههههههههههههههههههههههه​

انت رائع يا بسطويسي بس والله يفصلون مني ومنك عشره ويمشون فينا ​

بس ما فيه مانع اجرب وصفتك واشوف ورايح اقول لك النتيجه​

تحياتي:وردة:​

اهم شي اخوي ان لاتطبخ العمليه سريع سريع لعده اسباب
اذا وديت سيارتك الاحد مافيه مانع تسفطها عند صديق (على بونها بالوكاله)
وخلها يومين هذه وكاله مو مصبغه غسيل وكوي سريع يبيلها يوم الا يومين فحص وبعدين سرب خبر خرابها
ثالث يوم ودها للكراج وفهم الميكانيكي بالفلم ورابع يوم تكون عنده مع ولدك واذا اتفقت مع الميكانيكي اقل شي لازم تكون عنده 3 ايام على بو تصليح ومايمنع ان بالفتره هذه تسويلها تصفيه وتبديل دهن وفلتر وسيرفس عادي
وعقب طلع المسكينه يبيلها تمرين اقل شي اسبوع والله يعينك على هالثلاث او اربع الالاف اللى بتقطهم لازم ولدك يتسامى ويطيح من مبلغ السياره
​

 

[عــذوب]

وعقب طلع المسكينه يبيلها تمرين اقل شي اسبوع

واعذاب هالمقروده من كراج لكراج قال ايه وكاله ههههههههه

بسطويسي بلقبك مستشار الشبكه عندي عجوز معذبتني مالها حل شكل حلها النهائي خطط بسطويسي خخخخخخخخ

 

[واضح]

اخي هارون الرشيد أفضل شي انك ترحل

 

[بسطويسي]

وعقب طلع المسكينه يبيلها تمرين اقل شي اسبوع

واعذاب هالمقروده من كراج لكراج قال ايه وكاله ههههههههه

بسطويسي بلقبك مستشار الشبكه عندي عجوز معذبتني مالها حل شكل حلها النهائي خطط بسطويسي خخخخخخخخ

ها عسى ماشر​

 

[عزيز وغالي]

اخوي هارون الرشيد اسمح لي
لابد من فرض الهيبه والشخصيه
والولد مو هو الي يختار انت الي تختار له الافضل
لان حياته عندك اهم من الف سياره
والاحظ من ردودك انك تحب ترد ورايك ماخذه وخالص

 

[بسطويسي]

اخوي هارون الرشيد اسمح لي
لابد من فرض الهيبه والشخصيه
والولد مو هو الي يختار انت الي تختار له الافضل
لان حياته عندك اهم من الف سياره
والاحظ من ردودك انك تحب ترد ورايك ماخذه وخالص

هاهاهاهاهاها
ونكه هارون الرشيد
يعني الكلمه مايثنيها
​

 

[عــذوب]

ها عسى ماشر​

ماشر ........خلاص هونت هذي ماينفع معاها شي.....وواستخرت وكسرت خاطري ههههه

نبي نشوف خطتك تضبط مع هارون وبعدين نقرر

 

[geology-teacher]

أولا مبروك النجاح ، والله يحفظه ويبلغك فيه وتشوف عياله
ثانيا ، اتفق معاه على أساس ، باجي فلوس السيارة ، يدفعها هو ويقسطها لك من مكافأة الجامعة

 

[ليت الشباب يعود يوما]

هاااروووووووون ترى بتنزل موديلات 2012 وانت للحين ماشريت لولدك

 

[الطاحونة]

عشان تهون عليك مشكلتك ... أنا ولدي عمره 16 سنه ويبي سياره ... لا وساقط بالدراسه بعد ... خجمته بجم كلمه وقفته عند حده ... وصايرله جم يوم مو الأولي ... يكون زعلان يعني ... وأنا معطيه بو لابس ...

عموما ولدك الله يستر عليه يستاهل خصوصا أذا أخذ نسبه طيبه ... وبعدين لازم تفهمه أنه ألحين في مرحله تحديد مستقبله ... لازم يركز على دراسته الجامعيه أو معهده ... وهالمرحله الأنتقاليه يمشيها لو سياره مستعمله بس نظيفه شوي وبعد التخرج خلاص يدبر نفسه وياخذ اللي يبيه ...


يقال بأن الولد مراحل ...

من الولاده لين ال 7 سنوات ..... حق التبوس والملاعب وتستانس معاه
من 8 لغاية 14 .... تربيه وتؤدبه وتعمل على صلاحه
من 14لغاية 21 ... تصاحبه وترافقه وتنصحه وتوجهه لما فيه خير له ..
من ال 21 أتركه يدخل معترك الحياه مع توجيهاتك اللي ماله غناة عنها

بالتوفيق أن شاء الله :وردة:

 

[يتيمة جابر]

اخي هارون

الله يبارك و يحمية و يبلغك فيه

بالنسبة لولد اعتقد لازم يشكرك و يحمد ربة ان لدية اب حنون مثلك


اتذكر لما تخرجت من ثانوية .. رفض والدي شراء او فعل اي شيء لي بحجة ان اخواني من ابوي ماكلينه و نسرته خايف منها


فا توظفت و انا طالبة بالجامعه اصرف على نفسي و شريت لي سياره ماشي حالها لين تخرجت و الحمدالله شريت الي بخاطري و اكثر و لكن تجربتي هذي عطتني درس بالمسؤولية و اعرف قيمة الفلوس


انصحك شوف له على وظيفة ما تتعارض مع مرحلة المقبله علشان يساعدك و يساعد نفسه على نهوض بالمسؤولية و يتحمل

 

[هارون الرشيد]

اخي هارون الرشيد أفضل شي انك ترحل

اتوقع ان الرحيل قادم لا محال لكن من يستقبلني ....

تستقبلني؟

تحياتي:وردة:​

 

[هارون الرشيد]

اخوي هارون الرشيد اسمح لي
لابد من فرض الهيبه والشخصيه
والولد مو هو الي يختار انت الي تختار له الافضل
لان حياته عندك اهم من الف سياره
والاحظ من ردودك انك تحب ترد ورايك ماخذه وخالص

هلا بخوي عزيز وغالي ​

الهيبه موجوده ولكن اسعى ان يرافق تلك الهيبه محبه ​

وهي تأتي بالاقتناع ...اذا انا احاول ان اجعله يقتنع ولكن فى النهاية كما ذكرت​

انا صاحب القرار ​

تحياتي :وردة:​

 

[هارون الرشيد]

أولا مبروك النجاح ، والله يحفظه ويبلغك فيه وتشوف عياله
ثانيا ، اتفق معاه على أساس ، باجي فلوس السيارة ، يدفعها هو ويقسطها لك من مكافأة الجامعة

الله يبارك فيك

يا خوي انا خايف يطلبني فلوس فوق مكافأة الجامعه ....بمعنى اني انسى سالفة

المكافأه

تحياتي :وردة:​

 

[هارون الرشيد]

هاااروووووووون ترى بتنزل موديلات 2012 وانت للحين ماشريت لولدك

ذكرتيني وفعلا لازم ألحق انفذ قراري يله مع السلامه ابى اروح اشتري له

تحياتي ليت الشباب :وردة:​

 

[هارون الرشيد]

عشان تهون عليك مشكلتك ... أنا ولدي عمره 16 سنه ويبي سياره ... لا وساقط بالدراسه بعد ... خجمته بجم كلمه وقفته عند حده ... وصايرله جم يوم مو الأولي ... يكون زعلان يعني ... وأنا معطيه بو لابس ...

عموما ولدك الله يستر عليه يستاهل خصوصا أذا أخذ نسبه طيبه ... وبعدين لازم تفهمه أنه ألحين في مرحله تحديد مستقبله ... لازم يركز على دراسته الجامعيه أو معهده ... وهالمرحله الأنتقاليه يمشيها لو سياره مستعمله بس نظيفه شوي وبعد التخرج خلاص يدبر نفسه وياخذ اللي يبيه ...


يقال بأن الولد مراحل ...

من الولاده لين ال 7 سنوات ..... حق التبوس والملاعب وتستانس معاه
من 8 لغاية 14 .... تربيه وتؤدبه وتعمل على صلاحه
من 14لغاية 21 ... تصاحبه وترافقه وتنصحه وتوجهه لما فيه خير له ..
من ال 21 أتركه يدخل معترك الحياه مع توجيهاتك اللي ماله غناة عنها

بالتوفيق أن شاء الله :وردة:

اخوي الطاحونه

مصطلح خجمته قديم وحقوق استخدامه لقبيله معينه وهو يدل على ديكتاتوريه

فعاله ومؤثره عموما انا نا افضل السيارات المستعمله لان مالي خلق اطيح بسياره

ممكن كل يوم وانا بالشويخ اتوقع انه رايح يطخ وانا اشوف انه بدأ

تحياتي :وردة:​

 

[هارون الرشيد]

اخي هارون

الله يبارك و يحمية و يبلغك فيه

بالنسبة لولد اعتقد لازم يشكرك و يحمد ربة ان لدية اب حنون مثلك


اتذكر لما تخرجت من ثانوية .. رفض والدي شراء او فعل اي شيء لي بحجة ان اخواني من ابوي ماكلينه و نسرته خايف منها


فا توظفت و انا طالبة بالجامعه اصرف على نفسي و شريت لي سياره ماشي حالها لين تخرجت و الحمدالله شريت الي بخاطري و اكثر و لكن تجربتي هذي عطتني درس بالمسؤولية و اعرف قيمة الفلوس


انصحك شوف له على وظيفة ما تتعارض مع مرحلة المقبله علشان يساعدك و يساعد نفسه على نهوض بالمسؤولية و يتحمل

اولا شكرا لك على اهتمامك بالموضوع

حقيقة اسلوب التربيه الذي مارسته له دور في وجود تلك المشكله وانا اعترف

بذلك ....طبعا لا اقصد اني دلعته فانا لا احب الدلع الزائد ولكن حرصت على ان اوفر لهم

اغلب ما يطلبونه وهذا جعل منهم يتعودون على ذلك ...فهم يتوقعون قدرتي على تنفيذ

كل طلب ....طبعا هم لا يمكن فى هذا السن ان يدركوا ذلك ....اعتقد ان السنين كفيله

بتعليمهم وتوعيتهم وطبعا يجب علي ان استدرك ذلك الخطأ وان احاول اصلاحه من

خلال توجيه النصائح المحببه

تحياتي وعلى فكره قررت ان اشتري له السياره التي بحدود امكانياتي (كامري ):وردة:​