سؤال وجواب ليش فنادق الكويت

[علي73]

ليش فنادق الكويت ماتسكن عزاب كويتيين واذا جا اجنبي يسكنونه

 

[jassem]

قبل فتره كنت ناوى اسكن فى احدى فنادق الكويت لكن امنعونى .. ولما سئلت الرسبشن عن سبب حرمان سكن العزاب . جاوبنى وقال هذا تعميم من وزاره الداخليه لكل فنادق الكويت ممنوع سكن العزاب المواطنين فقط

 

[علي73]

شي غريب صراحه شنو الاسباب يعني الواحد مايغير جو ويريح والا الكويتي غير يعني الواحد وده يقعد بروحه في فندق والا منتجع والا يعني لازم يسافر

 

[bujassim]

شي غريب صراحه شنو الاسباب يعني الواحد مايغير جو ويريح والا الكويتي غير يعني الواحد وده يقعد بروحه في فندق والا منتجع والا يعني لازم يسافر

ولله تبي الصج ؟


سافر احسن


ليش تقعد بفندق بالكويت مايفرق شي


ولله طال عمرك روح الامارات احسنلك وقربلك ومنها تتسوق وتستانس

 

[إنطباعي]

قبل سنتين نسيبي سعودي جاي الكويت
وما سكنوه لانه جاي بروحه

وعصب ومشى
واهو ماشي قال نظام السعوديه لاحقنا اهنيه ؟

جان ينادونه وقالوله يبا ولا تزعل
لكن هذي هي القوانين ..

وسكنوه عادي
فـ العزاب مايسكنون لا المواطنين ولا الاجانب
الا بالاماكن المخصصه للعزاب

 

[bujassim]

من صجكم تدورون فنادق اهني ؟

ولله انصح اللي بيغير جو يسافر

 

[الديفي]

انا رحت مع زوجتي لمنتجع النخيل بالبدع

وبالرسيبشن قالو لي عطنا وثيقة الزواج!

واعطيتهم وثيقة الزواج الصفرا وكانت مغلفه بجلاد الحمايه

والموظف الفلبيني يشوف الوثيقه ويضحك شكله مو فاهم شيء

وتبون سياحه بالكويت! اعتقد هذه القوانين ظهرت بفترة الثمانينات ايام الصحوه الإسلاميه

 

[مربي أجيال]

قبل سنتين نسيبي سعودي جاي الكويت
وما سكنوه لانه جاي بروحه

وعصب ومشى
واهو ماشي قال نظام السعوديه لاحقنا اهنيه ؟

جان ينادونه وقالوله يبا ولا تزعل
لكن هذي هي القوانين ..

وسكنوه عادي
فـ العزاب مايسكنون لا المواطنين ولا الاجانب
الا بالاماكن المخصصه للعزاب

ما اعتقد كل الفنادق اخوي انا قبل شهرين اجرت لشباب بفندق رمادا سفير سابقا طبعا الفندق سالني عن الجنسية قلت سعوديين قال مافي مشكله اهم شي ما يكونون عزاب كويتيين لانه ممنوع

 

[بدوي ذرب]

للعلم يوميا ترسل الفنادق برنت باسماء النزلاء يوميا للمباحث
واذا تتساءل ليش الداخليه تمنع الشباب العزوبي من السكن
بالفنادق يبونهم يسافرون للخارج واذا عليهم منع سفر يروحون
ياجرون بالشقق المفروشه عشان يخنبقونها ويلكونها ويصيدهم اسد
سوريا اقصد حولي ويحطون صور الشباب وتحتها انجازات ادارة البطل
وبطولاته الزائفه ابو السيجار الكوبي اللي ينمص بدون ما تولع فيه

 

[" بو عزوز "]

السبب الوحيد هو "الدعارة" !!

عشان جذيه امنعو الكويتي يسكن عشان ما يخربط
لكن الخليجي يسكن عادي و يقدر يخربط - يزبد على قولتهم !


والله اعلم

 

[بقيييط]

فندق في فيلكا يسكن عزاب

بس ماعنده سالفه الي يسكن في فندق ماحلا من نومة البيت حتي نومة الدوانية له طعم​

 

[jassem]

مثل ماقال احد الأخوان سبب المنع هو بسبب الدعاره . مادرى جنه كل شباب الكويت دعارين! ... انا واحد من الناس مريت بفتره كئابه ونويت اسكن بروحى فى الموفيمبك واتسيح سياحه داخليه بدال لا اسافر لكن امنعونى !! .. ولما رحت احدى الفنادق بوطقه الى يجانب الرجنسى بونجمتين كان اشبه فى الفندق المسكون فااااضى وهادى وضلمه وميت من النزلاء .. الحمدلله سكنت فيه لكن اشترطت على الفلبينيه الى فى الرسبشن وقالتلى (( نوو صديكه داخل غرفه )) تقصد لادخل صديقتك داخل الغرفه .. لأسف نظره المجتمع للشباب الديره نظره سلبيه مادرى متى نتطور ..

 

[bujassim]

اي والله يا جاسم ياولدي


ماخذين فكره عن الخليجي عامتا يسكن بالفنادق ويكون معاه رفيجته

يعني لوكنت بالامارات او البحرين وسكنت بروحك محد يقولك شي

الا اهني ممنوع تسكن بروحك

ويقولون شنو ؟

مركز ايش ؟


مالي


احنا مومال مركز مالي ولا مركز نيجر

 

[whahd1]

مو من حق الداخلية تمنع ولا من حق الفندق يمتنع عن تقديم خدماته

ادري بتقولون هذا الي حاصل

الحل شكوى لوزراة التجارة عن امتناع الفندق عن تقديم خدماته

 

[عبدالباري]

http://www.youtube.com/watch?v=D7wVfvosHVk&feature=related

 

[هواها كويتي]

هههههههههههاي والله لو انا ريال شلي يحدني اروح فندق بالكويت الله يخلي دبي وقطر والبحرين

روحوا لها كلها جم ساعه درب بالسياره وبالطياره اقرب واحسن انا رحت فندق وقامت الموظفة الرسبشن

تفحص بويهي وبالبطاقه خرعتني حسسوني اني بسافر مو رايحه منتجع اغير جو ويقولون الكويت فيها سياحه

 

[" بو عزوز "]

نسيت اقولك حتى الشقق في مناطق حولي و السالمية وخيطان ومن طقة هالمناطق ممنوع يسكن الكويتي فيها .. لو جنسية عربية اوكي !!

وبعدين الاخ الي يرد علي بالدعاره ..
ياخي هذا مو كلامي .. كلام اصحاب الاملاك هم الي يشرطون على حلالهم !!