عبر عن حالتك النفسيه...ببيت من الشعر

[خجـل]

الجو رايق والهوى فيه نسناس
والغيم متجمع بـ وسط السما فوق
يالله ترحم ميت الارض والناس
وتشفي قلوبن مسها الضيق والعوق!

:وردة:

​

 

[تگرم عيونگ]

ليه المطر لا طاح جابك بصدري ؟
وليه السماء يوم أمطرت تبتسم لك

احتجت لك تحت المطر وانت تدري
هاتك لقاء ياصاحبي قبل لا اهلك

 

[تگرم عيونگ]

يمرالعمر واحزاني هي احزاني
وثوب الليل عاجز يستر اعيوبه

 

[( القلب الكبير )]

كل العيون تطيح من عيني إلآ أنت
إليآ ذكرتك هزني طآري الشوق ​

 

[مسك الورد]

أحتاجلك حاجة شتا جسمي على شب الحطب
و أحتاجلك حاجة بدو لنجم ضاعوا رُحلي

 

[إسمچ تاج عالروس ياگويت]

يدمع مالك وقفت(ن)وسط عيني
ماعاد فيني أبكي اليوم وانوح
أضحك ورافع بالكرامة جبيني
مدام ظني خير فخالف الروح
موجود غصب(ن)والأمل يحتويني
وإن كنت بعيون الكثيرين ممسوح
ياما تناولت الأمل من يميني
ياما وياما والتعب يذكر البوح
ومد لـه الحب صافي حنيني
مدت حاتم والكرم شي ممنوح
حي الأمل دام الأمل قال ويني
حيه ودلة خافقي لجله اتفوح

 

[( القلب الكبير )]

اول الناس انتي .. وكلهم ..​

وآخر اللي عيوني .. تملهم ..​

لو تحبيني .. هذا يكفيني ..​

 

[تگرم عيونگ]

صاير احساسك مثل جو الكويت
يوم ( تكرهني ) .. ويوم ( تحبني )

 

[( القلب الكبير )]

ولهت .. وكيف ما اوله على ذاك الوفا يا ناس
وانا اللي لا ذكرت (( :قلب: )) تحرك كل مافيني​

 

[( القلب الكبير )]

فتمتع بالصبح مادمت فيه ... لا تخف أن يزولا حتى يزولا​

واذا ما أظل رأسك هم ... قصر البحث فيه كيلا يطولا​

أدركت كنهها طيور الروابى ... فمن العار أن تكون جهولا
ماتراها والحقل ملك سواها ... اتخذت فيه مسرحا ومقيلا
اللهم لا تجعل الهم يسيطر على قلبي
ولا اليأس يتسلل الى نفسي ​

 

[خجـل]

مثل الحلآ ضحكته آحبها حيل بس آسمع الضحكه وهمي يولي
آمآ السوالف كنهآ دلة الهيل يآزين حظي آتقهوى و آحلي

:وردة:
​

 

[غيث]

معاريف الرجال ديون وديون الرجـال ثقـال
لياصرت متعافي ليش تغـرق فـي جمايلهـا

رصيدك في حياتك سمعتك مع طيبيـن الفـال
رجال الطيب والمعروف بالمعـروف عاملهـا

 

[أم فواز]

كل ماغيَّم من الأشواق صُبح
..... قلت من جابك على بال السما؟

 

[تگرم عيونگ]

من يوم ما رحت وآنا آفتّش عيوني
لا يكون حتّى بقايا صورتِك راحت ؟

 

[خجـل]

مّن صَد .. عنُي ..
وأنا مآ آخطيت في حقـه
ترضيــه آلأيآم .. لو طآلت ليآليهآ !!

:وردة:

​

 

[تگرم عيونگ]

لا تسألين ..... الدمع لا سيّل
هـ الدمع هذي مدري وشهوله ؟

يمكن .. لاني جالس اتخيّل
إنا انتفارق ( الله لا يقوله !! )

 

[تگرم عيونگ]

أترك علاقات المحبه والاحراج
يا كم علاقه تنتهي من حماقه

تبي علاقه ماتسبب لك أزعاج ؟
إكفل يتيمه وآبتسم لـ الـمُعاقه

 

[مسك الورد]

كان اعتقادي بأن يوم نتواجه
وتحس باللي حصل فيني من أسبابك
أعصابي بنار وأعصابك في ثلاجه
الله يا قوتك يا قوة أعصابك

 

[فؤاد بن بطاح]

تبيّن النور من خده علي واحتجب
يا الله عليك الخلف تخلف على اتعبي
انا قِتيل العيون النجل سود الهدب
ذقت العنى والعذاب ولا حصل مطلبي​

 

[ام العيال]

ما للكسور بخاطر الوجد جابر
وما لـ الدموع بحاجر العين مرمى
صدورنا لـ هموم بقعا مقابر
و افواهنا عن ذكر الاوجاع طرمى”