سؤال وجواب ممكن تفيدوني بخصوص تقويم الاسنان

[الاعصااار]

مبارك عليكم الشهر وكل عام وانتم بخير
صراحه وبعد تفكير عميق وبعد مشاوره والاهل الاصدقاء
قررت اركب تقويم
محتار مدري وين اركب افكر اركب بالخفجي لانه شغلهم زين ورخيصين
او اللي عنده خبره اي ابي عياده شغلهم مرتب ودكتور شاطر بالكويت
ابي نصايحكم ياليت ماتبخلون علي

 

[7Ibrahimإبراهيم]

سو بحث

اقرا كل الموضوع

http://www.q8yat.com/t218822.html

http://www.google.com/search?hl=en&...gs_sm=s&gs_upl=0l0l2l857l0l0l0l0l0l0l0l0ll0l0

 

[إنطباعي]

مبارك عليكم الشهر وكل عام وانتم بخير
صراحه وبعد تفكير عميق وبعد مشاوره والاهل الاصدقاء
قررت اركب تقويم
محتار مدري وين اركب افكر اركب بالخفجي لانه شغلهم زين ورخيصين
او اللي عنده خبره اي ابي عياده شغلهم مرتب ودكتور شاطر بالكويت
ابي نصايحكم ياليت ماتبخلون علي

علينا وعليك يتبارك
انا مسوي تقويم لي الحين 9 شهور
بمستوصف بالرياض.. اقساط 200 ريال كل شهر
اجمالي 5500 ريال
وشغلهم الى الآن ممتاز

واسعار السعودية تقريبا كلها متشابهه
الا ما ندر .. يعني ما يتعدى 6000 ريال .

اما نصيحتي
لا تدور الرخص ..
شوف مستوصف يضمن دكتوره مايروح
يعني مو معقوله تستمر 9 شهور
وبعدها الدكتور يسافر .. وتتورط انت !
وترجع من جديد .

 

[شمري كويتي]

السعودية زينة ومتقدمة بطب الاسنان

بس اهم شي ابعد عن ديرة كوهين وانت بخير

وابعد عن مستوسف كوهين

مو مستوسف سحي

لا عيادة سحية

خلك على المستوسفات السحية المعروفة

ومسل ما يقول المسل

هزا الميدان يا هميدان​

 

[قبس]

الخفجي رخيص ركبت بعيادة نسيت اسمها يمكن الجوهره او المملكه ،
بس شهر واحد وشلعتهم لاني كنت بدرس بلندن ومو ضامن القا دكتور هناك يجابلني

 

[أبوأحمد2010]

عيادة السكينه كلينك
الفروانيه شارع المطافي خلف هاتف 2000 وعسل العويد
دكتور خريج فرنسا التقويم عندهم 700 او 800 دينار
امس انا عندهم وهذي اسعارهم

 

[المتفائل]

في دكتور نصحني سالته عن دكتور تنصح في

وقال اذا اتبي تقويم روح دكتور أظن اسمه أجاويد مستشفي المواساة هندي وشاطر يقول

والله اعلم حبيت انقل لك كلام الدكتور
مع العلم الدكتور الي نصحني ماله علاقه بالمستشفي ولا شي عياده خاصه 

 

[الاعصااار]

مشكوورين ياشباب علي مروركم ونصايحكم واقتراحاتكم
لاهنتوواا

 

[MaRshMaLLoW]

انا مركبه تقويمي عند الدكتور خالد الخياط بأسنان كلينك
سويته ب 2000 دينار غالي بس لان حالتي كانت صعبه
دفعت 500 اول شي وكل مراجعه كل شهر 50 لين خلصتهم
والحمدلله فرق عن اول وبشيله بعد شهر ان شاء الله
اختي سنه وحده عند نفس الدكتور بألف و شوي
فهو حسب الحاله

و اعرف ناس مركبين بعيادة نيو ابها اللي بالبلاجات و يمدحون شغلهم

وعياده البيان ببرج الخرافي عند الدكتور راشد العازمي هم وايد زين

نصيحه ركب التقويم ترى الوقت يركض والفرق اللي بتشوفه بعدين يسوى الفلوس اللي بتقطها

 

[بدركوم]

انا كنت بسوي تقويم ولكن للاسف تراجعة بالوقت الحالي

ولكن خلال بحثي انصحك من وجهة نظري بتقويم invisalign وراح اعطيك مميزات وعيوب هذا التقويم

1- شفاف
2- يمكن خلعه باي وقت وخصوصا عند الاكل وترجع تحطه
3- تضع معجون مبيض للاسنان
4- ما يسبب التهابات باللثة

عيوبة
1- مكلف
2- مو موجود عن جميع العيادات
3- مايصلح لجميع الحالات
4- اطول فترة من التقويم المعتاد
5- يقولون لونه يصير اصفر !!



وفي ميزة حلوه ان بعد تصوير الفك واخذ المقاسات وارسالها الى الشركة المنتجة لهذا التقويم في امريكا يقوم كمبيوتر متخص من عندهم بتحليل الصور والمقاسات ورؤية المناسب لك وهذا الشي افضل الدكاترة في الكويت لان البعض منهم مايعرف يقوم الاسنان عدل فتكون النتيجة سن راجع اكثر من سن واحيانا ترجع الاسنان الى ماكانت" وبعد فترة تقريبا يرسلون للعيادة جميع القوالب الى تحتاجها لعلاج حالتك فقط تراجع عند الدكتور ويشيك ويعطيك القالب الجديد وانتهى الموضوع

المعلومات فوق اجتهاد شخصي قد اخطئ او اصيب في بعضها

وهذا موقع الشركة www.invisalign.com

وسلامتك

 

[الهارون]

ااسنان غالي بصراحه بس شغلهم زين كذا واحد يمدح العياده بس اسعارهم اغلى عياده بالكويت دبل الدبلاات اقول خلك بدون تقويم الناس متعودين علي شكلك من عشرين سنه

 

[MaRshMaLLoW]

لوووووووووووووول لا حرام خل يركب تقويم ترى فرق الواحد يقول شلون ظليت كل هالمده ماعدلت ضروسي
صح اسنان غاليين
بس انا لان ابي هالدكتور فماهمني جم ادفع لان شفت ناس ركبوا تقويم وتخربطت ضروسهم عقب

 

[الطومار]

عيادات الاسنان المميزه في الكويت: اسنان - بيان- أبها

اما البقية فهم عاديين و ليسوا بسئيين.

عدى عيادة الدجل و النصب عيادة الميدان .. اسوء عيادة اسنان في الكويت و نصيحه مجرب لا تقرب لهم.