مطلوب 50 دينارمنحة لكل طالب في المدارس الحكومية

[ابو محمد العبدلي]

لماذا موجود بيت الزكاة و هو هيئة حكوميه مستقله


أي شخص محتاج يروج بيت الزكاة فهناك المكان المناسب لطلبه

مادامت الفوائض الماليه ضخمه ولله الحمد ولافيه تنميه

فالدوله ملزمه بتلمس هموم المواطنين بدلا من

ضياع الاموال يمينا ويسارا واخرها ليبيا 180 مليون دولار

اخوان ويستاهلون بس ليبيا دوله نفطيه والكويتيين اولى

 

[حسبي الله ونعم الوكيـل]

بعترضون علي المنحة وهم أول من يصرفها..يسخرون من التموين المجاني وهم الذين أول الشهر يزاحمونا في الدور عليها..ناس غريبة..تقول لهم التاجر الفلاني ( لهط ) 20 مليون من المال العام يقولون عليه بالعافية.تقول لهم اقتراح 50 دينار لكل طالب بقولون زقوم..ما يستاهل..من انتم؟ اين تعيشون؟..

:إستحسان:
ـــــــــــــــــــــ
هذيل اكيد من المريخ او قبيضه ماتشوف الحسد بكل حرف يكتبونه بس بدعي ربي انه يبليهم عشان يحسون بغالبيه الكويتيين حسبي الله عليهم ملو البلد

 

[سعودي و أثبت وجودي]

انا ماادري عن احوال الكويت بس عارف انها افضل من الصومال والاردن وسوريا ومصر والعراق وايران ويمكن دول الخليج صدقوني النعمة تحتاج شكر تحتاج شكر والله احمدو ربكم على النعمة ولا تطمعون كثير .....

 

[خـالد]

مشكلتنا بالكويت انه مانعرف نقط فلوسنا وين ، فهذا اللي قسط سيارته هالك نص معاشه
والثاني اللي معاشه كله اقساط لاغراض شراها والا فواتير شهرية ، والثالث مثل صاحبنا غنيم يتحلطم عشان 50 دينار ..

مثل ماعملت ميزانية ل300 الف طالب بالكويت لهم خمسين دينار ويطلعون 15 مليون ، وماشاءالله على حسبتك..

أعمل ميزانية لنفسك وقلل من مصروفاتك ومصروفات البيت .عاد انت مهندس وخابر المهندس اذكية بالحسابات، الا اذا شهادتك لاهطها من الدول اللي احنى خابرينها ...

مواجهة الغلاء ياعزيزي ماراح يكون بحلطمة في موضوع ونطالب فيها بزيادة المصروفات والانفاق علينا ، مواجهة الغلاء تبدي من انفسنا..

جيراننا واخواننا بالسعودية ، المراعي زادت عليهم بس 80 فلس لللبن ، شسووا؟ شخطوا فيهم تشخط العالم ..

وحنى؟ الايباد سعره بقدره قادر يصير دبل بعد المنحة ، والعالم عندنا قالوا بس؟ قالوا شييييييييييييييييييييييييييل ومقصوص عليهم بعد!

خوش عقلية مشتري عندنا في الكويت ، المنتدى قوي ، نحتاج لحركة مقاطعة قوية وناس تصمل وشوف الشركات راح ترضخ للمواطن وطلباته مثال السعودية وشركة المراعي اقرب مثال ،وترى السوق مو حكر لشركة معينة،..

منحة 50؟ نفرض انه الحكومة كانت كريمة معانا ونزلتها ، اعطيك بس اسبوع وبتطلبها ترتفع لـ100 ، 200 والسبب عشان مواجهة الغلا! ..

هذا غير التضخم اللي راح يصير بأقتراحك ، القلم بو ميه يصير ربع ليش؟ بو هناد بيقولك في منهاها حق ستيودنت ، والمصري بيقولك دي الزيادة مش عندنا من الكمعية ..هذا وهو قلم فمبالك لو حنطة والا لبس مدرسة؟

 

[بدرالمطيور]

إذا العوز واصل فيكم لهذه الدرجه
ما تقدرون تشترون مستلزمات المدرسه


بيعوا آيفونات عيالكم
و أشتروا لهم أقلام